Fréttablaðið - 30.04.2011, Qupperneq 18

18 30. apríl 2011 LAUGARDAGUR
Fyrsti maí – dagur samstöðu
Fyrsti maí – alþjóðlegur bar-áttudagur verkalýðsins. Í
raun þarf ekki að segja mikið
meira um þennan dag en bara
þetta; mikilvægi hans og hlut-
verk liggur í þessum orðum. Um
þennan dag liggur órofa þráður
allt frá frönsku byltingunni til
launafólks nútímans. Það var á
hundrað ára afmæli byltingar-
innar, árið 1889, þegar ákveðið
var að þessi dagur skyldi helgað-
ur baráttu verkafólks um allan
heim. Hingað barst hefðin árið
1923 þegar fyrsta kröfugangan
var farin. Og á morgun göngum
við enn.
Við göngum til að minnast
unninna sigra, til að minnast
genginna kynslóða og áunn-
inna réttinda. Við göngum til að
heiðra forgöngumenn og konur
sem börðust fyrir réttindum sem
við teljum í dag sjálfsögð. Sem
börðust fyrir átta stunda vinnu-
degi, betri vinnuaðstöðu, bætt-
um kjörum, öflugu velferðar-
kerfi og mannsæmandi húsnæði.
Börðust og höfðu sigur. Þeirra
minnumst við nú.
En fyrsti maí er ekki bara
minningarhátíð, öðru nær. Um
leið og við lítum til fortíðar er
nauðsynlegt að horfa einnig
fram á veg. Horfa til þess sem er
óunnið og þar er af nógu að taka.
Undanfarin ár hafa verið
okkur erfið og endurreisn
íslensks samfélags hefur kost-
að okkur miklar fórnir. Launa-
fólk hefur þurft að taka á sig
kjaraskerðingu og ótal margir
hafa misst vinnuna. Langtíma-
atvinnuleysi er orðið vandamál í
íslensku samfélagi. Skorið hefur
verið niður og nú er svo komið að
sjálfu velferðarkerfinu, fjöreggi
þjóðarinnar, er hætta búin. Þar
verður einfaldlega ekki skorið
meira niður eigi að viðhalda því
öryggisneti sem velferðarkerfið
er og forfeður okkar komu á fót,
oftar en ekki við mjög erfiðar
aðstæður.
Fyrsti maí á að brýna okkur
til góðra verka. Hann á að efla
samstöðu okkar, hvetja okkur
til að taka höndum saman og
byggja upp réttlátt þjóðfélag. Öll
hljótum við að vilja réttlátt þjóð-
félag og ef viljinn er til staðar
er annað einungis úrlausnarefni.
Vissulega flókið, en með sam-
stöðu okkar allra tekst okkur
ætlunarverkið.
BSRB hefur margoft lýst
sig reiðubúið til viðræðna um
breytta samfélagsgerð, um upp-
byggingu þjóðfélagsins. Slík-
ar viðræður eiga hins vegar að
vera ótengdar kjarasamning-
um. Það er sorgleg staðreynd að
fyrsti maí renni nú upp og enn sé
ósamið eftir að kjarasamningar
hafa verið lausir í hálft ár. Það
er fráleit staða að ríkisvaldið og
sveitarfélögin hafi ekki getu og
kjark til að ganga frá samning-
um við sína starfsmenn, heldur
láti lítinn hluta atvinnurekenda
ráða för í kjarasamningum. Slíkt
ber ekki vott um virðingu fyrir
starfsmönnum.
Stjórn BSRB hefur samþykkt
ályktun þar sem fjármála-
ráðherra, Samband íslenskra
sveitarfélaga og Reykjavíkur-
borg eru hvött til að viðurkenna
ábyrgð gagnvart starfsmönnum
sínum og fjölskyldum þeirra.
Það er þjóðfélagsleg nauðsyn
að ljúka gera kjarasamninga án
tafar.
Látum fyrsta maí blása okkur
bjartsýnisanda í brjóst. Látum
hann verða til að sameina okkur
til að bæta samfélagið. Látum
hann efla samkenndina með
okkur sem er samfélaginu nauð-
synleg. Tökum saman höndum
og tökum til starfa. Gleðilegan
fyrsta maí.
Verkalýðsmál
Elín Björg
Jónsdóttir
formaður BSRB
Það er fráleit staða að ríkisvaldið og
sveitarfélögin hafi ekki getu og kjark
til að ganga frá samningum við sína
starfsmenn, heldur láti lítinn hluta atvinnurekenda
ráða för í kjarasamningum. Slíkt ber ekki vott um
virðingu fyrir starfsmönnum.
Kvótamálið
og launafólkið
Það er ólíðandi að Samtök atvinnulífsins skuli stilla
almennu launa-
fólki upp við vegg
og halda því í gísl-
ingu vegna fisk-
veiðikvótamáls sem
er svo stórgallað að
brýn þörf er á að
breyta því.
Af þeim sökum
v i l é g ko m a
með innlegg í
umræðuna og set
það fram sem til-
lögu til lausnar á
kvótakerfinu sem
nánast ekkert gott
hefur látið af sér
leiða.
Tillagan byggir á
eftirfarandi atrið-
um:
1 . Auðl i nd i n
er og verður alla
tíð þjóðareign og
skulu veiðiheimild-
ir aðeins leigðar út
af íslenska ríkinu
samk. ákv. reglum.
2 . Núverandi
kvótahafar skulu þó halda
kvótaveiðiheimildum sínum án
veiðigjalds næstu fjögur árin
en allur viðbótarkvóti skal
leigður út af ríkinu.
3. Þeir sem sannanlega hafa
keypt kvóta skulu halda honum,
að frádregnum þeim kvóta sem
þeir hafa selt, án veiðigjalds
næstu 10-15 árin.
4. Kvótaveiðiheimildin erfist
ekki og skal hún hvorki vera
framseljanleg né leigð öðrum.
5. Sé kvótaveiði-
heimildin ekki nýtt að
neinu marki í tvö ár
samfellt fellur kvóta-
veiðiheimildin niður.
Þó má sama útgerð
flytja kvótaveiðiheim-
ild á milli skipa í eigin
eigu.
6. Allan afla skal
koma með að landi og
verði handhafi kvóta-
veiðiheimildar upp-
vís að aflabrottkasti
getur það orðið til
þess að kvótaveiði-
heimild hans falli úr
gildi. Sama getur átt
við ef handhafi kvóta-
veiðiheimildar verður
uppvís að stórfelldum
skattsvikum.
Það er von mín að
þessi ofangreindu
atriði, ásam öðrum,
geti orðið til að lausn
finnist á þessu leið-
inda máli og að sátt
verði í framtíðinni um
sjávarútvegsmál, kaup
og kjör vinnandi fólks og lífs-
kjör öryrkja og aldraðra í land-
inu.
Fiskveiðistjórnun
Matthías
Kristinsson
fyrrverandi skólastjóri
Sé kvótaveiði-
heimildin
ekki nýtt að
neinu marki í
tvö ár sam-
fellt fellur
kvótaveiði-
heimildin
niður. Þó má
sama útgerð
flytja kvóta-
veiðiheimild
á milli skipa í
eigin eigu.
Carl A. Bergmann
Laugavegi 55
40 – 70% afsláttur af úrum, klukkum, skartgripum ofl.
Opið verður frá 10-22 alla daga til 8. maí 2011
Verslunin hættir, allt á að seljast!
Þökkum kærlega fyrir traust viðskipti í tæp 70 ár.
Vinsamlega sækið viðgerð úr og klukkur
Rýmingarsala