Frjáls verslun - 01.03.2001, Blaðsíða 52

Pylsa í brauði eða þylsulaust brauð, allt ofan á eða undir, sleþpa lauk eða
sinnepi, langa þylsu eða mjóapylsu. Sérþarfirnar geta verið ýmsar þegar þylsur
eru annars vegar. Mynd: Geir Olafison
Ýmsar kenningar hafa verið á kreiki um það hvers vegna
pylsurnar í Bæjarins bestu eru jafn góðar og raun ber vitni.
Guðrún játar að hafa heyrt ýmsar sögur en segir að hvorki
pilsner né súputeningar fari í pottinn. Það sé „bara vatn í pott-
inum, það er ekki flóknara en það. í þessum rekstri skiptir
miklu máli að hafa góða vöru. Við höfum alltaf verið í mjög
góðu samstarfi við Sláturfélagið um pylsurnar enda hefði þetta
aldrei gengið öðruvísi. Pylsurnar okkar eru t.d. í náttúrulegri
görn en pylsurnar í matvöruverslununum eru í gervigörn. Við
höfum alltaf verið andvíg gervigörninni, bæði af því að hún er
ekki náttúruleg og svo er ekki eins gott að bíta í pylsur með
gervigörn eins og náttúrulegri görn. Þetta eru Danirnir að
upplifa núna, þeir tóku gervigarnir fyrr upp en við og þeir eru
að hverfa til baka í náttúrugörn,“ segir hún.
Viljum fá frið Pylsuvagninn hefur verið á nokkrum
stöðum í miðbænum frá því að reksturinn hófst, en á
planinu á horni Tryggvagötu og Pósthússtrætis hefur
hann staðið frá 1963. Guðrún hefur áhyggjur af að-
stöðuleysinu þar og telur að ráða þurfi bót á. Pylsu-
vagninn stendur í dag við hliðina á grunni sem grafinn
var eftir að veitingastaðurinn Svarta pannan var rifinn
fyrir nokkru. Framkvæmdum við grunninn hefur ekki
verið haldið áfram að sögn Guðrúnar og ekki hefur
verið gengið frá honum. Þegar grunnurinn var grafinn
lét Guðrún strax byggja vegg til að gera aðstöðuna
vistlegri sín megin en það telur hún að sjálfsögðu ekki
fullnægjandi til lengri tíma litið. Þá má ýmislegt annað
betur fara á þessu svæði. Strætisvagnar hafa t.d. ekið
þarna framhjá í nokkur ár og í fyrravetur lenti strætó
í árekstri fyrir framan Bæjarins bestu. Litlu munaði að
vagninn færi yfir viðskiptavini og stórslys yrði. Þá
þurftu starfsmenn pylsuvagnsins tvisvar að slökkva eld í
Svörtu pönnunni á meðan að sá staður beið eftir niðurrifi.
Guðrún kveðst ítrekað hafa óskað efiir því að fá að gera að-
stöðuna á planinu vistlegri en alltaf verið hafiiað og ekki hefur
hún heldur fengið að kaupa planið, sem pylsuvagninn stendur á.
„Við viljum fá svæðið skipulagt og umhverfið bætt þannig að
fólk geti með góðu móti komið á bílunum sínum og fengið sér
pylsu án þess að strætó aki á 60 km hraða við bakið á þeim. Aðal-
skipulag er til en þetta er eitt af fáum svæðum í borginni sem
ekki er til deiliskipulag fyrir. Frá því ég byijaði að vinna í þessum
málum árið 1986 hef ég viljað fá á hreint hver okkar staður er og
geta gert hann notalegan. Mér finnst vanta að borgaryfirvöld
taki af skarið um það að við fáum að vera þarna í friði og að það
verði hætt að þjarma að okkur á þessu svæði,“ segir hún. 33
VEITiNGAREKSTUR
Pylsuvagninn við hlið
Svörtu pönnunnar meðan
sá staður var í rekstri.