Morgunblaðið - 17.10.2009, Blaðsíða 14
14 FréttirINNLENT
MORGUNBLAÐIÐ LAUGARDAGUR 17. OKTÓBER 2009
SKJÁR 1 fagnar
um þessar mund-
ir 10 ára afmæli
sínu og hefur í
dagskránni að
undanförnu litið
yfir farinn veg í
fylgd Dóru Take-
fusa. Ekki eru á
döfinni miklar
breytingar á
dagskránni sem
slíkri, við breytingu í áskriftarstöð.
Skjár 1 einn hefur orðið að draga
saman seglin hvað mannskap varð-
ar. Þegar mest lét störfuðu um 55
manns á stöðinni en fastir starfs-
menn í dag eru ríflega 30. Til við-
bótar eru verktakar en Skjár 1
framleiðir ekki eigið sjónvarpsefni
lengur heldur kaupir það af fram-
leiðendum, stórum sem smáum.
Eftir Björn Jóhann Björnsson
bjb@mbl.is
SKJÁR 1 verður frá miðjum nóv-
ember nk. áskriftarstöð og sent
verður út í læstri dagskrá. Und-
antekningin er tíminn frá kl 18.30 til
20 á kvöldin, þar á meðal fréttatími
Skjás 1 og Morgunblaðsins, sem
verður áfram í opinni dagskrá. End-
urtekinn fréttatími um tíuleytið gæti
orðið læstur en endanlegar ákvarð-
anir hafa ekki verið teknar um það.
Áskrift mun kosta 2.200 kr. á
mánuði en ekki verður byrjað að
innheimta áskriftargjöld fyrr en 1.
desember. Allir sem skrá sig fyrir
áskrift munu hafa aðgang að stöð-
inni án endurgjalds frá miðjum nóv-
ember til 1. desember, samkvæmt
tilkynningu frá sjónvarpsstöðinni.
Hægt verður að kaupa áskrift
bæði í gegnum Sjónvarp Símans og
Digital Ísland hjá Vodafone þannig
að ekki verður þörf á að skipta út
þeim myndlyklum sem fyrir eru á
heimilinu.
Sigríður Margrét Oddsdóttir,
framkvæmdastjóri Skjásins, segir
við Morgunblaðið að það hafi alltaf
verið fyrsti kostur stöðvarinnar að
vera með ókeypis dagskrá. En vegna
efnahagskreppunnar og útlitsins
næstu árin hafi orðið að grípa til ein-
hverra aðgerða.
Neyðarráðstöfun
Hún segir efniskostnað hafa
hækkað verulega, á sama tíma og
auglýsingamarkaðurinn hafi dregist
saman, eina tekjulind stöðvarinnar.
„Tekjurnar hafa ekki aukist og við
erum að keppa í mjög ójöfnu sam-
keppnisumhverfi. Þetta er neyð-
arráðstöfun af okkar hálfu. Íslenskt
viðskiptalíf er að ganga í gegnum
mikla uppstokkun og endurnýjun,
þar sem taka þarf alla rekstrarliði til
endurskoðunar. Við höfum farið í
gegnum allt hjá okkur og þetta er
niðurstaðan. Áskriftarverðinu er
stillt í hóf og við treystum á að geta
náð til nægjanlegra margra. Við höf-
um trú á dagskránni okkar og telj-
um okkur hafa dygga áhorfendur
sem vilja standa með okkur,“ segir
Sigríður Margrét.
Skjár 1 ekki lengur ókeypis
Fréttatími í samstarfi Skjás 1 og
Morgunblaðsins áfram í opinni dagskrá
Morgunblaðið/Kristinn
Áskrift Sigríður Margrét Oddsdóttir, framkvæmdastjóri Skjás 1, segir það
neyðarráðstöfun að taka upp áskrift. Stöðin varð að grípa til aðgerða.
MEÐ gengishruni krónunnar
breyttust skuldir sjávarútvegsfyr-
irtækja í hrein og klár skrímsli og
ekki er eðlilegt að ríkisstjórnin fari
svonefnda fyrningarleið aflaheim-
ilda í kvótakerfinu nema taka skuld-
ir fyrirtækja og einstaklinga einnig
inn í breytuna. Þetta kom fram í
máli Arthúrs Bogasonar, formanns
Landssambands smábátaeigenda, á
aðalfundi samtakanna í vikunni.
Arthúr fjallaði um svonefnda
fyrningarleið í sjávarútvegi sem nú-
verandi stjórnarflokkar hafa á
stefnuskrá sinni og ætla að innkalla
veiðiheimildir um 5% á ári frá og
með 1. september 2010.
„Þessi aðferð á að fullnægja rétt-
lætinu. Réttlæti hverra hefur hins
vegar ekki verið tíundað. Ég ætla
ekki að gera lítið úr gremju þeirra
sem hafa fylgst með oflátungshætti
þeirra sem hafa farið langt fram úr
sjálfum sér innan sjávarútvegsins
og hroka þeirra sem tala fyrir
þeirra hönd,“ sagði Arthúr sem tók
dæmi af fyrirtæki í smábátaútgerð
sem er með 100 tonna kvóta og
skuldar 100 milljónir, eftir gengis-
hrun krónunnar. Í septemberbyrjun
á næsta ári mun fyrirtækið skv.
óbreyttum aflaheimildum hafa, að
sögn Arthúrs, 95 tonna kvóta en
skulda um 105-110 milljónir. Þetta
er, segir formaðurinn, ekki til þess
fallið að efla smábátaútgerðina og
strandveiðar sem þó sé vilji sitjandi
ríkisstjórnar samkvæmt stefnu-
yfirlýsingu hennar.
sbs@mbl.is
Morgunblaðið/Skapti
Bryggjustemning Óvissa markar
útgerðina og starfsskilyrði hennar.
Skuldirnar
breyttust
í skrímsli
Smábátamenn segja
fyrningarleið hæpna
FORSETI Íslands, Ólafur Ragnar Grímsson,
heimsótti Rauðakrosshúsið við Borgartún í
Reykjavík í gær og tók meðal annars þátt í
hláturjóga.
Á hverjum föstudegi síðan í maí hefur dagskrá
vikunnar í Rauðakrosshúsinu lokið með hlátur-
jóga undir stjórn nokkurra hláturjógakennara.
Iðkendum er komið til að hlæja með ýmsum leik-
rænum og skemmtilegum aðferðum. Tíminn er
öllum opinn og ókeypis og hefur þátttakendum
fjölgað ört en um 20 til 30 manns mæta vikulega,
að sögn Sölva Péturssonar hláturjógakennara. Í
gær hló forsetinn með Sölva, Jóhönnu Kristjáns-
dóttur og Þórdísi Sigurðardóttur og skemmtu
þau sér konunglega.
Frítt hláturjóga fyrir alla í Rauðakrosshúsinu á föstudögum
Morgunblaðið/Ómar
Hlegið með forsetanum
HÉRAÐSDÓMUR Reykjavíkur sýknaði í gær þá
Jóhannes Kr. Kristjánsson, Kristinn Hrafnsson,
365 miðla og Ara Edwald af skaðabótakröfu Benja-
mín Þórs Þorgrímssonar vegna þáttarins Kompás
á Stöð 2. Er Benjamín gert að greiða þeim sem
hann stefndi 170.000 kr. hverjum í málskostnað en
hann krafðist 10 milljóna króna bóta fyrir „að vera
tekinn af lífi án dóms og laga í fjölmiðlum stefndu,“
eins og það var orðað í stefnu.
Málið snérist um lögmæti þess, að aðstanendur
Kompáss tóku á laun upp hljóð og mynd af fundi
Benjamíns og Ragnars Ólafs Magnússonar í júlí á
síðasta ári og var það liður í efnisöflun um vinnu-
brögð handrukkara.
Myndir frá fundinum voru sýndar í Kompási í
september. Þar sást Benjamín krefja Ragnar um
peningagreiðslu. Héraðsdómur segir, að ekki fari á
milli mála að Benjamín hafði í frammi hótanir við
Ragnar. Lauk samtalinu með því að Benjamín
gekk í skrokk á Ragnari og hætti ekki fyrr en þeir
Kristinn og Jóhannes Kr. óku á vettvang.
Staðinn að alvarlegu lögbroti
Héraðsdómur segir í niðurstöðu sinni, að við
upptökuna hafi Benjamín verið staðinn að alvar-
legu lögbroti. Við slíkar aðstæður geti dómurinn
ekki fallist á að sú vernd, sem 71. gr. stjórnarskrár-
innar um friðhelgi einkalífsins tryggi honum skjól
fyrir umfjöllun fjölmiðla. „Mestu skiptir hins vegar
að upptakan, og síðar birting hennar, var raunsönn
lýsing á samfélagsmeini, þar sem leikreglur sam-
félagsins eru þverbrotnar og uppgjör mála knúin
fram með líkamlegu ofbeldi eða hótunum um slíkt
eða aðrar ófarir,“ segir í niðurstöðu dómsins. Og
einnig: „Þótt aðalefni myndskeiðsins og umfjöllunar
stefndu hafi verið hinar ólögmætu starfsaðferðir
stefnanda, verður að telja að birting myndar af hon-
um hafi, eins og hér háttaði til, ekki falið í sér brot
gegn rétti stefnanda til eigin myndar. Að áliti dóms-
ins hafði almenningur augljósa hagsmuni af því að
þekkja stefnanda og starfsaðferðir hans, og mun
meiri en stefnandi af því að upptakan yrði ekki birt.
Jafnframt er það álit dómsins að umfjöllun stefndu
um stefnanda hafi í umrætt sinn bæði verið mál-
efnaleg og byggð á staðreyndum.“
Augljósir hagsmunir almenn-
ings að þekkja Benjamín Þór
Kompás sýknaður af skaðabótakröfu Benjamíns Þórs Þorgrímssonar
Skjár 1 tíu ára og
starfsmenn urðu 55
þegar mest lét
S1 Stöðin fór í loft-
ið fyrir tíu árum.