Fréttablaðið - 14.05.2011, Side 30

14. maí 2011 LAUGARDAGUR30
E
ruð þið frá Frétta-
blaðinu,“ segja stelpur
sem taka blaðamanni
og ljósmyndara fagn-
andi. Stúlkurnar eru
allar þátttakendur í
Listasmiðjunni Litrófi sem hefur
verið starfrækt í Fella- og Hóla-
kirkju frá árinu 2007. Smiðjan er
hugarfóstur Ragnhildar Ásgeirs-
dóttur djákna sem segir hana
hafa orðið til eftir vangaveltur um
hvernig væri hægt að sameina íbúa
af erlendum uppruna og Íslendinga
í hverfinu. „Markmiðið var að vera
með skapandi starf. Mest höfum
við sinnt tónlist og söng en við
dönsum líka og æfum leikrit,“ segir
Ragnhildur sem er afar ánægð með
hvernig til hefur tekist. Og fleiri
hafa veitt starfinu athygli en lista-
smiðjan hlaut Samfélagsverðlaun
Fréttablaðsins í flokknum til atlögu
gegn fordómum.
Listasmiðjan er starfrækt í
tveimur aldurshópum, annars
vegar eru saman krakkar í 4. til
6. bekk og hins vegar í 7. til 10.
bekk. Engir strákar eru í hópnum
og þegar blaðamaður spyr hóp-
inn hvort þeirra sé saknað eru
stelpurnar ekkert á því. Ragnhildur
segist ekki kunna á því skýringu
nema að tónlist og dans höfði
hugsanlega meira til stúlkna.
Óhætt er að segja að tónlistin
hljómi vel hjá stelpunum. Öll hers-
ingin stillir sér upp í kirkjukórn-
um og syngur lagið Gospelgleði
sem hljómar afar vel enda sungið
af þrótti og krafti.
Að loknum samsöng er haldið
í safnaðarheimilið. Yngri hópur-
inn syngur lag úr Litlu ljót. „Við
ætlum að setja það upp í haust,“
segja stelpurnar. Eldri stúlkurn-
ar sýna dans og syngja svo lagið
„Drottinn blessi þig,“ sem hljómar
afar vel. En það sem vekur mesta
athygli utanaðkomandi gests er gott
andrúmsloft og vinarþel sem ríkir
í hópunum. Þegar sest er niður
með eldri hópnum er það einmitt
það sem stelpurnar vilja segja mér
frá. „Við erum allar svo glaðar
alltaf og geðveikt skemmtilegar,“
segir Hjördís Bára Hjartardóttir
Jacobsen og hlær. „Litrófið er það
besta sem hefur komið fyrir okkur,
þetta er svo frábært starf, frábær-
ir krakkar og leiðbeinendur,“ segir
Bryndís Ósk Einarsdóttir. Og ein
af annarri og allar í hóp segja þær
mér að þær spjalli mikið saman,
hittist fyrir utan æfingar og kynn-
ist æ betur, ekki síst í ferðalög-
um. Stelpurnar fóru til Svíþjóðar
í fyrra, og Akureyrar á dögunum.
Flestar eru stelpurnar úr Breiðholti
en líka eru nokkrar úr Kópavogi.
Nokkrar úr hópnum eru af erlendu
bergi brotnar.
„Við létum listasmiðjuna heita
Litróf enda á hún að endurspegla
allt mannlífið, hér í hverfinu er
mikið af innflytjendum og mark-
miðið var að laða börnin í upp-
byggilegt starf, það hefur tekist vel,
hingað mættu 10 stelpur á fyrstu
æfinguna en nú eru 70 skráðar í Lit-
rófið,“ segir Ragnhildur að lokum.
Það besta sem hefur
komið fyrir okkur
Listasmiðjan Litróf hefur verið starfrækt um nokkurra ára skeið. Sigríður
Björg Tómasdóttir og Stefán Karlsson fóru í heimsókn í Fella- og Hólakirkju
og hittu hressar stelpur sem hittast vikulega til að syngja og dansa.
GOSPELGLEÐI Sameinaður kór eldri og yngri Litrófsstúlkna flytur Gospelgleði af einlægni og krafti svo undir tekur í Fella- og Hólakirkju. FRÉTTABLAÐIÐ/STEFÁN
VANAR AÐ KOMA FRAM Lilja Rós Kristbjörnsdóttir, Hjördís Bára Hjartardóttir
Jacobsen, Katrín Ingunn Björnsdóttir og Helga Lilja Pálsdóttir eru orðnar alvanar því
að koma fram á tónleikum eftir þátttökuna í Litrófi.
Í LÉTTUM DANSI Lilja Rós Kristbjörnsdóttir, Kolbrún Gränz, Katrín Ingunn Björnsdóttir
og Bryndís Ósk Einarsdóttir taka sporið. Dansarnir sem stelpurnar sýna eru samdir af
Írisi Andrésdóttur sem einnig er félagi í Listasmiðjunni Litrófi.
DROTTINN BLESSI ÞIG Marta Andrésdóttir leiðir stallsystur sínar í söng.
„Við erum að æfa okkur að syngja
og svo förum við í ferðalög,“ segir
Karitas Guðrún Pálsdóttir. Hún og
Kristín Andrea Arnarsdóttir eru í yngri
hóp listasmiðjunnar Litrófs. Þær eru
báðar í 5. bekk Hólabrekkuskóla.
„Ég hef verið í Litrófi í tvö ár, kom
hingað fyrst með vinkonu minni,“
segir Kristín. „Ég hef verið þrjú eða
fjögur ár,“ segir Karitas. Báðum finnst
mjög gaman að taka þátt í Litrófinu.
„Við erum að fara að æfa Litlu ljót,
við sungum í Abba-sýningu og svo
höfum við gefið út disk.“ Spurðar um
áhugamál stendur ekki á svari. „Það
er skemmtilegast að syngja.“
SYNGJUM OG FÖRUM Í FERÐALÖG
KARITAS OG KRISTÍN Góðar vinkonur
sem hafa gaman af því að syngja.
RAGNHILDUR ÁSGEIRSDÓTTIR Litrófið á
að endurspegla mannlíf í Breiðholtinu.