Morgunblaðið - 21.04.2009, Blaðsíða 35

Menning 35FRÉTTIR
MORGUNBLAÐIÐ ÞRIÐJUDAGUR 21. APRÍL 2009
Ég á reyndar einn
frænda sem er í
hljómsveit og hann er ekki
einu sinni blóðskyldur
mér … 36
»
BRIM og Elliðaárdalurinn er
myndefnið í málverkum Jó-
hanns Tryggvasonar.
Í dag, þriðjudaginn 21. apríl,
opnar Jóhann sýningu á olíu-
málverkum í galleríi sínu, sem
er til húsa á Garðatorgi 7 í
Garðabæ (við hliðina á turn-
inum).
Jóhann leitar fanga fyrir
verkin á ströndinni, þar sem
hann málar brimið, og í Elliða-
árdalnum, þeirri fögru vin í borginni. Þetta er
fjórða einkasýning Jóhanns en hann hefur einnig
sýnt á fimm samsýningum.
Sýningin er opin frá 13 til 18 alla daga út apr-
ílmánuð.
Myndlist
Myndverk af brimi
og úr Elliðaárdal
Hluti af einu verki
Jóhanns.
AÐ vefa bænir – líf og störf
nunnanna á Kirkjubæj-
arklaustri kallar Kristján
Mímisson fornleifafræðingur
leiðsögn um fornleifarann-
sóknir á Kirkjubæjarklaustri
sem fram fóru á árunum 1995-
2006. Leiðsögnin verður í há-
deginu í dag, í Þjóðminjasafn-
inu, og hefst klukkan 12.05.
Fjallað verður um minjar
miðaldaklaustursins og munina
sem fundust, í ljósi ýmissa hugmynda um líf og
störf nunna á miðöldum.
Fyrri hluti leiðsagnarinnar fer fram í fyr-
irlestrasal Þjóðminjasafnsins en síðan verður
gengið um sýninguna Endurfundi.
Fornminjar
Líf og störf nunn-
anna á Klaustri
Frá sýningunni
Endurfundir.
KARLAKÓRINN Þrestir
heldur ferna vortónleika þessa
dagana. Tvennum tónleikum er
lokið en kórinn kemur næst
fram á morgun, síðasta vetr-
ardag, í Hafnarborg í Hafn-
arfirði kl. 20.00, og síðan í Nes-
kirkju á sumardaginn fyrsta
klukkan 16.00.
Þema tónleikanna eru ástir
og örlög og er þar vísað í efnis-
skrána, sem er fjölbreytt að
vanda.
Sigrún Hjálmtýsdóttir, Diddú, syngur með
kórnum í nokkrum lögum og syngur einnig ein-
söng í þremur lögum. Stjórnandi kórsins er Jón
Kristinn Cortez og píanóleikari Jónas Þórir.
Tónlist
Ástir og örlög á
vortónleikum
Karlakórinn
Þrestir.
Eftir Einar Fal Ingólfsson
efi@mbl.is
HEIMURINN er ekki lengi að breytast. Að því
kemst Íslendingur sem er búsettur á Spáni í
upphafi þessarar aldar og nýtur þar lífsins. Í
kjölfar hryðjuverkaárásanna á Bandaríkin
hrynur sá heimur sem hann þekkir.
Í stuttu máli er það þetta sem lesandi Firr-
ingar, nýrrar skáldsögu eftir Hörð Örn Braga-
son, kemst að; sagan gerist síðan að mestu í
Madríd og í norðanverðri Afríku en einnig í
eyðifirði norður á Ströndum.
„Maður þarf að koma þessum verkum frá sér
til að geta haldið áfram. Einhvers staðar verður
maður að hætta með hverja bók og gefa hana
út,“ segir Hörður Örn. Þetta er þriðja skáldsag-
an sem hann skrifar en sú fyrsta sem hann gef-
ur út. Fyrir nokkrum mánuðum missti hann
vinnuna og vatt sér þá í að ljúka við bókina sem
hann hafði verið að skrifa í nokkur ár.
„Það eru þrjú, fjögur ár síðan ég byrjaði á
henni. Ég skrifaði uppkast þegar ég var að læra
í Barcelona árið 2004. Síðan skrifaði ég hana
upp á nýtt og breytti einu og öðru. Hún varð
ekki til á nokkrum mánuðum.“ Hörður Örn
þekkir söguheiminn vel. Hann bjó í Madríd á
árunum 1995 til 2000, rak þar fisksölufyrirtæki
ásamt bróður sínum og lauk MBA-prófi.
„Byrjun sögunnar vísar á lífið sem maður
lifði sjálfur þarna suðurfrá,“ segir hann „Einn
af viðskiptavinum okkar var í Baskahér-
uðunum. Hann keypti töluvert af saltfiski af
okkur en einn daginn var hann handtekinn og í
ljós kom að hann var einn aðalfjármagnari
skæruliðahreyfingar ETA. Þar kviknaði í raun
hugmyndin að sögunni enda geta menn leiðst út
í ótrúlegustu hluti.“
Hörður Örn er 39 ára gamall og menntaður í
viðskiptum og stjórnun. Hann segist hafa verið
að skrifa í tómstundum síðan um tvítugt.
„Ég ætlaði alltaf að gera eitthvað með þetta.
Ég hef líka lesið mikið enda held ég að besta
menntunin á þessu sviði felist í að lesa góðar
bækur.“
Þótt söguþráður Firringar sé spennandi seg-
ist hann ekki líta á hana sem „formúlukrimma“.
„Einn sagði að hún byrjaði eins og Veisla í far-
ángrinum en minnti síðan á Réttarhöldin eftir
Kafka!“ segir hann og hlær.
Þarf að halda áfram
 Hörður Örn Bragason hefur skrifað sögu manns sem lendir í martröð hefnda
 Lauk við skáldsöguna eftir að hafa misst vinnuna og gefur hana út sjálfur
Morgunblaðið/Kristinn
Höfundur og útgefandi „Ég vil að eitthvað gerist í bók-
um. Ég er ekki mikið fyrir langlokur. Ég er hrifinn af
rússneskum höfundum. Það er alltaf eitthvað að gerast
hjá þeim,“ segir Hörður Örn Bragason.
Eftir Ingveldi Geirsdóttur
ingveldur@mbl.is
MYNDLISTASKÓLINN í Reykjavík fékk ný-
lega tvo aðskilda styrki frá menntasviði
Reykjavíkurborgar og menntamálaráðuneyt-
inu sem munu nýtast í námskeið fyrir börn og
unglinga í sumar.
„Styrkurinn frá borginni verður nýttur til að
vera með listbúðir fyrir 8 ára börn þar sem unn-
ið verður út frá arkitektúr og manngerðu um-
hverfi. Styrkurinn frá ríkinu fer að mestu í að
vera með sumarskóla fyrir 16 til 18 ára fólk þar
sem arkitektúr og skipulagsmál verða líka höfð
í forgrunni,“ segir Ingibjörg Jóhannsdóttir
skólastjóri Myndlistaskólans.
Þegar styrkirnir tveir leggjast saman verður
hægt að ráða einn arkitekt til skólans til eins
árs og einhverja í hlutastarf og munu þeir
kenna í þessum tveimur verkefnum og sinna
ýmsum öðrum fræðslustörfum innan skólans.
„Við ráðum þessa arkitekta inn af atvinnu-
leysisskrá í samvinnu við verkefni sem Impra,
Nýsköpunarmiðstöð Íslands og Atvinnuþróun-
arsjóður starfrækja og heitir Starfsorka. En
það er átaksverkefni sem er ætlað að virkja fólk
í atvinnuleysinu,“ segir Ingibjörg sem vinnur
sig nú í gegnum þann bunka af umsóknum sem
barst inn.
Borgin er þeirra umhverfi
„Við sjáum fyrir okkur að þessi námskeið
verði vettvangur fyrir ýmsar tilraunir í kennslu
og þar verði framkallaður hugmyndabanki sem
þessir arkitekar munu halda utan um. Þeir eiga
að ná utan um þær tilraunir sem verða fram-
kvæmdar á þessum námskeiðum og koma þeim
á framfæri m.a í gegnum netið þannig að þær
gætu nýst í kennslu víðar í skólakerfinu. Gauja
Dögg Hauksdóttir arkitekt er höfundur ný-
úkominnar bókar, Byggingarlist í Augnhæð,
sem er námsefni um byggingarlist ætlað grunn-
skólunum og verður hún ráðgefandi í verkefn-
inu.“
Sumum finnst það eflaust bratt hjá Mynd-
listaskólanum að kenna börnum og unglingum
arkitektúr og borgarskipulag, en Ingibjörg seg-
ir það ekkert fjarstæðukennt enda búi stærsti
hluti barna í þéttbýli. „Börn hafa mikinn áhuga
á borginni enda er hún þeirra umhverfi og þau
hafa miklar hugmyndir um það hvernig þau
vilja hafa sitt umhverfi. Við höfum líka hugsað
okkur í sumarskólanum að láta unga fólkið taka
þátt í opinni hugmyndasamkeppni um skipulag
gamla hafnarsvæðisins sem Faxaflóahafnir
standa fyrir, svo þeirra raddir fái að hljóma.“
Borg fyrir börn
Myndlistaskólinn í Reykjavík fékk styrki frá ríki
og borg til að starfrækja listbúðir og sumarskóla
Morgunblaðið/Einar Falur Ingólfsson
Skólasýning Á laugardaginn var opnuð á neðstu hæð Listasafns Íslands sýning á verkum nem-
enda Myndlistaskólans í Reykjavík sem unnin eru út frá verkum Magnúsar Pálssonar myndlist-
armanns. Ingibjörg Jóhannsdóttir skólastjóri, Magnús Pálsson og Hildigunnur Birgisdóttir,
myndlistarmaður og kennari, skoða nokkur verkanna ásamt nemendum.
BANDARÍSKI
ljósmyndarinn
Robert Adams
hlaut Hassel-
blad-verðlaunin
fyrir árið 2009.
Verðlaunin, sem
Hasselblad-
stofnunin í Sví-
þjóð veitir, eru
einhver helsta
viðurkenning sem listamenn sem
vinna með ljósmyndamiðilinn geta
hlotið. Verðlaunaféð nemur 61.000
dölum.
Í umsögn dómnefndar er Adams
sagður einn áhrifamesti ljósmynd-
ari síðustu fjögurra áratuga. Sagt
er að á sama tíma og ljósmyndun
hafi verið brotin sífellt meira upp
hafi Adams „nýtt sér arfleifð ljós-
myndunar 19. aldar og módern-
ismann á afar persónulegan hátt.
Nákvæmur og ódramatískur“.
Meðal fyrri verðlaunahafa eru
Henri Cartier-Bresson, Robert
Frank, Richard Avedon og Sebasti-
ao Salgado. Mexíkóski ljósmynd-
arinn Graciela Itubide hlaut verð-
launin í fyrra og Nan Goldin árið
2007.
Nákvæm
ódramatík
Adams hlaut Hassel-
blad-verðlaunin
Robert Adams
GÓÐ sala hefur verið á erlendum
uppboðum á fornminjum og eldri
myndlist síðustu vikur. Að sögn
fjölmiðla er helsta vandamálið ekki
að verðið sé lágt heldur það að
seljendur bjóða ekki neina hágæða-
gripi.
Að sögn blaðamanns The Guardi-
an hafa margir sem leita að
öruggri leið til að fjárfesta horft til
kaupa á klassískum skartgripum og
málverkum og fyrir vikið blómstrar
forngripamarkaðurinn.
Þriðjungur forngripasala í Eng-
landi segir verð hafa hækkað hjá
sér síðustu mánuði sökum eft-
irspurnar en 14% segja verð hafa
lækkað. Samkvæmt könnun fagrits
forngripasala hefur hækkunin eink-
um verið á skartgripum og silf-
urmunum. Þá hefur eftirspurn eftir
ódýrari gripum aukist á uppboðum.
Fjárfest í
forngripum
Hörður Örn Bragason fór þá leið að gefa
skáldsögu sína, Firringu, út sjálfur.
„Ég hafði samband við forlög fyrir ára-
mót en var sagt að bókin yrði lesin yfir ein-
hvern tímann á þessu ári, fyrir mögulega
útgáfu á næsta ári. Mér fannst hins vegar
ekki eftir neinu að bíða. Margir hafa lesið
bókina yfir fyrir mig, ég hafði fengið góð
viðbrögð við henni og ákvað að gefa hana
út sjálfur, með góðra manna hjálp.
Mér fannst engin ástæða til að bíða í tvö
ár með útgáfu, eftir tvö ár verð ég örugg-
lega á fullu í öðru verki,“ segir hann.
„Þetta er ekki fyrsta bókin sem ég
skrifa, ég á tvær aðrar hér ofan í skúffu.
En ég var ekki nógu ánægður með þær.“
Hörður Örn segist hafa litið á þær sem
æfingar en nú sé hann kominn langt með
að skrifa fjórðu bókina og sé því farinn að
líta á Firringu sem aðalæfinguna.
Vildi ekki bíða í tvö ár