Fréttablaðið - 11.12.2010, Side 80

MENNING 10
B
orgarleikhúsið sýnir
gleðileikinn Ofviðrið
og Þjóðleikhúsið harm-
leikinn Lé konung. Bæði
verkin eru í nýjum þýð-
ingum og leikstýrt af erlendum
leikstjórum. Ingvar E. Sigurðs-
son leikur Prospero í Ofviðrinu og
Arnar Jónsson leikur Lé konung.
Frumsamin tónlist eftir ungt tón-
listarfólk er í báðum sýningunum.
Jólasýning Borgarleikhússins,
Ofviðrið, verður frumsýnd á Stóra
sviðinu miðvikudaginn 29. desem-
ber. Verkið er síðasta leikrit Shake-
speares, gleðileikur uppfullur af
húmor, ást og krafti. Leikrit sem
fjallar um fegurðina í dyggðinni
og hina nauðsynlegu fyrirgefningu
eftir áföll.
Uppfærslan státar af mörgum
ástsælustu leikurum þjóðarinnar,
Íslenska dansflokknum og einum
fremsta leikstjóra heims Oskaras
Koršunovas. Ingvar E. Sigurðsson
leikur hinn aldna Prospero, Lára
Jóhanna Jónsdóttir leikur dóttur
hans, Kaliban er leikinn af Hilmi
Snæ Guðnasyni og Kristín Þóra
Haraldsdóttir leikur Ariel. Leik-
mynd hannar Vytautas Narbutas,
Filippía I. Elísdóttir sér um bún-
inga og Björn Bergsteinn lýsingu.
Tónlistina semur Högni Egilsson og
danshöfundur er Katrín Hall. Alls
taka tólf leikarar og átta dansarar
þátt í sýningunni. Þýðinguna gerði
Sölvi Björn Sigurðsson.
Lér konungur er jólasýning Þjóð-
leikhússins og verður frumsýning-
in 26. desember.
Lér er sígildur harmleikur sem
veitir innsýn í heim hinna valda-
þyrstu, blekkingar þeirra og
klæki. Verk sem tekur á viðkvæm-
um málum eins og átökum kynslóð-
anna, drambinu, blindunni, brjál-
seminni og því að missa allt.
Leikstjóri verksins er Benedict
Andrews, einn eftirsóttasti leik-
stjórinn af yngri kynslóðinni í leik-
húsheiminum í dag. Það er Arnar
Jónsson sem leikur titilhlutverk-
ið en Álfrún Helga Örnólfsdóttir
leikur Kordelíu, dóttur hans. Aðrir
leikarar eru Atli Rafn Sigurðarson,
Baldur Trausti Hreinsson, Eggert
Þorleifsson, Hannes Óli Ágústsson,
Hilmir Jensson, Margrét Vilhjálms-
dóttir, Ólafía Hrönn Jónsdóttir,
Ólafur Darri Ólafsson, Ólafur Egill
Egilsson, Pálmi Gestsson, Stefán
Hallur Stefánsson og Vigdís Hrefna
Pálsdóttir. Tónlistina semur Hild-
ur Ingveldardóttir Guðnadóttir og
BJ Nielsen, leikmynd gerir Börk-
ur Jónsson, Helga I. Stefánsdótt-
ir hannar búninga og Halldór Örn
Óskarsson sér um lýsingu.
SHAKESPEARE
í gleði og harmi
UNGSTIRNI SEMJA TÓNLISTINA
Hildur Ingveldardóttir Guðnadóttir, sellóleikari sem meðal
annars var í Múm, semur tónlistina við Lé konung. Hildur er
rísandi stjarna sem er að slá í gegn á alþjóðavettvangi og var
tilnefnd til Íslensku tónlistarverðlaunanna sem besti flytjandinn
og fyrir plötu ársins á síðasta ári.
Högna Egilsson, söngvara Hjaltalín, sem semur tónlistina við
Ofviðrið, ætti að vera óþarfi að kynna. Hann hefur verið einn
vinsælasti tónlistarmaður landsins undanfarin ár og plata hljóm-
sveitarinnar, Terminal, fékk Íslensku tónlistarverðlaunin sem
besta poppplata ársins 2009.
Jólasýningar stóru leikhúsanna eru báðar sóttar í smiðju Williams Shakespeare.
Borgarleikhúsið sýnir gleðileikinn Ofviðrið og Þjóðleikhúsið harmleikinn Lé
konung. Bæði verkin eru í nýjum þýðingum og leikstýrt af erlendum leikstjórum.
LEIKLIST FRIÐRIKA BENÓNÝSDÓTTIR
LEIKSTJÓRARNIR
LÉR: Leikstjóri sýningar Þjóðleikhúss-
ins á Lé konungi, Benedict Andrews,
er einn eftirsóttasti leikstjóri sinnar
kynslóðar í heiminum í dag og hefur
leikstýrt í mörgum virtum leikhúsum,
bæði í heimalandi sínu Ástralíu og
í Evrópu. Hann hefur meðal ann-
ars leikstýrt fjölda sýninga hjá hinu
rómaða leikhúsi Schaubühne í Berlín.
Hann hlaut fyrr á þessu ári helstu
leiklistarverðlaun Ástralíu fyrir sýningu
byggða á leikritum Shakespeares um
Rósastríðin, með Cate Blanchett í
aðalhlutverki.
OFVIÐRIÐ: Litháinn Oskaras Kor-
šunovas, leikstjóri Ofviðrisins, hefur
verið í hópi fremstu leikstjóra Evrópu
síðustu ár og er auk þess leikhússtjóri
Borgarleikhússins í Vilníus. Hann
hefur sett upp kraftmiklar sýningar
klassískra verka og eftirtektarverðar
uppsetningar á nútímaverkum. Kor-
šunovas hefur hlotið fjölda viður-
kenninga fyrir verk sín, meðal annars
evrópsku leiklistarverðlaunin. Upp-
færsla Koršunovas á Rómeó og Júlíu
var á dagskrá Listahátíðar í vor og
vakti mikla hrifningu.
FRÉTTIR VIÐSKIPTI ÍÞRÓTTIR LÍFIÐ UMRÆÐAN
VERTU MEÐ VIÐSKIPTIN
Í RASSVASANUM
m.visir.is
Fáðu Vísi í símannog iPad!
Meiri Vísir. Deildu Vísi með öðrum.
Þeir sem setja „like“
við Vísi á Facebook
geta unnið óvænta
vinninga í hverri viku.
Arnar Jónsson er Lér konungur.
Ingvar E. Sigurðsson í hlutverki Prosperos í Ofviðrinu.