Morgunblaðið - 13.02.2009, Page 22

Skógarhlíð 18 • sími 595 1000 • www.heimsferdir.is
Skíðaveisla
í Austurríki
í febrúar
frá kr. 19.990*
Beint morgunflug!
Ótrúleg sértilboð - aðeins örfá sæti!
Kr. 99.990 -
Vikuferð
Netverð á mann, m.v. gistingu í tvíbýli á
gististað án nafns (stökktu tilboð) með
morgunverði í 7 nætur. Sértilboð 14. og
21. febrúar. Aukagjald fyrir einbýli kr.
20.000.
Frá kr. 39.990 -
Báðar leiðir
Netverð á mann. Flugsæti báðar leiðir
með sköttum, sértilboð 14. febrúar. Ath.
aðeins 8 sæti í boði. Flugsæti báðar leiðir
með sköttum 21. febrúar kr. 49.990. Örfá
sæti laus!
Kr. 149.990 -
Vikuferð með hálfu fæði
Hotel Unterberghof **** / Hotel Neue Post ****
Netverð á mann, m.v. gistingu í tvíbýli á
Hotel Unterberghof í Flachau með hálfu
fæði í 7 nætur eða á Hotel Neue Post í Zell
am See með hálfu fæði í 7 nætur. Sértilboð
14. og 21. febrúar.
Kr. 119.990 -
Vikuferð, hálft fæði
Netverð á mann, m.v. gistingu í tvíbýli á
Skihotel Speiereck í Lungau með hálfu
fæði í 7 nætur. Sértilboð 21. febrúar.
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Heimsferðir bjóða þér aðgang að bestu skíðasvæðum Austurríkis, s.s.
Flachau, Lungau og Zell am See. Bjóðum nú frábært sértilboð á flugsæt-
um 14., 21. og 28. febrúar (ath. 28. feb. aðeins aðra leið) og á flugsætum
og gistingu 14. og 21. febrúar. Tryggðu þér besta verðið og taktu þátt í
skíðaveislu Heimsferða í Austurríki. Athugið aðeins örfá sæti laus í hvorri
brottför og mjög takmörkuð gisting í boði á þessum frábæru kjörum!
* Netverð á mann. Flugsæti aðra leið með sköttum, sértilboð 28. febrúar. Flugsæti aðra leið með sköttum
14. eða 21. febrúar kr. 29.990. Sértilboð.
22 Umræðan
MORGUNBLAÐIÐ FÖSTUDAGUR 13. FEBRÚAR 2009
ÞAÐ urðu talsverð
tíðindi nú í endaðan
janúar að í fyrsta sinn
frá bankahruni tókst ís-
lensku fyrirtæki að
njóta lánafyrirgreiðslu
hjá erlendri fjár-
málastofnun. Það var
Orkuveita Reykjavíkur
sem bar kyndilinn og
tókst að sýna Evrópska
þróunarbankanum fram á að fyr-
irtækið sjálft og arðsöm verkefni
þess á Hellisheiði eru traustsins verð.
Afgreiðsla lánsins þýðir að nú
verður slegið í nára og af fullum
krafti ráðist í áframhaldandi upp-
byggingu umhverfisvænnar orku-
framleiðslu á Hengilssvæðinu. Meiri-
hluti Framsóknarflokks og
Sjálfstæðisflokks í Reykjavík hefur
lagt á það áherslu í stefnu sinni og
störfum nú í efnahagslægðinni, að
ráðist verði í mannaflsfrekar fram-
kvæmdir og verja störf hjá Reykja-
víkurborg með öllum hugsanlegum
ráðum.
Á næstu mánuðum og misserum
munu 250 til 400 manns starfa við
byggingu Hellisheið-
arvirkjunar. Það munar
svo sannarlega um slík-
ar stærðir, þegar ekki
er í mörg horn að líta í
verklegum fram-
kvæmdum. Orkan frá
þeirri uppbyggingu sem
Orkuveita Reykjavíkur
er nú að halda áfram
með, mun nýtast nýju
álveri Norðuráls í
Helguvík. Uppbygging
þess kallar á um 1.800
ársverk. Með raforku-
sölusamningi við Norðurál, sem lá til
samþykktar í borgarstjórn, er búið að
tryggja sölu á framleiðslunni áður en
ráðist er í uppbygginguna, vitaskuld
til að draga úr áhættu við hinar miklu
fjárfestingar sem nema tugum millj-
arða króna.
Samningur um raforkusöluna var
til afgreiðslu í borgarstjórn Reykja-
víkur þriðjudaginn 3. febrúar. Þá brá
svo við að eingöngu borgarfulltrúar
Framsóknarflokksins og Sjálfstæð-
isflokksins greiddu honum atkvæði.
Aðrir – þar á meðal fulltrúar rík-
isstjórnarflokkanna Samfylkingar og
Vinstri grænna – greiddu atkvæði á
móti eða sátu hjá.
Við Íslendingar erum að fást við
snúnasta efnahagsvanda sem við okk-
ur hefur nokkurn tíma blasað. Þjóð-
arinnar bíður hugsanlega mesta at-
vinnuleysi sem sést hefur frá
lýðveldisstofnun. Á slíkum ögur-
stundum má ekki bregðast.
Starfsfólk og stjórnendur Orku-
veitu Reykjavíkur þurftu að leggja
mikið á sig til að afla fjár til fram-
kvæmdanna, nú þegar traust á ís-
lensku efnahagslífi er almennt ekki
upp á marga fiska. Það er von mín að
sú vinna sendi þau skilaboð að það
eru öflugar stoðir í atvinnulífi lands-
ins, sem ekki bregðast þótt brimi um
þær. Orkuveita Reykjavíkur megi
þannig verða ísbrjótur fyrir íslenskt
atvinnulíf, sem nú hægir fljótt á í hel-
frosti fjármálamarkaða.
Þegar meirihluti Framsókn-
arflokksins og Sjálfstæðisflokksins í
borgarstjórn Reykjavíkur stóð í bar-
áttunni gegn atvinnuleysinu í borg-
arstjórn þriðjudaginn 3. febrúar var
vont að sjá afstöðuleysi fulltrúa Sam-
fylkingarinnar og trúfestu Vinstri
grænna sem leyfir þeim ekki að efla
atvinnu í landinu.
Orkuveita Reykja-
víkur brýtur ísinn
Guðlagur G. Sverr-
isson fjallar um
Hellisheiðarvirkjun
» 250 til 400 manns
munu starfa við
byggingu Hellisheiðar-
virkjunar. Það munar
svo sannarlega um
slíkar stærðir.
Guðlaugur G. Sveinsson
Höfundur er stjórnarformaður
Orkuveitu Reykjavíkur.
ÖSSUR Skarphéð-
insson, utanríkis- og
iðnaðarráðherra, vék
nokkrum orðum að til-
lögum ríkisstjórnar-
innar um stjórnar-
skrárbreytingar í grein
hér í blaðinu sl. laugar-
dag. Tilefnið var að
Þorgerður K. Gunnarsdóttir, varafor-
maður Sjálfstæðisflokksins, hafði í
þingræðu nokkrum dögum fyrr lýst
efasemdum sjálfstæðismanna um
áform ríkisstjórnarinnar í þessum
efnum. Össur lætur hins vegar ógert
að vitna beint í þessi efasemdaorð
Þorgerðar, enda hefði slík tilvitnun
gert allar túlkunaræfingar hans varð-
andi meinta stefnubreytingu sjálf-
stæðismanna ómerkar og innihalds-
lausar.
Varnaðarorð Þorgerðar lutu að því
að ekki mætti ráðast í stjórnarskrár-
breytingar af offorsi eða hvatvísi. Hún
vísaði til þess að stjórnarskrárbreyt-
ingar hefðu til þessa byggst á vand-
aðri vinnu og þver-
pólitískri sátt í þinginu.
Slíkt vinnulag væri for-
senda þess að stjórn-
arskráin nyti þess
trausts og hefði þann
sess sem hún ætti skilið.
Svo sagði hún: „Við sjálf-
stæðismenn lýsum okkur
tilbúna til vinnu við end-
urskoðun stjórnarskrár-
innar að því gefnu að
vandað verði til verka og
leitað verði samráðs um
þær breytingar sem til
greina koma, ekki bara á lokastigi
eins og nú er verið að boða. Það er ný-
lunda.“
Tillögurnar liggja ekki fyrir
Þorgerður fjallaði ekki efnislega
um tilteknar tillögur ríkisstjórnar-
innar um stjórnarskrárbreytingar,
enda liggja þær ekki fyrir. Í stefnu-
yfirlýsingu stjórnarinnar er vikið að
þremur breytingum með almennu
orðalagi, en útfærslan hefur hvorki
verið kynnt þingi né þjóð. Þessi þrjú
atriði eru í fyrsta lagi ný aðferð við að
breyta stjórnarskrá þannig að þær
verði bornar undir atkvæði í þjóðarat-
kvæðagreiðslu, í öðru lagi að ákvæði
verði sett í stjórnarskrá um þjóð-
aratvæðagreiðslur og í þriðja lagi að
tekið verði upp ákvæði um auðlindir í
þjóðareign.
Um öll þessi atriði má segja, að við
sjálfstæðismenn höfum verið tilbúnir
til að ræða þau og finna útfærslu sem
samstaða gæti náðst um. Þá hef ég
einkum í huga starf stjórnarskrár-
nefndar á síðasta kjörtímabili, þar
sem við Össur áttum báðir sæti. Hann
þekkir því vel áherslur einstakra
flokka í þessu sambandi og veit að um
útfærslu breytinga af þessu tagi voru
talsvert skiptar skoðanir. Hann man
líka vel að fjallað var um mun fleiri
þætti stjórnarskrárinnar í nefndar-
starfinu og að við sjálfstæðismenn
lögðum áherslu á að þessar breyting-
ar væru allar skoðaðar í samhengi,
enda var yfirlýst markmið nefndar-
innar að vinna að heildarendurskoðun
stjórnarskrárinnar. Það var raunar
gert að kröfu Samfylkingarinnar, eins
og Össur man áreiðanlega.
Útfærslan getur skipt sköpum
Sem kunnugt er dugði stjórnar-
skrárnefndinni ekki sá tími sem ætl-
aður var til verksins. Var það sameig-
inleg niðurstaða hennar að skila af sér
einni útfærðri tillögu, en hún laut að
því að breyta aðferðinni við stjórnar-
skrárbreytingar. Frá því segir Össur í
grein sinni og er það trúlega það eina
í þeim skrifum sem ekki er afbakað
með einhverjum hætti. Eins og sakir
standa vitum við sjálfstæðismenn
ekki hvort ríkisstjórnin ætlar sér að
leggja þá tillögu fram óbreytta eða
hvort hún hefur einhverjar aðrar út-
færslur í huga. Við vitum heldur ekki
hvernig ríkisstjórnin hyggst útfæra
ákvæði um þjóðaratkvæðagreiðslur
og um auðlindir, en margar mismun-
andi leiðir er hægt að fara í þeim efn-
um. Niðurstaðan getur skipt sköpum
um það hvort samstaða næst um að
gera slíkar breytingar.
Eðlileg varnaðarorð
Í ljósi þessa voru fyrirvarar og
varnaðarorð Þorgerðar K. Gunnars-
dóttur í síðustu viku eðlileg og sjálf-
sögð. Sjálfstæðismenn geta ekki
skrifað upp á óútfylltan tékka þegar
til umfjöllunar er mikilvægasta
grundvallarlöggjöf þjóðarinnar.
En burtséð frá einstökum
hugmyndum um breytingar á
stjórnarskrá er það líka verulegt
umhugsunarefni, hvort skynsamlegt
er að fara út í stjórnarskrárbreyt-
ingar á þeim fáu vikum sem nú eru
eftir af starfstíma Alþingis. Áform
ríkisstjórnarinnar í þeim efnum hafa
á sér svip ákveðins óðagots, ekki síst
þegar horft er til þess að þingið mun á
þessum tíma þurfa að fjalla um fjöl-
mörg brýn mál sem lúta að efnahags-
málum og afkomu heimila og fyr-
irtækja í landinu.
Það er síðan sjálfstæð spurning,
sem Össur og félagar hans í ríkis-
stjórn þurfa að svara, hvers vegna
þeir telja ástæðu til að klára tilteknar
stjórnarskrárbreytingar fyrir vorið
þegar þeir leggja á sama tíma til að
sett verði á fót sérstakt stjórnlaga-
þing, sem hafi það hlutverk að endur-
skoða stjórnarskrána. Ef talin er þörf
á stjórnlagaþingi, hvers vegna má það
ekki fjalla um þessa þætti? Það skipt-
ir máli að talsmenn ríkisstjórnarinnar
útskýri þetta, enda virðist einhver
óskiljanleg mótsögn felast í þessum
mismunandi hugmyndum hennar.
Birgir Ármannsson
skrifar um hug-
myndir um breyt-
ingar á stjórn-
arskrá
» Sjálfstæðismenn
geta ekki skrifað
upp á óútfylltan tékka
þegar til umfjöllunar er
mikilvægasta grundvall-
arlöggjöf þjóðarinnar.
Birgir Ármannsson
Höfundur er þingmaður
Sjálfstæðisflokksins í Reykjavík.
Össur, Þorgerður og stjórnarskráin
EINAR S. Hálfdánarson sem
titlar sig bæði hæstaréttarlög-
mann og löggiltan endurskoðanda
skrifaði grein í sunnudagsmogg-
ann 9. febrúar s.l. Greinin bar yfir-
skriftina Indriði Þorláksson og
var, að ég held, skrifuð til að vekja
athygli lesenda á skattaþekkingu
greinarhöfundar og skattavan-
kunnáttu fyrrverandi ríkisskatt-
stjóra.
Ekki ætla ég mér að bera í bæti-
fláka fyrir Indriða. Hann er fullfær
um það sjálfur. Það sem hins vegar
vakti athygli mína var uppspuni og
ósannindi greinarhöfundar. Hann
hélt greinilega að auðveldara væri
að gera Indriða tortryggilegan
með því að ljúga því til að Indriði
hefði fengið menntun sína í Aust-
ur-Þýskalandi og gott ef hann átti
ekki að hafa kennt þar líka.
Þetta er uppspuni. Við Indriði
vorum saman í menntaskóla og
fórum síðan báðir í hagfræðinám
til Vestur-Berlínar. Eftir nám þar
fór Indriði heim. Hann hvorki
lærði né kenndi nokkurn tíma í
Austur-Þýskalandi.
Ég vona að Einar meðhöndli
staðreyndir í endurskoðunarstörf-
um sínum af meiri nákvæmni og
áreiðanleika en hann gerir í þess-
ari grein. Mér er málið að því leyti
skylt, að nokkru eftir að ég kom
heim frá námi í Vestur-Þýskalandi
(haustið 1968) og hóf þátttöku í
landsmálaumræðunni, birtust á
áberandi stað í nafnlausum dálki
Morgunblaðsins hörð andmæli við
málflutning minn. Það var að sjálf-
sögðu í góðu lagi, en greinin end-
aði á þann veg, að ekki mætti bú-
ast við öðru af þessum manni sem
numið hafði í kommúnískum skóla
í Austur-Þýskalandi. Blaðið birti
að vísu síðar leiðréttingu á lítt
áberandi stað.
Því mátti líkja við pólitíska
holdsveiki að hafa dvalið eða num-
ið í Austur-Þýskalandi. Á þeim
tíma dugði það eitt til að ómerkja
málflutning hvers og eins, hversu
vandaður sem hann annars var.
Enn þann dag í dag glymur
þetta af og til í eyrum mínum. Ný-
lega hitti ég gamlan kunningja
sem síðar varð þingmaður
Sjálfstæðisflokksins um skamman
tíma. Hann rauk á mig á götu með
offorsi og skammaði mig fyrir já-
kvæða afstöðu mína til Evrópu-
sambandsins. Eftir að hann hafði
látið móðan mása endaði hann
raus sitt á þann veg að sennilega
væri ekki hægt að ætlast til þess
að maður sem numið hefði í Aust-
ur-Þýskalandi skildi hvað hug-
tökin sjálfstæði og fullveldi þýddu.
Lengi lifir í gömlum glæðum.
Þröstur Ólafsson
Athugasemd við óvendi
Höfundur er hagfræðingur.