Lindin - 01.01.1946, Blaðsíða 72

70
LINDIN
skúmum þœr spurningar, scm mikilvægastar eru
allra“.
En það eru þær spurningar, sem kristin kirkja
vill fjalla um, spurningarnar um manninn sjálfan,
afstöðu hans í hinum -skapaða heimi og markmið
hans. Án þess verður hyggingin reist á sandi og á
fyrir sér stórkostlegt hrun. Siðferðilegar og trúar-
legar lmgsjónir eru traustari grundvöllur en nokkr-
ar miljónir króna í erlendum bönkum.
I því trausti höfum vér komið hér saman, og í því
trausti mun kristin kirkja starfa áfram. Þótt starf
hennar liafi fram til þessa sætt hnútukasti frá mörg-
um þeim, sem töldu náttúruvísindi nútímans eiga að
vera grundvöll að hamingju mannkynsins og legið
í dauðri þögn meðal fjölda annara — þá vitum við,
að „annan grundvöll getur enginn lagt en þann, sem
lagður er, sem er Jesús Kristur“. (1. Kor. 3. 11),
Það hefur að vísu verið reynt, en hver er árangur-
inn? Hvað sjáum við fyrir okkur, þar sem orkuver,
vélar og hugvit uppfinningamanna hefur verið sett
í Guðs stað? Svarið er: kúgun og þjáningu í stærra
mæli en annarsstaðar þekkist. En á hinn bóginn lít-
um við til kirkju Krists úti á vettvangi eldraunanna
og sjáum, að þar haggast ekki grundvöllurinn. Hugs-
aðu þér kirkju Noregs og Danmerkur. Þú hefur
lieyrt um unga menn, sem áttu það siðferðisþrek í
krafti trúar sinnar, að falla heldur fyrir vopnum
höðlanna en brjóta gegn eigin samvizku — og hafa
mætt dauða sínum með söng á vör — söng um ætt-
jörðina og um Guð, sem er liin eina „borg á bjargi
traust“. Slík dæmi eru til og jafnvel fleiri en við
höfum sögur af. Þau sýna líka, að starf kristinnar
kirkju er ekki dautt, heldur hefur hún lagt í hjört-