Lindin - 01.01.1946, Blaðsíða 11

L I N D I N
9
opinberun, yfirlýsingu og tilkynningu frá himnum.
Þessi sannleikur er ljós lífsins, öllum auðsætt, sem
sjá vilja, og lampi á vegum allra, sem fylgja vilja.
Þegar þetta Ijós skín á annan sannleika, sem menn
eru að liampa, þá fölna þeir og hverfa með öllu,
eins og stjörnuljós fyrir ljósi sólar. Með því er
stjörnuljósi ekki synjað sins gildis — eða. gert lítið
úr því, það sem það nær. En eins og allt lifandi á
jörðunni á sólarljósinu og áhrifum þess í ýmsum
myndum líf sitt að þakka, þannig lifir mannssálin
fyrst fullu, tilgangshæfu og eðlilegu lífi í ljósinu frá
sannleika Krists, sem „kom til þess í veröld þessa
að vér hefðum lífið og gnægð lífsins“.
Þess vegna nefndi doktor Jón biskup Helgason —
og allir kristnir menn — Krist líf vort, og sannleika
hans sannleikann — katexo ken — par exellence —
hinn eina, sanna, fullkomna hátignar sannleika. Og
samkvæmt kenningu Páls postula á kirkjan að lj7fta
þessum sannleika mót himni, Ijósi og lífi, svo að
mennirnir sjái hann. Og á heilögum jólum er kirkj-
an — alveg sérstaklega — borgin á fjallinu, sem
ekki fær dulist. Hún er stólpi og grundvöllur þessa
sannleika. Heilagt musteri þessa sannleika Drottins,
sem gerir mannlífið hraust og fagurt og heillandi
og samboðið Guðs börnum. Á heilögum jólum verða
mennirnir veizluklæddir boðsgestir himnakonungsins
í slikum salakynnum. Og kirkja Jesú Krists er þessi
undurfagra, bcina, himingnæfandi súla með útskorn-
um listaverkum, sem lyftir sannleika Krists í hæðir,
svo að öllum finnst til um, sem utan safnaðar eru,
og lofa verk Krists og Guðs, sem er í himnunum.
Þetta er sannleikurinn um algóðan og kærleiks-
ríkan Guð, sem opinberaði oss leiðir sínar og viljá