Morgunn - 01.06.1971, Síða 69

Leiðtogi
kveður.
Spíritisminn leiðir til endurskoðunar á við-
horfinu til lífs og dauða. Ein afleiðing þess-
arar nýju afstöðu er sú, að dauðinn missir
brodd sinn. Skelfingin við dauðann gufar upp eins og dögg í
sólskini nýs skilnings. En þrátt fyrir það þótt ég sé þeirrar
skoðunar, þá get ég ekki varizt eftirsjá, þegar jafnmætur mað-
ur og séra Sveinn Víkingur kveður.
Hann var einn þessara andlegu leiðtoga, sem þjóðinni er svo
mikil lífsnauðsyn að eignast. Kenningar séra Sveins voru já-
kvæðar, huggandi og mannbætandi. 1 honum sameinaðist hið
bezta í fornri íslenzkri sveitamenningu viðsýni og lífsvizku
heimsborgarans.
Engum var ljósara en honum, að einangrun mannsins er úr
sögunni, að það skiptir hvern mann máli sem gerist í heimin-
um, að ekki verður unnið að bræðralagi mannkynsins með
þröngsýnum andlegum sjónarmiðum. Hann gerðist því bar-
áttumaður frelsis og víðsýnis á öllum sviðtnn andlegra mála.
Morgunn árnar þessum góða Islendingi og stuðningsmanni
sálarrannsókna heilla og blessunar á hinum nýju sviðum, sem
nú blasa við honum. Má ekki síður vænta af honum heilla-
vænlegra starfa þar en hér í jarðlífinu.
Þessa mæta manns er minnzt ýtarlegar á öðrum stað í
tímaritinu.
Frá áramótum störfuðu þessir miðlar i hús-
næði Sálarrannsóknafélagsins:
a) Hafsteinn Björnsson, sem hefur húsnæði hjá félaginu að
Garðastræti 8, en vinnur sjálfstætt.
b) Jónína Magnúsdóttir, sem er lækningamiðill, hóf störf í
húsakynnum félagsins snemma á árinu. Er þegar mikill
Starfsemin.