Faxi - 01.12.1990, Page 59

SKÓIAR
A SUÐURNESJUM
fgwiwr;
aaasiBii«ai£
VOLVO
Saga Gagnfræðaskólans í Keflavík og Holtaskóla--------3# hluti—
Skólaferðalög
Skólaferðalög hafa alltaf verið
fastur liður í skólastarfinu þar sem
nemendur að loknum prófum
gleyma amstri og áhyggjum og
ferðast með kennurum sínum um
landið, njóta náttúrufegurðar og
skemmtunar áður en sumarvinn-
an tekur við.
2. júní 1953 fóru nemendur
Gagnfræðaskólans í sitt fyrsta
skólaferðalag. Þá fóru nemendur
2. 3. og 4. bekkja í tveggja daga
ferðalag vestur í Dali. Næsta vor
fóru svo nemendur sömu árganga
norður í land, til Akureyrar og 01-
afsfjarðar og tóku þar þátt í sund-
móti íslands. Vorið 1956 lágu þeir
sem tóku landspróf miðskóla í 3
daga í tjöldum í Laugardal en
nemendur 2. og 4. bekkja fóru í
ferðalag um Suðurland.
Á næstu árum fóru eingöngu 2.
og 4. bekkir í ferðalög og þá ýmist
til Akureyrar eða um Snæfellsnes
og Dali. Það er svo vorið 1963 að
sú hefð komst á að 4. bekkingar
(síðar 9. bekkingar) fara í þriggja
daga ferðalag til Akureyrar og um
Norðurland að loknum prófum. 2.
bekkur (síðar 7. bekkur) fór á
þessum árum í ferðalög vestur á
Snæfellsnes og Dali en árið 1977
leggjast þessi ferðalög niður og í
þeirra stað komu fermingarferða-
lögin á vegum sóknarprestsins
um Suðurland.
Vorið 1986 gafst 9. bekkingum
kostur á að fara til Frakklands í
tengslum við samskipti skólans
við St. Paul í Hem, vinabæ Kefla-
víkur í Frakklandi. Hafa þær ferð-
ir orðið að árvissum viðburði og
fjármagna nemendur þær að
mestu leyti sjálfir með ýmis konar
fjáröflun. Sama máli gegnir um
ferð 8. bekkinga til Miðvogs í Fær-
eyjum í vor en þeim nemendum 8.
bekkjar sem áhuga höfðu gafst
kostur á að fara í þá ferð.
Skíðaferðalög hafa verið fastur
liður í skólastarfinu frá árinu 1971
og hafa nemendur gist í skálum
Í.R. og Víkings í Jósepsdal. Þessar
skíðaferðir hafa reynst ógleyman-
legar þeim kennurum og nem-
endum sem tekið hafa þátt í þeim
og alltaf er það svo að hvernig
sem viðrar láta nemendur engan
bilbug á sér finna og njóta hollrar
útivistar og hreyfingar til hins ýtr-
asta.
Síðastliðin tvö ár hafa nemend-
ur 8. og 9. bekkja gist í skálum á
Bláfjallasvæðinu en nemendur 6.
og 7. bekkja hafa frá upphafi ein-
ungis farið í dagsferðir og þá
tvisvar til þrisvar sinnum yfir vet-
urinn.
Kostnaður við skólaferðalögin
hefur verið greiddur allverulega
niður með hagnaði nemendafé-
lagsins af sölu í „Lúbarnum" og
skemmtunum skólans.
Erlend samskipti
Eins og fyrr er getið hafa all-
margir erlendir skiptinemar
stundað nám við skólann og
áhugi nemenda á erlendum mál-
efnum og samskiptum við önnur
lönd verið viðloðandi Gagnfræða-
FAXI 251