Morgunblaðið - 19.09.2009, Qupperneq 20
20 FréttirVIÐSKIPTI | ATVINNULÍF
MORGUNBLAÐIÐ LAUGARDAGUR 19. SEPTEMBER 2009
FRÉTTASKÝRING
Eftir Grétar Júníus Guðmundsson
gretar@mbl.is
EINS og við er að búast er töluverð
samsvörun á milli atvinnuleysis og
fjölda einstaklinga á vanskilaskrá
eftir landshlutum. Undantekning frá
því er þó hvað varðar Vestfirði. Þar
eru hlutfallslega fleiri á vanskilaskrá
en fjöldi atvinnulausra gefur tilefni
til að ætla.
Hlutfallslega eru flestir einskling-
ar á vanskilaskrá, sem fyrirtækið
Creditinfo hefur tekið saman, á Suð-
urnesjum, þegar horft er á hlutfall
þeirra af heildarfjölda íbúa. Í lok
ágústmánaðar var þetta hlutfall
11,3%, en atvinnuleysi á Suðurnesj-
um var 11,4% í ágúst. Næsthæsta
hlutfall einstaklinga á vanskilaskrá í
lok ágúst var á höfuðborgarsvæðinu,
7,6%, og atvinnuleysi var einnig
næsthæst þar, 9,0%.
Vestfirðir skera sig úr
Hlutfall einstaklinga á vanskila-
skrá á Vestfjörðum var það sama í
lok ágúst og á höfuðborgarsvæðinu,
eða 7,6%. Atvinnuleysi á Vestfjörð-
um var hins vegar 1,3% í ágúst, sem
var minnsta atvinnuleysi á landinu.
Halldór Halldórsson, bæjarstjóri
á Ísafirði, segist hafa haldið fyrir-
fram að fjöldi einstaklinga á van-
skilaskrá á Vestfjörðum myndi
fylgja atvinnuleysisstiginu að ein-
hverju leyti, eins og víðast hvar ann-
ars staðar. Niðurstöður um fjölda
einstaklinga á vanskilaskrá á Vest-
fjörðum komi því nokkuð á óvart.
„Þessar niðurstöður benda því vænt-
anlega til þess að fleiri breytur hafi
hér áhrif en atvinnuleysið.“
Hann segir að í samanburði við
víða annars staðar þá hafi ekki mikið
verið byggt af nýju íbúðarhúsnæði á
Vestfjörðum og verðið ekki hækkað
mikið. Það skýri því ekki þann fjölda
sem sé á vanskilaskrá. Hins vegar
hafi nokkuð verið um það að þeir sem
hafi misst vinnuna hafi farið annað í
atvinnuleit og séu ekki á atvinnu-
leysisskrá á Vestfjörðum. Hugsan-
legt sé að það eigi sinn þátt í þessum
niðurstöðum.
Hlutfall einstaklinga á vanskila-
skrá er hærra en atvinnuleysið á
Vesturlandi, Norðurlandi vestra,
Austurlandi og Suðurlandi, en þó er
munurinn ekki eins mikill og á Vest-
fjörðum. Á höfuðborgarsvæðinu,
Norðurlandi eystra og Suðurnesjum
er hlutfall einstaklinga á vanskila-
skrá hins vegar undir atvinnuleys-
ishlutfallstölunum.
Atvinnuleysið eykur víðast hvar vandann
Samsvörun er á milli atvinnuleysis og fjölda einstaklinga á vanskilaskrá eftir
landshlutum, en undantekning er þó frá því, Vestfirðir skera sig úr
!"#$
#
#
%
%
&
%
!
Þetta helst ...
● HÁTEKJUSKATTAR hafa undanfarin
ár verið hæstir í heiminum í Danmörku.
Svíþjóð hefur verið í öðru sæti. Á þessu
verður breyting um næstu áramót og
mun Svíþjóð þá taka sæti Danmerkur
efst á listanum en Danmörk færist þá
niður í annað sætið, samkvæmt frétt í
sænska dagblaðinu Dagens Nyheter.
Í fréttinni er vísað í samantekt fyrir-
tækisins KPMG, sem hefur tekið saman
yfirlit yfir jaðarskatta í ýmsum löndum.
Þar kemur fram að hátekjuskattur í
Danmörku er nú 62,3% en verður
55,4% frá og með næstu áramótum. Í
Svíþjóð er skattprósentan 56,7%. Í
þriðja sæti á lista KPMG er Holland með
52,0%. Noregur er í 18. sæti ásamt
fleiri löndum með 40,0%.
Í frétt danska viðskiptablaðsins Bør-
sen segir að í Danmörku og Svíþjóð hafi
borgaraflokkarnir verið við völd í mörg
ár. Þrátt fyrir það þurfi borgarar þess-
ara landa að greiða hæstu skattana af
síðustu krónunum í launaumslaginu.
Ísland er ekki tekið með í samantekt
KPMG. Hinn 1. júlí síðastliðinn tók gildi
lagabreyting sem leggur 8% há-
tekjuskatt á allar tekjuskattskyldar
tekjur yfir 700 þúsund krónum á mán-
uði. Almenn skattprósenta hér á landi
er í kringum 37,2%. Skattur af síðustu
krónum þeirra sem eru með yfir 700
þúsund krónur í mánaðarlaun er því
45,2%, sem er svipað og meðal annars
á Írlandi og í Kína. gretar@mbl.is
Hæstu skattarnir í
Svíþjóð og Danmörku
Skattar Skatthlutfallið er 45,2% hér
á landi með 8% hátekjuskattinum.
arhlutur ríkissins verði að veruleika.
Erlendir kröfuhafar Byrs, alls nítján
að tölu, hafa skrifað undir bindandi
samkomulag um að fella niður veru-
legan hluta krafna sinna á hendur
sparisjóðnum.
Samkvæmt upplýsingum úr fjár-
málaráðuneytinu er beðið eftir að
skjalagerð vegna endurskipulagning-
ar Byrs taki enda áður en hægt verð-
ur að ljúka afgreiðslu vegna umsókn-
ar sparisjóðsins um stofnfjárframlag.
Ragnar Zophonías er bjartsýnn á að
umsókn sparisjóðsins verði sam-
þykkt. „Við sóttum um hámarkið og
gerum ráð fyrir að það verði sam-
þykkt,“ segir hann.
Erfið niðurfærsla
stofnfjár framundan
Ríkissjóður að eignast allt að helming í Byr sparisjóði
Morgunblaðið/Kristinn
Niðurfærsla Frá aðalfundi Byrs í maí síðastliðnum. Fyrirséð er að ríkið
eignist allt að helming í sparisjóðnum ef umsókn verður samþykkt.
FRÉTTASKÝRING
Eftir Þorbjörn Þórðarson
thorbjorn@mbl.is
„ÞAÐ er engin ánægja með það að
þurfa að skrifa niður stofnfé. Menn
eru að reyna að vinna sem best út úr
þeirri stöðu sem er komin upp. Það er
enginn að gera það af neinni ánægju.
Þetta eru erfiðar aðgerðir sem fara
þarf út í,“ segir Ragnar Zophonías
Guðjónsson, sparisjóðsstjóri Byrs.
Ragnar vísar til þess að umsókn
sparisjóðsins um 10,6 milljarða króna
stofnfjárframlag frá ríkissjóði bíður
umsóknar í fjármálaráðuneytinu.
Verði hún samþykkt mun ríkið eign-
ast allt að helming stofnfjár í spari-
sjóðnum. Það er hins vegar háð sam-
þykki stofnfjáreigenda og þurfa
eigendur 2⁄3 stofnfjár að samþykkja
niðurfærslu hluta sinna til að eign-
Í HNOTSKURN
»Skilyrðin sem fjár-málaráðuneytið setur
vegna umsóknar um stofn-
fjárframlag eru m.a. að
stofnfé verði skrifað niður,
að neikvæður varasjóður
verði jafnaður á móti stofnfé.
» Jafnframt eru almennskilyrði um rekstr-
arhagræði og endurskoðun
launastefnu hjá sparisjóðn-
um.
Tveir þriðju hlutar stofnfjáreig-
enda í Byr sparisjóði þurfa að
samþykkja niðurfærslu eigin
stofnfjárhluta til að eign-
arhlutur ríkissjóðs í sparisjóðn-
um verði að veruleika.
Eftir Jón Pétur Jónsson
jonpetur@mbl.is
„ÍSLAND hefur sett mikið niður. Það leikur eng-
inn vafi á því,“ segir Þórður Friðjónsson, forstjóri
Kauphallarinnar, í tilefni af því að fyrirtækið
FTSE hefur tekið íslensku úrvalsvísitöluna af lista
sínum yfir alþjóðlegar hlutabréfavísitölur. Er
þetta í fyrsta skipti sem slíkt gerist.
Þórður segir að ekki sé hægt að gera nokkrar
athugasemdir við ákvörðun stjórnenda FTSE.
Markaðurinn hér á landi hafi hrunið og það end-
urspeglist í ákvörðun fyrirtækisins. Þar að auki sé
ekki fullkomlega eðlilegt markaðsástand hér á
landi vegna gjaldeyrishafta. „Það er hvergi ásætt-
anlegt í vestrænu markaðshagkerfi.“
Hann segir að nú eigi menn að vinna að því að
aflétta gjaldeyrishöftunum sem fyrst, eða skapa
aðstæður til þess að það sé hægt að aflétta þeim,
og byggja upp markaðinn. „Þá komumst við inn á
þessa vísitölu aftur, sem ég tel að sé mikilvægt.
Þetta er ákveðið vottorð um að hér sé heilbrigt
ástand.“
Aðspurður segist Þórður binda vonir við að
ástandið verði orðið með eðlilegum hætti hér á
landi í lok næsta árs.
FTSE er í eigu breska viðskiptablaðsins Fin-
ancial Times og kauphallarinnar í Lundúnum.
Haft er eftir David Hobbs, framkvæmdastjóra hjá
FTSE Group, á fréttavef Financial Times, að
ástæðan fyrir ákvörðun fyrirtækisins sé sú að velt-
an á íslenska hlutabréfamarkaðnum sé orðin svo
lítil að hann uppfylli ekki lengur skilyrði sem
FTSE setur.
Mikill álitshnekkir
Nú þarf að vinna að því að aflétta gjaldeyrishöftunum
segir forstjóri Kauphallarinnar á Íslandi
Morgunblaðið/ÞÖK
Veltan Of lítil velta er í Kauphöllinni fyrir FTSE.
HÉRAÐSDÓMUR Reykjavíkur
féllst í gær á þá ósk stjórnar Mile-
stone ehf. að félagið yrði tekið til
gjaldþrotaskipta. Kauphöllin ákvað
jafnframt að taka skuldabréf fé-
lagsins úr viðskiptum.
Ljóst varð í vikunni að Milestone
yrði tekið til gjaldþrotaskipta eftir
að kröfuhafar höfnuðu nauðasamn-
ingum, en þeir gerðu ráð fyrir að
6% fengjust upp í kröfur. Stærsti
kröfuhafinn í þrotabú Milestone er
skilanefnd Glitnis með 44 milljarða
króna kröfu. Straumur Burðaráss
gerir kröfu upp á 5,7 milljarða
króna.
Í skýrslu umsjónarmanns Mile-
stone í greiðslustöðvun, Jóhann-
esar A. Sævarssonar, er fjallað um
sölu og færslu eigna frá Milestone
til Svíþjóðar undir merki Moderna
Finance. Mat hans er að eignir hafi
verið færðar undan Milestone án
raunverulegs endurgjalds. Það
kemur til kasta skiptastjóra í
þrotabúi Milestone að taka ákvarð-
anir um riftun. Samkvæmt lögum
um gjaldþrotaskipti má krefjast
riftunar á gjafagerningi ef gjöf var
afhent sex til tólf mánuðum áður en
þrotamaður leitaði fyrst eftir
greiðslustöðvun nema leitt sé í ljós
að þrotamaður hafi verið gjaldfær
við afhendingu. thorbjorn@mbl.is
Ferðalag
Milestone
tekur enda
Hefur óskað eftir
gjaldþrotaskiptum
'()
'()
#
#
'()
*)
#
#
+,-
.
#
#
/0&
+)
#
#
'() 1
'() 23
#
#
● ÚRVALSVÍSITALAN í Kauphöllinni á
Íslandi lækkaði um 1,2% í gær og er
lokagildi hennar 799,7 stig. Frá síðustu
áramótum hefur vísitalan lækkað um
20% en hún var þá 1.000 stig.
Mest lækkun varð í gær á gengi
hlutabréfa Icelandair Group, en þau
lækkuðu um nærri helming, eða um
48,7%.
Mest viðskipti voru í gær með hluta-
bréf Össurar, eða fyrir um 25 milljónir
króna. Var það stærsti hlutinn af við-
skiptum með hlutabréf í gær, því heild-
arviðskiptin námu um 32 milljónum
króna. Gengi bréfa Össurar lækkuðu
um 1,2% í gær.
Viðskipti með skuldabréf í gær námu
liðlega 15,7 milljörðum króna, mest
með ríkisbréf. gretar@mbl.is
Úrvalsvísitalan lækkaði
í Kauphöllinni í gær