Frjáls verslun - 01.03.2001, Blaðsíða 49

farið mjög varlega í fjárfestingar og útlagðan kostn-
að. Einkaleyfisumsókn fyrirtækisins tekur til ensíma
úr öllum fisktegundum en núna er eingöngu unnið
með þorskaensím. Hins vegar kemur einnig vel til
greina að nota ensím úr loðnu, ýsu, ufsa og síld.
„Fyrir Islandsmarkað ættum við að komast af
með 10 tonn af slógi skv. viðskiptaáætlunum okkar
þannig að við getum gert okkur vonir um að geta
sinnt alþjóðamarkaði með um 10 þúsund tonnum,"
segir Jón Bragi. „Eg held að það falli til um 15 þús.
tonn af slógi árlega hér á landi úr þorskinum ein-
göngu svo það dugar vel til. Við gerum okkur vonir
um, þegar þetta fer að ganga á alþjóðamarkaði, að
við getum sett upp verksmiðjur út um allt land því
hráefnið er svo fyrirferðarmikið og þungt að það
borgar sig ekki að flytja það langar leiðir. Verksmiðj-
urnar geta verið af hvaða stærð sem er og ég hef
mikinn áhuga á því að setja upp verksmiðjur hér og
þar um landið og núna erum við að reikna það dæmi
út Það er áhugi á slíku víða um land, t.d. í Vest-
mannaeyjum, á Akureyri og fleiri stöðum. Þar gæt-
um við sett upp vinnslu á grófu ensímblöndunni
sem við köllum kríotin, úr gríska orðinu cryos sem
þýðir kuldi, sem er notað til að hreinsa ensímin lýrir
áburðinn. Síðan væri allt saman flutt á einn stað þar
sem blöndun og átöppun færi fram. Ef við náum
þessum árangri sem við stefnum að á Islandi, þá er
heimsmarkaðurinn, þ.e. í Vestur-Evrópu, Ameríku
og Suðaustur-Asíu, um 3 þúsundfaldur á við þann ís-
lenska svo þarna er um gríðarlega stóran markað að
ræða og mikla möguleika, jafnvel þótt við næðum
eingöngu 5 til 10 prósentum af árangrinum á innan-
landsmarkaði."
Þetta byrjaði allt vestur á Melum, í Raunvísindastofnun Háskólans, en þar fara
fram margvíslegar rannsóknir - sem sumar hverjar verða greinilega grundvöllur
atvinnurekstrar.
Þekkisi hvergi annar Staðar Búið er að prófa Penzimið í Þýska-
landi, Bretlandi, á Italíu og í Bandaríkjunum og það er mikill
þrýstingur á að koma smyrslunum á markað erlendis. Þessi
áburður þekkist hvergi annars staðar en það sem líkist honum
mest er áburður sem Þjóðveijar eru með. Sá inniheldur ensím
unnin úr nautgripum og það þykir vafasamt, enda er búið að
banna að nota collagen úr nautgripum í snyrtivörur og í öllum
líftækniiðnaði eru menn almennt að fara frá afurðum nautgripa.
„Staða okkar er nokkuð sterk þar sem við erum að vinna
ensímin úr fiskum, þ.e. lífverum sem eru mjög
ólíkar mönnum og því lítil hætta á að sjúkdómar
berist á milli. Þar að auki er umhverfi fiska allt
annað en okkar og nautgripa og sjórinn hefur
ímynd hreinleika og heilbrigðis. Þá má nefna að
það þarf um 200 sinnum meira af ensímum úr dýr-
um með heitt blóð í svona áburð, en það er okkur
einnig til hagsbóta.
Þróunin og útfærslan á vörunni hefur tekist
með ágætum og markaðssetningin líka þannig að
nú eru áhættuþættirnir miklu minni en fýrir
nokkrum mánuðum. Næsta stig er að ljúka við
einkaleyfisferilinn. Við erum komin að lokaáfanga
þess ferils og þá verður staða okkar enn sterkari
því einkaleyfið gildir í 20 ár. Einkaleyfi breska iyrir-
tækisins varðar ensím úr sjávarskeldýrum þannig
að það er ekki skörun þar á milli.“
Yfir núllpunktinn á þessu ári Jón Bragi segir aðstandendur
fyrirtækisins hafa reiknað með því að tap yrði á starfseminni
fyrstu tvö árin, en útlit er fyrir að farið verði yfir núllpunktinn
strax á þessu ári. „Við leggjum mikla áherslu á að ná góðum
árangri hér á landi og geta sýnt fram á góðar sölutölur þó svo
varan verði ódýrari hér en erlendis. Ef við segjum við söluað-
ila í Bandaríkjunum að hér hafi selst 50 þúsund flöskur og að
hann geti vænst 100 eða jafnvel 1000 sinnum þeirrar veltu þá
eru það gríðarlegar upphæðir." 09
JíewriM
-setur brag á sérhyern dag!
49