Fréttablaðið - 01.12.2010, Page 34
MARKAÐURINN 1. DESEMBER 2010 MIÐVIKUDAGUR4
F R É T T I R
Fjármálaeftirlitið (FME) er með
fjórtán umsóknir til meðferðar
um leyfi til að fara með virkan
eignarhlut í fjármála- og vátrygg-
ingarfyrirtækjum. Það sem af er
ári hafa nítján umsóknir verið af-
greiddar, samkvæmt svari FME
við fyrirspurn Fréttablaðsins
um fjölda umsókna og úrvinnslu
þeirra.
Í h æfi su msók n er
meðal annars skoðaður
fjárhagslegur styrkur
viðkomandi og orð-
spor hans.
Heiðar Már Guð-
jónsson fjárfestir og
hópur sem hann fór
fyrir í söluferli Sjóvár
lagði fram umsókn um
hæfi hjá FME í ágúst.
Þegar hópurinn til-
kynnti fyrir viku
að hann hefði hætt
við kaupin var
umsóknin enn í
vinnslu.
Fréttablaðið ræddi í kjölfarið
við nokkra einstaklinga sem hafa
lagt fram hæfisumsókn til FME.
Pirrings gætti í þeirra röðum yfir
hægagangi á umsóknarferlinu.
Í svari FME kemur fram að
vinnsla taki mislangan tíma.
Markist hraðinn meðal annars af
skilum umsækjenda á fullnægj-
andi upplýsingum. Vanti á þær í
upphafi geti ferlið verið nokk-
uð langt og flókið. Þá getur
ferlið lengst ef umsókn um
virkan eignarhlut er af-
greidd samhliða umsókn
um starfsleyfi, samkvæmt
svari FME. - jab
Fjórtán umsóknir um
hæfi á borði FME
GUNNAR
ANDERSEN,
FORSTJÓRI
FME
Skoski auðkýfingurinn Sir Tom
Hunter er sagður íhuga tilboð
í bresku skókeðjuna Office upp
á 150 milljónir punda, jafnvirði
um átján milljarða króna. Hunter
keypti verslunina fyrir sjö árum
fyrir sextán milljónir punda.
Sir Tom Hunter var viðskipta-
félagi Jóns Ásgeirs Jóhannesson-
ar og keypti meðal annars hlut í
bresku versluninni House of Fras-
er með Baugi í gegnum fjárfest-
ingarfélag sitt West Coast Capi-
tal árið 2006. Á meðal helstu
hluthafa með Hunter þar er skila-
nefnd Landsbankans, sem á nú um
þrjátíu prósenta hlut sem Baugur
átti áður.
Í skoska dagblaðinu The Scots-
man kemur fram að West Coast
Capital hafi gengið ágætlega
þrátt fyrir efnahagsþrengingar.
Félagið hagnaðist um 6,9 milljón-
ir punda í fyrra eftir rúmlega 66
milljóna tap árið á undan. Hunt-
er, sem ákvað fyrir meira en ára-
tug að gefa einn milljarð punda til
góðgerðarmála yfir ævina, varð
af þeim sökum að gefa helmingi
minna til góðgerðamála í fyrra,
eða 5,9 milljónir punda.
- jab
Hunter skoðar tilboð
SIR TOM HUNTER Hefur fengið tilboð í
skókeðju sína upp á sem svarar átján millj-
örðum króna.
Óli Kristján Ármannsson
skrifar
Ísafoldarprentsmiðja hefur fengið vottun Svansins,
opinbers umhverfismerkis Norðurlandanna. Prent-
smiðjan er fyrsta dagblaðaprentsmiðjan sem fær
Svansvottun hér á landi. Fréttablaðið er prentað í
Ísafoldarprentsmiðju.
Að sögn Kristþórs Gunnarssonar, framkvæmda-
stjóra prentsmiðjunnar, hefur verið unnið að því í
nokkra mánuði að fá vottunina. Hún gekk svo í gegn
15. nóvember síðastliðinn, en prentsmiðjan fékk í gær
afhent viðurkenningarskjal til marks um hana.
Vottunin gildir til marsloka 2012. Kristþór segir
komið hafa skemmtilega á óvart hversu prentsmiðjan
var nálægt því að uppfylla kröfur Svansins þegar byrj-
að var að skoða hvaða hluti þyrfti að bæta. „Hjá okkur
hefur pappír til dæmis í mörg ár verið baggaður og
sendur í endurvinnslu. Síðan var notkun efna sem ekki
voru umhverfisvæn í algjöru lágmarki,“ segir hann.
Kristþór segir líka að umhverfisvitund þurfi ekki
endilega að kalla á meiri kostnað í rekstrinum. „Hluti
af þessu ferli er að lágmarka umhverfisáhrif rekstr-
arins,“ segir hann og bendir á að þar sé einnig horft
til þátta eins og betri nýtingar hráefnis og orku. „Til
dæmis er reynt að lágmarka afskurð. Árangurinn
kemur fram í hagkvæmari rekstri, þannig að það
getur alveg verið samasemmerki á milli hagkvæmni
og umhverfisvitundar.“
Mismiklar kröfur eru gerðar til fyrirtækja eftir eðli
starfsemi þeirra áður en að vottun kemur. Kristþór
segir að þar á bæ hafi menn haft af því vissar áhyggj-
ur þegar af stað var farið, því í prentgeira eru mest-
ar kröfur gerðar til dagblaðaprentunar. Þær prent-
smiðjur þurfi að fá yfir 85 punkta í umhverfisúttekt
á meðan hefðbundin arkaprentsmiðja þurfi aðeins 55.
„En Ísafold skoraði 92 stig í umsókninni,“ segir hann.
Prentsmiðjan er með blandaða prentun. Auk dagblaða-
prentunarinnar sinnir hún arkaprentun, „heatset“ og
stafrænni prentun. „Og vottunin nær yfir allar þess-
ar tegundir prentunar.“
Í þeim framleiðsluaðferðum sem teknar hafa verið
upp hjá Ísafoldsprentsmiðju er horft til þess að lág-
marka notkun pappírs, prentlita, hreinsiefna, raf-
magns, gass og spilliefna. Þá er horft til þess að velja
ætíð umhverfisvænsta hráefnið, sé þess nokkur kostur,
og fylgja ströngustu kröfum við förgun spilliefna.
Samkvæmt upplýsingum á vef Umhverfisstofnun-
ar og Facebook-síðu Svansmerkisins eru nú yfir tíu ís-
lensk fyrirtæki með Svansvottun. Auk Ísafoldar eru
þrjár aðrar prentsmiðjur með slíka vottun.
Á vef Svansmerkisins segir að neytendur eigi að
geta verið vissir um að innkaup þeirra séu betri fyrir
umhverfið og heilsuna þegar valdar séu vörur með
merki svansins. „Svanurinn setur strangar kröfur um
heildarlífsferil vöru og þjónustu, svo sem innihald og
notkun hættulegra efna, orku- og hráefnisnotkun og
meðhöndlun úrgangs,“ segir þar.
Eina vottaða dag-
blaðaprentsmiðjan
Ísafoldarprentsmiðja hefur fengið umhverfisvottun
Svansins. Meiri kröfur eru gerðar til dagblaðaprentsmiðja
vegna vottunarinnar. Hagkvæmt segir framkvæmdastjórinn.
Í PRENTSALNUM Kristþór Gunnarsson framkvæmdastjóri og Kjartan Kjartansson prentsmiðjustjóri eru að vonum hæstánægðir með nýtilkomna
Svansvottun Ísafoldarprentsmiðju. MARKAÐURINN/ANTON
FRÉTTABLAÐIÐ PRENTAÐ Meiri kröfur eru gerðar til dagblaða-
prentunar en annarrar þegar kemur að umhverfisvottun.
FRÉTTIR VIÐSKIPTI ÍÞRÓTTIR LÍFIÐ UMRÆÐAN
MEIRI FRÓÐLEIKUR
Meiri Vísir.
Nokkuð léttara var yfir Íslend-
ingum í nóvember en mánuðinn
á undan ef marka má Væntinga-
vísitölu Gallup sem birt var í gær-
morgun. Vísitalan hækkaði um
tæp 19 stig milli mánaða og gekk
mikil lækkun sem varð mánuð-
inn á undan að hluta til baka. Vísi-
talan sem mælir væntingar neyt-
enda til efnahags- og atvinnulífs
mælist 50,6 stig en þegar vísitalan
er undir 100 stigum eru fleiri neyt-
endur svartsýnir en bjartsýnir.
Mest er hækkunin á vænting-
um til ástandsins í efnahags- og
atvinnumálum eftir sex mánuði.
Vísitalan hækkar þar um tæp 29
stig og mælist nú 77,1 stig.
Mat á núverandi ástandi hækk-
ar mun minna, eða um tæp 4 stig
og mælist áfram afar lágt, eða
10,8 stig. Breyttar væntingar til
ástandsins í efnahags- og atvinnu-
málum þjóðarinnar eftir sex mán-
uði skýrir því hækkun sem varð á
Væntingavísitölunni nú.
Brúnin léttist
á landanum