Morgunblaðið - 14.05.2009, Qupperneq 21

Daglegt líf 21
MORGUNBLAÐIÐ FIMMTUDAGUR 14. MAÍ 2009
CHEERIOS-kornið er lyf ef marka
má það sem framleiðandinn, General
Mills, staðhæfir á pökkunum. Kem-
ur þetta fram í bréfi frá matvæla- og
lyfjaeftirlitinu í Bandaríkjunum,
FDA, og það hótar lögsókn verði
áletruninni á pökkunum ekki breytt.
Á pökkunum er því haldið fram,
að Cheeriosskammtur tvisvar á dag
minnki slæmt kólesteról, sem getur
stuðlað að hjartasjúkdómum, um 4%
á sex vikum. Raunar er tekið fram,
að þá skuli Cheeriosið vera hluti af
mat, sem inniheldur litla mettaða
fitu og lítið kólesteról.
Í bréfi FDA segir, að vegna þess-
ara fullyrðinga sé verið að auglýsa
lyf og ekki aðeins það, heldur nýtt
lyf, sem dragi úr kólesterólmyndun
og líkum á hjartaáföllum og hafi að
auki engar aukaverkanir. Framleið-
andinn verði því að gera annaðhvort,
að breyta áletruninni eða sækja um
leyfi fyrir Cherrios sem lyfi.
General Mills segist vona, að unnt
verði að leysa málið og hefur óskað
viðræðna við FDA.
Er Cheerios
matur
eða meðal?
Arnþór Helgason leit út umgluggann og var ekki hrifinn
af því sem hann sá:
Nú er úti væta og vor,
verður flest að klessu.
Frónið allt er atað for,
er ég hissa á þessu.
Pétur Stefánsson velti líka fyrir
sér veðrinu, sem var leiðinlegt þann
daginn:
Lemur á glugga, austanátt.
Eflast skrugguhljóðin.
Laus við ugg ég yrki þrátt
ef mér hugnast; ljóðin.
Kristján Runólfsson var hins-
vegar hrifnari af vorveðrinu:
Nú er jörð í þeli þýð,
þó er snjór í hlíðum fjalla,
víða í leysing fossar falla,
fagna blómin vorsins tíð.
Þegar loksins lít ég vor,
lömbin renna upp um hjalla,
grösin spretta um stíg og stalla,
styrkist lífsins afl og þor.
Bragi Ragnarsson sendir kveðju í
Vísnahornið:
Ógnar nú fjöldanum faraldur (slím),
farsóttar leiðirnar margar.
Helsta vonin að Haraldur (Briem)
heiminum komi til bjargar.
VÍSNAHORNIÐ pebl@mbl.is
Af flensu og
austanátt
FÓLK fékk áður fyrr allt það D-
vítamín sem það þurfti, einfaldlega
með því að vera utandyra, út-
fjólubláir geislar sólarinnar sáu um
að kveikja á framleiðslu þess í lík-
amanum en það er tæknilega séð
hormón, segir í The Washington
Post. En nú er meiri hætta á D-
vítamínskorti sem er bagalegt af því
að efnið er afar mikilvægt.
D-vítamín fæst m.a. úr þorskalýsi
og feitum fiski eins og síld og laxi og
því hæg heimatökin hér á landi. En
hvers vegna var skortur á því ekki
útbreitt vandamál fyrr á öldum?
Flestir þurftu að vera úti við á dag-
inn, hvort sem þeir unnu á ökrunum
eða við annað og þjáðust því fáir af
D-vítamínskorti. En nú erum við
mörg innandyra mestallan daginn
og það sem meira er, þegar við för-
um í sólina berum við á okkur áburð
sem hindrar að við brennum en um
leið dregur úr framleiðslu vítam-
íninu.
Rannsóknir sýna að skortur á D
er mjög algengur og afleiðingarnar
geta verið slæmar. Vítamínið dregur
úr osteoporosis (beingisnun) og
þannig úr tíðni beinbrota. Einnig er
hugsanlegt að efnið bæti jafnvæg-
isskynið og dragi úr hættu á hjarta-
sjúkdómum og sykursýki.
Nær allir vefir líkamans eru með
móttakara fyrir D-vítamín sem
bendir til þess að það komi við sögu í
alls kyns líkamsstarfsemi. Sagt er í
blaðinu að mjög lítil hætta sé á að of-
notkun valdi líkamstjóni.
kjon@mbl.is
Engan má skorta D-vítamín
Morgunblaðið/Heiddi
Hollt Mikið er af D-vítamíni í lýsi en
einnig laxi og öðrum feitum fiski.