Morgunblaðið - 14.05.2009, Qupperneq 17

Fréttir 17INNLENT
MORGUNBLAÐIÐ FIMMTUDAGUR 14. MAÍ 2009
STJÓRN Félags nýrnasjúkra hefur
sent forstjóra Landspítalans bréf
þar sem mótmælt er harðlega þeirri
ákvörðun framkvæmdastjórnar spít-
alans að leggja niður bráðamót-
tökuna á Hringbraut og sameina
hana móttökunni í Fossvogi. Er
þeim eindregnu tilmælum beint til
stjórnarinnar að þetta verði ekki
gert á meðan öll önnur þjónusta við
nýrnasjúka er til húsa við Hring-
brautina.
Lýsir stjórn Félags nýrnasjúkra
yfir furðu sinni á því að ekki hafi ver-
ið haft samráð við félagið, í ljósi
þeirra hagsmuna sem nýrnasjúkir
hafi varðandi þetta mál.
„Mikils kvíða gætir nú hjá mörg-
um þeirra sem eru í blóðskilun vegna
fyrirhugaðra breytinga. Blóðskilun
er erfið meðferð og eftir fjórar
klukkustundir í vélinni getur fólk
verið orðið svo magnvana og lasið að
því er ekki treystandi til þess að fara
heim til sín. Bráðamóttakan hefur
tekið við þessum einstaklingum og
þar hafa þeir getað náð sér. Vandséð
er að sparnaður sé fólginn í því að
flytja þá sjúklinga suður í Fossvog til
þess að þeir geti jafnað sig þar,“ seg-
ir m.a. í bréfi félagsins til spítalans.
Nýrnasjúkir mótmæla harðlega
Í HNOTSKURN
»Hjúkrunarráð, læknaráðog Hjartaheill hafa einnig
lýst áhyggjum af sameiningu á
bráðamóttökum spítalans.
»Óráðið er hvenær samrun-inn fer í framkvæmd.
ARNHÖFÐÓTTU og bíldóttu lambi í Haukholtum í
Hrunamannahreppi leið vel í faðmi vinkvennanna Val-
dísar Unu Guðmannsdóttur og Önnu Maríu Magn-
úsdóttur. Sauðburðurinn er hafinn og annatími hjá
þeim sem eru með kindur. Lömbin eru ljúfur vorboði
og bíður margra þeirra sumarlöng dvöl á fjöllum.
Morgunblaðið/Sigurður Sigmundsson
Heimasæturnar faðma lömbin
Eftir Sigtrygg Sigtryggsson
sisi@mbl.is
VEGAGERÐIN hefur óskað eftir
tilboðum í gerð Arnarnesvegar, milli
Reykjanesbrautar og Fífuhvamms-
vegar. Um er að ræða endurbygg-
ingu fyrsta kafla Arnarnesvegar, en
þegar vegurinn verður fullbyggður
mun hann liggja frá Reykjanesbraut
niður á Breiðholtsbraut, nálægt Suð-
urfelli.
Verkið felst í gerð vegar frá nýj-
um mislægum gatnamótum við
Reykjanesbraut og austur fyrir
Fífuhvammsveg, samtals 1.800
metrar. En þótt vegakaflinn sé ekki
langur, verður um talsvert umfangs-
mikið verk að ræða. Vegurinn verð-
ur tvær akbrautir og milli þeirra
þriggja metra breiður miðdeilir með
vegriði báðum megin hans. Á veg-
kaflanum skal gera fern gatnamót
og byggja skal fern steypt und-
irgöng auk göngubrúar úr stáli.
Einnig skal setja upp veglýsingu,
umferðarljós, gera stíga, landmótun,
hljóðvarnir og annað sem nauðsyn-
legt er til að ljúka verkinu. Einnig
skal leggja nýja stofnlögn hitaveitu
auk ídráttarröra og strengja.
Tilboð í verkið verða opnuð 23.
júní. Verktaki á að skila verkinu full-
búnu fyrir 30. ágúst 2010.
Yfirlitsmynd/Vegagerðin
Nýr vegur Arnarnesvegurinn liggur á mótum Kópavogs og Garðabæjar.
Vegagerðin býður út
kafla Arnarnesvegar
Leitað er eftir þátttakendum í klíníska rannsókn á nýju rannsóknarlyfi
Tilgangur rannsóknarinnar er að athuga öryggi og verkun mismunandi skammta rannsóknarlyfsins við
meðhöndlun á þrálátum háþrýstingi, samanborið við lyfleysu og virkt, markaðssett lyf. Aðalrannsakandi er Karl
Andersen, sérfræðingur í lyflækningum og hjartalækningum. Rannsóknin fer fram á Rannsóknarsetri Íslenskra
lyfjarannsókna ehf. – Encode, Krókhálsi 5d, 110 Reykjavík.
Hverjir geta tekið þátt?
• Konur og karlar á aldrinum 18-75 ára með þrálátan háþrýsting. Konur verða að vera komnar yfir
tíðahvörf eða hafa undirgengist ófrjósemisaðgerð.
• Einstaklingar á stöðugri þriggja lyfja meðferð við háþrýstingi sem eru þrátt fyrir það með of háan
blóðþrýsting. Lyfjameðferðin má vera flóknari, þ.e. fleiri en þrjú lyf notuð, en eitt lyfjanna skal þó vera
þvagræsilyf.
Hvað felur rannsóknin í sér?
Þátttaka varir í allt að 14 vikur og gert er ráð fyrir um 13 heimsóknum á rannsóknarsetur á tímabilinu.
Heimsóknirnar taka u.þ.b. 1 til 4 klst. Gerðar verða blóðþrýstingsmælingar, bæði á rannsóknarsetri og með
notkun blóðþrýstingsvaktara yfir sólarhring. Blóðsýni verða tekin í flestum heimsóknum.
Áhætta af þátttöku felst í mögulegum aukaverkunum af notkun rannsóknarlyfsins, bæði þekktum og ófyrir-
séðum. Ekki er hægt að tryggja að þátttakendur fái tímabundinn bata en niðurstöður rannsóknarinnar geta leitt
til framfara í meðferð sjúkdómsins.
Greitt verður fyrir þátttöku og rannsóknareftirlit verður þátttakendum að kostnaðarlausu.
Frekari upplýsingar
Ef þú hefur áhuga á að taka þátt, vinsamlegast hafðu samband við hjúkrunarfræðing rannsóknarinnar í síma
510 9911.
Tekið skal fram að einstaklingar sem svara auglýsingunni hafa á engan hátt skuldbundið sig til að taka þátt í
rannsókninni. Ákveði þeir að taka þátt, geta þeir dregið sig út úr rannsókninni hvenær sem er, án þess að gefa
sérstaka ástæðu fyrir ákvörðun sinni.
Rannsóknin hefur fengið leyfi Lyfjastofnunar, Vísindasiðanefndar og Persónuverndar.
Eftirlaunasjóður Félags Íslenskra Atvinnuflugmanna
(EFÍA) boðar hér með til ársfundar sjóðsins. Fundurinn
verður haldinn á Grand Hóteli, Sigtúni 38 í Reykjavík,
fimmtudaginn 28. maí 2009 kl. 13.00.
Á dagskrá fundarins eru eftirfarandi mál í samræmi við
samþykktir sjóðsins og 30. gr. laga nr. 129/1997 um
skyldutryggingu lífeyrisréttinda og starfsemi lífeyrissjóða:
1. Skýrsla skipaðs umsjónaraðila EFÍA
2. Ársreikningur EFÍA 2008
3. Tryggingafræðileg úttekt EFÍA og tillögur um
skerðingu lífeyrisréttinda sjóðfélaga
4. Fjárfestingarstefna EFÍA
5. Val á endurskoðanda EFÍA
6. Lýsing á skipan stjórnar EFÍA samkvæmt gr. 5.3 í
samþykktum EFÍA og laun stjórnarmanna
7. Framtíð EFÍA, aðkoma skipaðs umsjónaraðila að
sjóðnum og áætlanir hans um að hverfa frá sjóðnum
að afstöðnum ársfundi
8. Önnur mál, löglega upp borin
Ársfundargögn er hægt að nálgast á heimasíðu sjóðsins,
www.efia.is.
Reykjavík, 14. maí 2009.
Virðingarfyllst,
Viðar Lúðvíksson, hrl.,
skipaður umsjónaraðili Eftirlaunasjóðs FÍA
samkvæmt 46. gr. laga nr. 129/1997.
EFTIRLAUNASJÓÐUR
FÉLAGS ÍSLENSKRA
ATVINNUFLUGMANNA
(EFÍA)
BOÐAR TIL ÁRSFUNDAR