Fréttablaðið - 01.12.2010, Side 16

16 1. desember 2010 MIÐVIKUDAGUR
LENTIR Á JÖRÐU Þrír geimfarar úr
alþjóðlegu geimstöðinni lentu í Úkr-
aínu í síðustu viku eftir sex mánaða
dvöl í geimnum. NORDICPHOTOS/AFP
STJÓRNSÝSLA Nokkuð færri kvart-
anir bárust landlæknisembættinu
í fyrra en árin tvö þar á undan.
Alls bárust embættinu 237
kvartanir í fyrra en árið 2008
voru þær 282 og árið 2007 voru
þær 274.
Þetta kemur fram í ársskýrslu
landlæknisembættisins fyrir árið
2009.
Kvartanirnar lúta að samskipt-
um almennings við þá sem veita
heilbrigðisþjónustu. Málin sem um
ræðir eru misjafnlega umfangs-
mikil og alvarleg, allt frá hnökr-
um í samskiptum til alvarlegra
mistaka.
Röng eða ófullnægjandi meðferð
var tilefni flestra kvartana árið
2009 eins og verið hefur mörg und-
anfarin ár. 58 kvartanir beindust
að Landspítalanum en það eru tals-
vert færri tilvik en árin á undan.
Af þeim voru fimmtán á hendur
bráða- og slysalækningadeild, tíu á
hendur geðdeild, tíu lyflækninga-
deild og átta á hendur skurðlækn-
ingadeild.
Kvartanir á hendur einkastofum
lækna voru 44 og fækkaði umtals-
vert frá árinu áður, þegar þær
voru 71, en fjöldinn var svipaður
og árið 2007 þegar 49 kvartanir
bárust.
Fram kemur í ársskýrslu land-
læknisembættisins að einn heil-
brigðisstarfsmaður var sviptur
starfsleyfi árið 2009. Tveimur var
veitt lögformleg áminning.
Af öðrum aðgerðum landlækn-
is vegna kvartana má nefna að
aðfinnslur voru átján og ábending-
ar um það sem betur mætti fara
36. Í 104 málum þótti ekki ástæða
til aðgerðar.
bjorn@frettabladid.is
Færri kvörtuðu til
landlæknis í fyrra
Landlæknisembættinu bárust 237 kvartanir á síðasta ári. Kvörtunum fækkaði
milli ára. Röng eða ófullnægjandi meðferð var tilefni flestra kvartana. Einn
heilbrigðisstarfsmaður var sviptur starfsleyfi í fyrra og tveimur veitt áminning.
Á GANGINUM Af 58 kvörtunum sem bárust landlækni og beindust að Landspítalan-
um voru flestar vegna bráða- og slysalækningadeildar. 44 kvartanir voru á hendur
einkastofum lækna.
Kvartanir 2009 eftir tilefni
FRÉTTIR VIÐSKIPTI ÍÞRÓTTIR LÍFIÐ UMRÆÐAN
Má bjóða ykkur meiri Vísi?
VERTU MEÐ VIÐSKIPTIN
Í RASSVASANUM
Meiri Vísir.
Deildu Vísi með öðrum. Þeir sem setja „like“ við Vísi
á Facebook geta unnið óvænta vinninga í hverri viku.
m.visir.is
Fáðu Vísi í símannog iPad!
RÚSSLAND, AP Dmitrí Medvedev Rússlands-
forseti lagði í stefnuræðu sinni þetta árið
sérstaka áherslu á nauðsyn þess að rúss-
neskum stjórnvöldum tækist að semja við
Vesturlönd um sameiginlegar eldflauga-
varnir.
„Næstu tíu árin bíða okkar þessir val-
kostir,“ sagði hann í þingsalnum í Kreml.
„Annaðhvort náum við samkomulagi um
eldflaugavarnir og búum til sameiginlegan
vettvang fyrir samstarf, eða þá, ef okkur
tekst ekki að komast að sameiginlegri og
uppbyggilegri afstöðu, að nýtt vopnakapp-
hlaup fer af stað.“
Á leiðtogafundi Atlantshafsbandalagsins
í Portúgal í síðasta mánuði samþykktu leið-
togar NATO nýja áætlun um eldflaugavarn-
ir og buðu jafnframt Rússum að taka þátt.
Vitað er að mikil andstaða er við þau áform
meðal margra áhrifamanna í Rússlandi,
ekki síst innan hersins.
Medvedev hefur hins vegar fyrir sitt leyti
fallist á boð Atlantshafsbandalagsins, þótt
óljóst sé nákvæmlega hvernig samstarfinu
við Rússa verði háttað. - gb
Forseti Rússlands leggur áherslu á samstarf við Vesturlönd um sameiginlegar eldflaugavarnir:
Medvedev varar við nýju vopnakapphlaupi
DMITRÍ MEDVEDEV Flutti stefnuræðu sína á
sameinuðu þingi í gær.
FRÉTTABLAÐIÐ/AP
Röng meðferð 36
Ófullnægjandi meðferð 36
Aðgengi að heilbrigðisþjónustu 17
Sjúkraskrá 12
Samskiptaörðugleikar milli
heilbrigðisstarfsmanns og sjúklings 17
Áfengis- eða lyfjanotkun
heilbrigðisstarfsmanns 6
Læknisvottorð 16
Ófullnægjandi eftirlit 7
Röng greining 12
Trúnaðarbrot 3
Ófullnægjandi upplýsingar 4
Samskiptaörðugleikar
heilbrigðisstarfsfólks 1
Óljóst tilefni 1
Örorkumat 3
Heilbrigðisstarfsmaður
fer út fyrir verksvið sitt 3
Skottulækningar 0
Önnur atriði 57
Alls 237
Sími 412 2500 - sala@murbudin.is - www.murbudin.is
– Afslátt eða gott verð?
Kletthálsi Rvk
Akureyri
Suðurnesjum
Húsavík
Flúðir
EURO Panelofn 50x120 cm
12.390
Hágæða ofnar á
áður óþekktu verði
MARGAR STÆRÐIR
MARGAR STÆRÐIR
EURO handklæðaofn beinn
hvítur 50x80 cm
7.290
EURO handklæðaofn kúptur króm
50x120 cm
17.990
VOTTUÐ
GÆÐAVARA
KRANAR OG
HITASTILLAR FRÁ
PKP - 21
HAÍTÍ „Þarna er mikil neyð og við
ákváðum því að gefa meira vatn,“
segir Jón Ólafsson, stjórnarfor-
maður Icelandic Water Holdings,
sem framleiðir átappað lindarvatn
á flöskum undir merkjum Iceland-
ic Glacial á jörðinni Hlíðarendi við
Þorlákshöfn.
Fyrirtækið sendi í vikunni 42 tonn
af vatni á flöskum til Haítí. Fólk þar
hefur glímt við mikla neyð í kjöl-
far jarðskjálfta sem reið þar yfir
í byrjun árs og lagði höfuðborgina
Port-au-Prince nánast í rúst. Hjálp-
arstofnun úti sem ekki er rekin í
hagnaðarskyni dreifir vatninu til
nauðstaddra.
Í síðasta mánuði braust út kóleru-
faraldur í borginni og hefur hann
dregið 1.415 manns til dauða. Þar að
auki eru 56 þúsund taldir hafa veikst
af völdum faraldursins og óttast að
allt að tvö hundruð þúsund til við-
bótar geti veikst á næstu mánuðum.
Kólera getur komið upp þar sem
hreinlæti er af skornum skammti og
aðgangur að hreinu drykkjarvatni
takmarkaður. Í borginni búa nú 1,3
milljónir manna við slæman kost í
búðum fyrir þá sem misstu heimili
sín í jarðskjálftanum.
Fyrirtæki Jóns, sem er að hluta
til í eigu bandaríska drykkjavöru-
risans Anheuser Busch, sendir
vatnið til Haítí frá Bandaríkjunum.
Þetta er þriðja sendingin frá því að
jarðskjálftinn reið yfir.
- jab
BARIST VIÐ KÓLERU Sjúklingar á sjúkrahúsi í bænum Limbe á Haítí. Talið er að 1.415
hafi látist af völdum kólerufaraldurs þar í landi á mánuði. FRÉTTABLAÐIÐ/AP
Fyrirtæki Jóns Ólafssonar brást við neyðarkalli nauðstaddra:
Sendi 42 tonn af vatni til Haítí