Fréttablaðið - 01.12.2010, Blaðsíða 64

44 1. desember 2010 MIÐVIKUDAGUR
Tónlist ★★★★
Skot
Benni Hemm Hemm
Skothelt hjá Benna
Skot er fjórða plata Benna Hemm
Hemm í fullri lengd. Benni sló í gegn
með fyrstu plötunni sinni, sem hét
í höfuðið á honum, árið 2006. Á
henni var indípopp með lúðrum.
Hann festi sig í sessi með annarri
plötunni Kajak ári seinna og kláraði
svo lúðrasveitarpakkann með Murta
St. Calunga sumarið 2008. Þá var
ljóst að Benni þyrfti að hugsa málið
upp á nýtt. Og það hefur hann gert.
Í vor sendi hann frá sér fimm
laga EP-plötu á ensku sem heitir
Retaliate. Á henni var hann búinn að
berstrípa tónlistina og kassagítarinn
var orðinn mest áberandi hljóðfærið.
Á Skot er Benni farinn að byggja meira ofan á grunnana sína aftur, en nú
eru það ýmiss konar hljómborð sem setja mestan svip á útkomuna, auk
rafmagnsgítars og víólu á stöku stað. Blásturshljóðfærin eru komin í frí.
Lagasmíðarnar á Skotinu eru margar vel gerðar og grípandi. Melódíurnar
setjast að í heilanum og maður hummar þær langt fram eftir degi. Samt
hefur platan afslappað yfirbragð, eins og Benni hafi ekki verið að rembast
mikið, heldur leyft lögunum að koma til sín. Það er Retro Stefson sem flytur
tónlistina með höfundinum og greinilegt er að samstarfið hefur gengið vel.
Flutningurinn er góður og útsetningarnar bæði lifandi og fjölbreyttar. Text-
arnir eru skemmtilegir sem fyrr, fullir af skrítnum sögum og orðaleikjum.
Benni hefur dvalið í Skotlandi síðustu ár – nafnið Skot er kannski einhver
tilvísun í það? Það er sennilega heldur ekki tilviljun að skoska sveitin Belle &
Sebastian kemur helst upp í hugann þegar maður hlustar á plötuna.
Á heildina litið skotheld plata frá listamanni sem er löngu búinn að sanna
sig. Trausti Júlíusson
Niðurstaða: Benni segir bless við lúðrana á fínni poppplötu.
ÞORLÁKSMESSUTÓNLEIKAR 2010
Í HÁSKÓLABÍÓI
BUBBI
MORTHENS
BYLGJAN KYNNIR:
ÁRLEGIR ÞORLÁKSMESSUTÓNLEIKAR BUBBA MORTHENS VERÐA Í
HÁSKÓLABÍÓI ÞANN 23. DESEMBER OG HEFJAST KL. 22.00.
SÉRSTAKUR GESTUR BUBBA ER JÓNAS SIGURÐSSON.
MIÐASALA ER HAFIN Á MIDI.IS.
MIÐAVERÐ 3.500 KR.
ALLAR NÁNARI UPPLÝSINGAR Á PRIME.IS.
Nýjar vörur
6.990,-Kjóll
Smáralind og Laugavegi 25
Það er misauðvelt að bera
fram nöfn stjarnanna og
sum nöfnin geta verið hálf-
gerður tungubrjótur. Ekki
eru allir jafn lukkulegir og
Brad Pitt sem hlaut í vöggu-
gjöf nafn sem er bæði auð-
velt að muna og bera fram.
Eftirnafn gamanleikarans
Zach Galifianakis er aftur
á móti ekki jafn þjált, né
heldur raunverulegt nafn
söngkonunnar Cher, sem
er Cherilyn Sarkisian.
Önnur erfið eftirnöfn eru
til dæmis eftir-
nöfn leikaranna
Matthew McCon-
aughey, Mar-
iska Hargitay
og Gabour-
ey Sidibe.
Erfið nöfn stjarn-
anna í Hollywood
MARISKA HARGITAY
ZACH GALIFIANAKIS
Breska leikkonan Helena Bon-
ham Carter var á lista tímaritsins
Vanity Fair yfir best klæddu ein-
staklinga ársins 2010. Tilnefning-
in kom leikkonunni mjög á óvart
enda hefur hún oftar verið á lista
yfir þá verst klæddu.
„Þetta var mikill sigur. Það
kom mér til að hlæja því ég hélt að
þetta væri brandari fyrst þegar
ég heyrði af þessu. En þegar ég
sá greinina hugsaði ég með mér:
„Myndirnar sem þau völdu eru
jafn slæmar og þær sem þau birta
þegar ég er illa klædd,“ sagði leik-
konan. Fatastíll Bonham Carter
hefur löngum þótt svolítið und-
arlegur en leikkonan má eiga það
að hún hefur ávalt haldið sínu
striki sama hvernig tískan þró-
ast og breytist. Það hefur nú skil-
að sér því hún er nú komin í hóp
velklæddra manna og kvenna á
borð við Jake Gyllenhaal, Carey
Mulligan og David Beckham.
Allt í einu best klædd
HISSA Helena Bonham Carter varð hissa
þegar hún komst á lista yfir best klædda
fólk ársins. NORDICPHOTOS/GETTY
GABOUREY
SIDIBE
CHER SARKISIAN
MATTHEW
MCCONAUGHEY