Fréttablaðið - 09.12.2010, Side 55

FIMMTUDAGUR 9. DESEMBER 2010
Myndavélatækninni fleygir
stöðugt fram þó umfang
tækjanna minnki. Snertiskjáir,
háskerpulinsur og möguleiki
til þráðlausra sendinga úr
myndavélum í sjónvarp eru
meðal nýjunga í Samsungvél-
unum sem fást í Samsung-setr-
inu að Síðumúla 9.
Við seljum einungis Samsung-vörur
svo sem heimilistæki, sjónvörp,
tölvur, prentara og myndavélar,“
segir Skúli Oddgeirsson, verslun-
arstjóri í Samsung-setrinu sem er
ný verslun að Síðumúla 9 í Reykja-
vík. „Samsung er stærsti raftækja-
framleiðandi í heiminum í dag sem
hefur hreppt hin ýmsu verðlaun og
fengið mikið lof gagnrýnenda fyrir
hönnun og tækniþróun.“
Myndavélar kosta frá 17 þús-
undum upp í hundrað þúsund í
Samsung-setrinu. Skúli segir yfir-
leitt beint samhengi milli verðs og
gæða. „Dýrari vélarnar, eða þær
sem eru frá þrjátíu þúsund krón-
um og upp úr, eru með Schneider
Kreuznach-linsum sem eru betur
slípaðar en þær sem eru í ódýr-
ari gerðunum og gæði myndanna
verða af þeim sökum meiri,“ út-
skýrir hann.
Vinsælustu vélarnar segir hann
vera svokallaðar vasavélar enda
mesta úrvalið í þeim og gæðin
alltaf að aukast. „Í fínni gerðun-
um eru komnir snertiskjáir,“ segir
Skúli. „Það þýðir að ekki þarf að
ýta á takka til að velja aðgerðirnar
sem menn kalla fram heldur koma
möguleikarnir upp á skjáinn. Þær
fást líka með „Wi-Fi“ möguleika,“
þá er hægt að senda myndirnar
þráðlaust í sjónvarpið með svokall-
aðri DLNA-tækni. Þetta er í þessum
nýju týpum sem eru kannski búnar
að vera á markaðinum í hálft ár.“
Fleiri nýjungar nefnir Skúli, til
dæmis speglalausar myndavélar.
„Allar vélar með útskiptanlegum
linsum hafa hingað til verið útbún-
ar spegli til að myndatökumaður-
inn sem kíkir gegnum kíkjugatið
geti horft í gegnum linsuna. Með
smávægilegri tæknibreytingu var
gert kleift að fjarlæga spegilinn
og minnka umfang vélarinnar um
35%,“ útskýrir hann og nefnir sér-
staklega vél sem heitir NX-10 sem
er minnst þessara véla á markaðn-
um. „Kíkið á Samsung.se og kynn-
ist þessu betur,“ stingur hann upp
á.
Skúli er með vídeótökuvélar líka,
á verði frá 39.900 upp í 84.900. Þær
dýrari eru með snertiskjá og HD-
tækni sem þýðir að upptakan er í
fullum gæðum. Ýmist eru þær með
innbyggðu minni eða minniskortum
sem keypt eru sérstaklega. Þetta
eru svo litlar vélar að þær rétt fylla
lófann. „Svo höfum við líka vélar
sem hafa tvo skjái, annan sem snýr
fram og hinn aftur. Það er sniðugt
ef fólk vill taka mynd af sjálfu sér,
annað hvort einu eða með öðrum,“
bendir Skúli á. „Það er skemmtileg
tækni.“
Vasavélarnar vinsælastar
„Kíkið á samsung.se og kynnist þessu betur,“ segir Skúli í Samsung-setrinu um myndavélatæknina. FRÉTTABLAÐIÐ/STEFÁN
„Við erum með myndavélar frá
Olympus, Casio og Samsung,“
segir Kjartan Gústavsson versl-
unarstjóri í Bræðrunum Ormsson
í Lágmúla 8 þar sem ávallt eru í
boði nýjungar í hverjum mánuði.
„Til dæmis litlar compact-mynda-
vélar með miklum aðdrætti sem
njóta vinsælda nú,“ segir hann.
En hvaða myndavélar eru best-
ar? „Toppurinn í dag eru vélar frá
Olympus „Pen“ sem tekur myndir
beint inn á flöguna og EX-X1 vélin
frá Casio sem getur tekið allt að 60
myndir á sekúndu og allt að 1200
römmum á sekúndu í vídeótöku.
Kjartan segir viðskiptavini
horfa jafnt í gæði sem verð en í
Ormsson í Lágmúla má fá stafræn-
ar myndavélar frá 13.900 krónum
og allt upp í 139.900 krónur. Því er
úr nægu að velja.
„Hjá okkur verslar alls konar
fólk, allir aldurshópar og fjöl-
skyldufólk jafnt sem einstakling-
ar,“ upplýsir Kjartan og bætir við
að myndavélar séu vinsælar jóla-
gjafir. „Mikið er um að fólk kaupi
vélar í ódýrari kantinum eða vélar
á tilboði þegar það leitar að jóla-
gjöfum.“
Kjartan er nú inntur eftir því
hvaða tækninýjungar séu hvað
mest áberandi í heimi myndavéla.
„Helsta tækninýjungin eru vélar
með skiptanlegaum linsum sem
taka myndir beint á flöguna (PEN-
vélar). Þær eru ekki með speglum
sem gerir þær léttari og minni
um sig,“ segir Kjartan og heldur
áfram: „Eins hafa höggheldar og
vatnsvarðar vélar komið sterk-
ar inn en þær þola miklu meira
hnjask en almennt gerist í mynda-
vélum.“ Kjartan segir gæði vídeó-
upptöku í myndavélum einnig hafa
batnað mikið en í dag megi taka
upp háskerpuupplausn á sumum
vélum.
Frábærar í jólapakkann
„Helsta tækninýjungin eru vélar með skiptanlegum linsum sem taka myndir beint á
flöguna,“ segir Kjartan, verslunarstjóri í Ormsson í Lágmúla. FRÉTTABLAÐIÐ/STEFÁN