Fréttablaðið - 01.12.2010, Blaðsíða 72
52 1. desember 2010 MIÐVIKUDAGUR
HANDBOLTI Frábær varnarleikur
og markvarslan var lykillinn að
því að Haukar unnu 25-16 útisig-
ur gegn FH í gær. Hörmulegur
kafli FH-inga þar sem þeir skor-
uðu ekki mark í tæpar tuttugu
mínútur en fengu á sig sjö gerði
útslagið.
„Þeir unnu bara sanngjarn-
an sigur,“ sagði Kristján Ara-
son, þjálfari FH, eftir leikinn og
hrósaði Birki Ívari Guðmunds-
syni, markverði Hauka. „Birkir
var að verja stórkostlega og varði
mikilvæg skot þegar við vorum
að ná að komast aftur inn í leik-
inn. Þetta var orðinn algjör elt-
ingaleikur og menn flýttu sér
of mikið.“ Kristján var þó sátt-
ur við varnarleik sinna manna.
„Við erum að ná að þétta vörnina
en sóknin gekk ekki. Sérstaklega
þar sem Birkir Ívar var í þessum
gír. Það kom hörmungarkafli þar
sem menn voru yfirspenntir. Það
kom þó smá ferskur vindur inn
í hraðaupphlaupin með innkomu
Loga [Geirssonar].“
Þegar lítið var eftir af leiknum
tóku Haukamenn leikhlé þegar
þeir voru níu mörkum yfir og fór
það mjög í taugarnar á FH-ingum.
„Ég skildi ekki þessa ákvörð-
un. Við ákváðum í sömu stöðu á
Ásvöllum að taka ekki leikhlé
en þeir vildu greinilega svekkja
okkur. Leikurinn var búinn. Þó að
þetta hafi verið baráttuleikur þá
var þetta óþarfi. Þeir segjast hafa
þurft á einu marki að halda en ég
held að það sé fyrirsláttur,“ sagði
Kristján.
Umgjörðin í kringum leikinn var
eins og best verður á kosið. Langar
raðir voru við hamborgarasöluna
fyrir leik þar sem Heimir Guðjóns-
son, þjálfari fótboltaliðs FH, var
meðal þeirra sem sáu um að grilla
ofan í mannskapinn og þá fluttu
Erpur Eyvindarson og Friðrik Dór
tónlistaratriði fyrir leik.
FH-ingar unnu níu marka sigur
þegar liðin áttust við á Ásvöllum
í upphafi leiktíðar og þeir skor-
uðu fyrstu tvö mörkin í gær. En
Haukar voru ekki lengi í gang og
tóku forystuna í fyrsta sinn 4-5
með þremur mörkum í röð. Birkir
Ívar Guðmundsson var heitur strax
frá byrjun og var kominn með tíu
skot varin eftir rúmlega tuttugu
mínútna leik.
Þórður Rafn Guðmundsson skor-
aði nokkur lagleg mörk með stór-
glæsilegum skotum og undir lok
fyrri hálfleiksins keyrðu Haukar
gjörsamlega yfir heimamenn. Þeir
skoruðu fimm síðustu mörkin fyrir
hlé og breyttu stöðunni úr 8-8 í 8-13
en þannig stóð í hálfleik.
Gestirnir héldu uppteknum hætti
eftir hlé og skoruðu tvö fyrstu mörk
síðari hálfleiks áður en Hjörtur
Hinriksson náði að skora ansi lang-
þráð mark fyrir Fimleikafélagið.
Logi Geirsson kom inn í seinni hálf-
leiknum eftir að hafa vermt vara-
mannabekkinn allan þann fyrri.
Betri taktur komst á FH sem
skoraði þrjú mörk í röð og hleypti
meiri spennu í leikinn.
En Haukarnir voru með leikinn
í öruggum höndum og hleyptu FH-
ingum aldrei of nálægt sér. Úrslit-
in voru ráðin undir lokin og níu
marka sigur Hauka staðreynd. Þeir
náðu því að snúa blaðinu algjörlega
við frá því þegar liðin áttust við í
upphafi tímabils og eru nú komnir
að hlið FH.
„Þeir fögnuðu eins og þeir væru
heimsmeistarar eftir fyrri leikinn
og það kom ekki til greina að láta þá
vinna aftur. Þegar við spilum þessa
vörn þá eiga lið í erfiðleikum með
okkur,“ sagði Freyr Brynjarsson
sem átti flottan leik fyrir Hauka.
„Við vinnum þetta í vörn og
markvörslu. Birkir Ívar varði
dauðafæri eftir dauðafæri auk
þess að taka skylduboltana. Þetta er
ljúft en ég hefði þó viljað sjá fleiri
Haukamenn á pöllunum, kannski
eru bara einhverjir sem vilja alls
ekki koma hingað.“
elvargeir@frettabladid.is
FÓTBOLTI Jose Mourinho, þjálfari
Real Madrid, var í gær dæmdur í
eins leiks bann hjá UEFA fyrir að
skipa tveimur leikmönnum sínum
að fá viljandi rautt spjald í 4-0
sigri Real Madrid á Ajax í Meist-
aradeildinni á dögunum.
Þeir Xabi Alonso og Serg-
io Ramos fengu báðir sitt annað
gula spjald í leiknum fyrir að
tefja leikinn. Auk leikbannsins
fékk Mourinho 40 þúsund evrur
í sekt, sem gera um sex milljón-
ir íslenskra króna. Mourinho er
einnig á skilorði næstu þrjú árin.
Mourinho var ekki sá eini í
Real Madrid sem fékk peninga-
sekt. Xabi Alonso og Sergio
Ramos þurfa báðir að greiða
20 þúsund evrur, Iker Casillas
þarf að borga 10 þúsund evrur í
sekt fyrir að koma skilaboðun-
um áfram og Jerzy Dudek fékk
fimm þúsund evra sekt fyrir að
bera skilaboðin frá Mourinho til
Casillas. - óój
Jose Mourinho, þjálfari Real:
Fékk leikbann
RAUTT Á XABI Jose Mourinho gefur hér
skilaboð í leiknum umdeilda. MYND/AP
FH-Haukar 16-25 (8-13)
Mörk FH (Skot): Ólafur Andrés Guð-
mundsson 4 (12), Ásbjörn Friðriksson
4/1 (9/4), Ólafur Gústafsson 3 (10),
Hjörtur Hinriksson 2 (2), Baldvin Þor-
steinsson 2 (5),Benedikt Kristinsson 1
(1). Varin skot: Pálmar Pétursson 13/1
(38/4,34%).
Hraðaupphlaup: 3 (Baldvin 2, Hjörtur)
Fiskuð víti: 4 (Ásbjörn, Örn Ingi, Logi,
Hjörtur)
Brottvísanir: 8 mínútur.
Mörk Hauka (skot): Þórður Rafn
Guðmundsson 8/1 (12/1), Guðmund-
ur Árni Ólafsson 5/1 (7/2), Freyr Brynj-
arsson 5 (8), Heimir Óli Heimisson 4
(5), Stefán Sigurmannsson 1/1 (1/1),
Björgvin Hólmgeirsson 1 (4), Tjörvi
Þorgeirsson 1 (6).
Varin skot: Birkir Ívar Guðmundsson
21/2 (37/3, 57%).
Hraðaupphlaup: 4 (Guðmundur 2,
Heimir, Freyr)
Fiskuð víti: 4 (Heimir 2, Tjörvi, Freyr)
Brottvísanir: 10 mínútur.
FÓTBOLTI Botnlið West Ham í
ensku úrvalsdeildinni vann 4-0
stórsigur á toppliði Manchester
United í átta liða úrslitum enska
deildarbikarsins á Upton Park í
gærkvöldi. Manchester United
hafði ekki tapað leik á tímabilinu
og hafði unnið þessa keppni und-
anfarin tvö tímabil.
Jonathan Spector skoraði tvö
fyrstu mörkin á móti sínum
gömlu félögum og Carlton Cole
innsiglaði sigurinn með tveimur
mörkum í seinni hálfleik. Níger-
íumaðurinn Victor Obinna lagði
upp þrjú markanna og átti þátt i
því fjórða.
West Ham er komið í undan-
úrslitin ásamt Arsenal sem vann
2-0 sigur á Wigan. Fyrra mark
Arsenal var sjálfsmark Antolins
Alcaraz en Nicklas Bendtner inn-
siglaði síðan sigurinn á 65. mín-
útu með marki af stuttu færi eftir
fyrirgjöf frá Carlos Vela. - óój
Enski deildarbikarinn í gær:
United fékk
stóran skell
TVÖ MÖRK Jonathan Spector fagnar
öðru marka sinna. MYND/NORDICPHOTOS/GETTY
HAUKARNIR HEFNDU MEÐ STÆL
Haukar voru í ham í Kaplakrikanum í gær og unnu níu marka sigur á heimamönnum fyrir framan marg-
menni. Þegar liðin mættust í byrjun tímabils voru það FH-ingar sem unnu með sama mun.
„Ætli við höfum ekki skotið hann inn í landsliðið,“ sagði Kristján Arason, þjálfari
FH, um frammistöðu Birkis Ívars Guðmundssonar í gær. Birkir var heldur betur í
stuði og var að vonum glaður eftir leik.
„Já, þetta var ágætt hjá mér er það ekki?“ sagði Birkir sem segist vera til í að
hjálpa til hjá landsliðinu. „Við höfum rætt það ég og Gummi [Guðmundur Guð-
mundsson landsliðsþjálfari] að ef ég verð valinn þá er það með þeim formerkj-
um að ég sé að hjálpa hinum til.“
Birkir var annars mjög ánægður með sigurinn örugga í gær. „Þetta er alvöru
grannaslagur, sá stærsti á Íslandi. Það er virkilega gott að ná svona stórum sigri,
sérstaklega í ljósi þess að FH hefur virkilega öflugt lið. Við náðum að stíga yfir
þennan þröskuld í kvöld og verðum að stíga áfram eftir þessum vegi,“ sagði
Birkir.
„Ég held að allt hafi gengið upp hjá okkur. Menn voru áræðnir og tóku alltaf
frumkvæðið hvort sem það var í vörn eða sókn. Það skildi á milli í dag.“
Skutu FH-ingar Birki inn í landsliðið?
HETJA HAUKANNA Í GÆR Birkir Ívar Guðmundsson, markvörður Hauka, átti stórleik í gær og hér fagnar hann einu af fjölmörgu vörðu skotum sínum með stuðningsmönnum
Haukanna. FRÉTTABLAÐIÐ/STEFÁN
Í FRÍ MEÐ STÓRT TAP Á BAKINU Logi Geirsson lék sinn síðasta leik með FH á þessu
ári í gær og hann komst lítið áleiðis á móti sterkri vörn Hauka.
MARKAHÆSTUR Þórður Rafn Guðmunds-
son lék vel með Haukum í Krikanum í
gær.