Fréttablaðið - 14.05.2011, Page 34

14. maí 2011 LAUGARDAGUR34
Þ
egar ég var ungling-
ur þá þjáðist ég mjög
af ofnæmi og astma,
exemi og heymæði.
Hún varð til þess
að ég varð að hætta
hestamennsku. Í kjölfarið fitnaði
ég mikið, reyndar um tuttugu kíló,“
segir Lene Hansson sem er dansk-
ur heilsuráðgjafi en nýverið kom út
fyrsta bók hennar á íslensku, Létt-
ara og betra líf. Átta vikna heilsu-
áætlun Lene Hansson.
„Ég fékk mikið af lyfjum til að
stemma stigu við asmanum og
ofnæminu en það hjálpaði mér
ekki við að sigrast á kvillunum
sem hrjáðu mig. Vegna aukakíló-
anna var ég alltaf að leita að megr-
unarkúr sem virkaði, en það gekk
aldrei. Ég missti nokkur kíló en
svo gafst ég alltaf upp á kúrun-
um. Þangað til bókina Fit for life
rak á fjörur mínar. Það er banda-
rísk bók sem fjallar meðal annars
um samsetningu á mat og gefur
fólki þau ráð að borða bara ávexti
fyrstu fjóra tíma dagsins. Það
er skemmst frá því að segja að á
þremur og hálfum mánuði missti
ég 20 kíló og ofnæmið og exemið
hvarf sömuleiðis,“ segir Lene sem
í kjölfar þessarar reynslu ákvað
að helga líf sitt heilsuráðgjöf en
hún er meðal annars menntuð sem
næringarráðgjafi. Hún starfaði
lengi á vikuritinu Ude og hjemme
og hefur skrifað fjölda bóka um
mataræði og heilsu og gert sjón-
varpsþætti í Danmörku. Bókin
nýútkomna er hins vegar sú fyrsta
sem kemur út í þýðingu og Lene
ætlar sér enn stærri hluti á Íslandi.
„Ég stefni á að opna heilsumiðstöð
hér á landi í haust,“ segir Lene sem
hefur reyndar margoft komið til
Íslands, en stjúpa hennar Jóhanna
Pálsdóttir er íslensk.
Lene sem einnig rekur heilsu-
miðstöð í Kaupmannahöfn hefur
óbilandi trú á lækningarmætti
matar og því að líkaminn geti
læknað sig sjálfur hugi fólk að
mataræðinu. „Mér tókst sjálfri að
koma lagi á líkama minn með því
að breyta um mataræði. Ég hef
margoft hjálpað fólki til dæmis að
lækka blóðþrýsting og losna við
ofnæmi.“
Lene segir helsta vandamál í
mataræði Vesturlandabúa vera
að þeir bæði borði of mikið og svo
borði þeir of mikið af rauðu kjöti,
hvítu hveiti og sykri. Hún segir
mennina geta lært ýmislegt af
villtum dýrum. „Þau borða ekki of
mikið og þau borða eina fæðuteg-
und í einu. Við viljum alltaf blanda
öllu saman, höldum alltaf að við
fáum ekki nóg en endum með því
að borða of mikið. Svo drekkum við
mjólk ein spendýra eftir að móður-
mjólkina þrýtur. Boðskapur mjólk-
urframleiðenda byggist að miklu
leyti á aldargömlum upplýsingum
og óttanum á kalkskorti ef við fáum
ekki mjólkurafurðir, í dag þekkj-
um við fleiri leiðir til að ná í kalk,“
segir Lene sem segir sláandi hversu
margir ofnæmissjúklingar sem hún
hefur meðhöndlað lagist um leið og
mjólkurvörur eru teknar út.
Lene ráðleggur fólki að borða
ávexti á morgnana, nema þeim sem
eru sykursjúkir, og blanda ekki
saman kolvetnaríkum mat eins og
pasta og próteinríkum mat eins og
fiski og kjöti og segir það auðvelda
meltingu og bæta líðan.
„Ávextir á morgnana slá á löng-
unina í eitthvað óhollt er líður á
daginn,“ segir Lene sem mælir
með fjölbreyttri fæðu í hádegi og á
kvöldin og ávöxtum og grænmeti á
milli mála. „Það er óþarfi að vera
öfgafullur en við verðum þó að taka
ábyrgð á heilsu okkar,“ segir Lene
sem segir eðlilegt að fólk leyfi
sér meira um helgar en á virkum
dögum. „Ég hef stundum sagt að
það sem gerist um helgar ráði ekki
úrslitum um heilsu okkar og líðan,
heldur það hvernig mat við borðum
hina fimm daga vikunnar.“
Mataræðið bætti heilsuna
Lene Hansson þjáðist af ofnæmi, exemi og astma þegar hún var unglingur. Þegar hún breytti
mataræði sínu þá hurfu allir kvillar og öll aukakíló fuku í leiðinni. Sigríður Björg Tómasdóttir ræddi
við danska heilsuráðgjafann sem stefnir á að opna heilsumiðstöð á Íslandi í haust.
LENE HANSSON Er í íslenskri útrás, nýverið kom út bók eftir hana á íslensku og í
haust stefnir hún á að opna heilsumiðstöð á Íslandi. FRÉTTABLAÐIÐ/VALLI
Svaraðu eftirfarandi spurningum
með jái eða nei:
➜ Reykir þú?
➜ Drekkurðu innan við tvo lítra af
vatni á dag?
➜ Borðarðu kjöt í kvöldmatinn
oftar en þrisvar í viku?
➜ Ertu meira en 15% yfir kjör-
þyngd þinni?
➜ Stundarðu hreyfingu í innan
við 30 mínútur á dag eða
sjaldnar en þrisvar til fjórum
sinnun í viku?
➜ Borðar þú færri en sex
skammta af grænmeti og
ávöxtum á dag?
➜ Lene Hansson segir í bók sinni
að ef svarið er já oftar en einu
sinni þá sé hætta á að nær-
ingarþörfum líkamans sé ekki
fullnægt.
Nánari upplýsingar um Lene og
starf hennar er að finna á heimasíð-
unum www.lenehansson.dk og www.
lenehansson.com
HEILSUPRÓF
1 2 3
4
1. Kalkúnabollur
300 g kalkúnakjöt (eða kjúklingur),
2 msk. söxuð kóríanderlauf, 3 msk.
kóríanderfræ grófmöluð, 1 skalott-
laukur saxaður smátt, 1/2 hvítlauks-
geiri saxaður smátt, 1 msk. dijon-sinn-
ep, 1 tsk. rifin engiferrót, kryddsalt og
pipar, ólífuolía til steikingar.
Skerðu kalkún eða kjúkling smátt og
hakkaðu í hakkavél eða matvinnsluvél.
Blandaðu öllu saman við. Bollur mót-
aðar úr farsinu og steiktar á pönnu í
ólífuolíu þar til þær eru orðnar gullin-
brúnar, eða í 7-10 mínútur samtals.
Uppskriftir fyrir heilbrigðara líf*
2. Kræklingapottur
30 kræklingar (um 500 g), 2 hvítlauksgeirar,
4 skalottlaukar, 2 blaðlaukar, 3 gulrætur,
lófafylli af skellujurt, ólífuolía, 1 tsk. nýrifin
engiferrót, 1 msk. dijon-sinnep, 2 msk.
sítrónusafi, 1/2 l vatn.
Hreinsaðu og burstaðu kræklinginn. Skerðu
grænmetið smátt. Settu hvítlauk og lak í
stóran pott ásamt olíunni, láttu krauma í 1
mínútu og bættu öllu hinu í pottinn. Láttu allt
sjóða við háan hita í nokkrar mínútur þar til
skeljarnar hafa opnað sig. Hentu þeim sem
ekki opnast. Stráðu ef vill söxuðum graslauk
yfir kræklinginn áður en hann er borinn fram.
3. Rótargrænmetissalat með bökuðum kartöflum
200 g rauðrófur, 150 g sellerírót, safi úr 1/2 sítrónu, 1 msk.
ólífuolía, 1 tsk. kryddsalt, nýmalaður pipar á hnífsoddi, 1 msk.
dijon-sinnep, 2 hvítlauksgeirar, lófafylli af ítalskri steinselju, 2
bökunarkartöflur, 1 msk. ólífuolía, 1. tsk. kryddsalt.
Sjóddu rauðrófurnar, kældu þær og skerðu í ræmur. Skerðu líka
hráa sellerírót í ræmur og blandaðu saman við rauðrófuræmurnar
í skál, ásamt sítrónusafa, ólífuolíu, kryddsalti, pipar, sinnepi,
söxuðum hvítlauk og saxaðri steinselju.
Penslaðu kartöflunrnar með ólífuolíu og stráðu kryddsalti á þær.
Skerðu svo kross ofan í þær og bakaðu við 180 gráður í 35-40
mínútur.
4. Orkuríkt ávaxtasalat
2 kíví, 10 jarðarber, 1/2 papaja, 1
rautt epli, 1 msk. sesamfræ, 2 msk.
brasilíuhnetur, 2 msk. kasjúhnetur
Flysjaðu kívíin og skerðu í þunna báta.
Skerðu jarðarberin í fjórðunga. Flysjaðu
papajað, skafðu fræin úr því og skerðu
það í teninga. Skerðu eplið í fjórðunga,
kjarnhreinsaðu það og skerðu svo í litla
bita. Blandaðu öllum ávöxtum saman
í skál og stráðu léttristuðum sesam-
fræjum og grófsöxuðum hnetum yfir.
*úr bókinni Léttara og betra líf
eftir Lene Hansson.