Morgunblaðið - 17.10.2009, Blaðsíða 19

Fréttir 19VIÐSKIPTI | ATVINNULÍF
MORGUNBLAÐIÐ LAUGARDAGUR 17. OKTÓBER 2009
Eftir Björgvin Guðmundsson
bjorgvin@mbl.is
„ÞAÐ eru tvær meginástæður fyrir
því að við teljum að endurheimtuhlut-
fall á skuldabréfum Kaupþings verði
hærra en lesa má út úr reikningum
skilanefndar bankans. Í fyrsta lagi
reiknum við með að Kaupþing fái
meira greitt til baka af lánum sem
veitt voru. Einnig gerum við ráð fyrir
að dulin eign felist í danska bank-
anum FIH, sem Kaupþing á. Við
verðmetum FIH töluvert hærra en
skilanefndin,“ segir Ómar Sigtryggs-
son, framkvæmdastjóri markaðs-
viðskipta hjá Saga Capital.
Samkvæmt nýrri greiningu Saga
Capital, sem unnin var í samstarfi við
IFS ráðgjöf, kemur fram að þeir sem
eiga skuldabréf Kaupþings megi
reikna með að fá tæplega 35% af
verðmæti þeirra greidd til baka.
Nú um stundir fara fram viðskipti
með skuldabréf Kaupþings sem mið-
ast við 24% endurheimtuhlutfall. Það
er í samræmi við útreikninga sem
byggjast á reikningum Kaupþings og
skilanefndin hefur lagt fram.
Tími til að vinna úr eignum
Í greiningu frá Saga Capital kemur
fram að skilanefndin hefur svigrúm til
að halda eignum í stað þess að selja
þær strax. Það geri það að verkum að
hægt sé að viðhalda verðmætum eða
endurskipuleggja eignir á þann hátt
að þær skili tekjum.
Einnig er tekið tillit til þess í grein-
ingunni að ástandið á erlendum
mörkuðum hefur skánað mikið frá því
í byrjun árs. Hlutabréfavísitölur hafi
hækkað frá sínu lægsta gildi í mars
síðastliðnum. Það auki líkur á að verð-
mæti bréfa í eigu Kaupþings eða bréf
sem voru lögð fram sem trygging fyr-
ir lánum sé meira en skilanefndin ger-
ir ráð fyrir.
Þeir sem miðla skuldabréfum
gömlu bankanna segja verð þeirra
ekki hafa breyst mikið undanfarna
daga. Landsbankinn tilkynnti efni
samkomulags um uppgjör milli gamla
og nýja bankans. Þá tilkynnti skila-
nefnd Glitnis að kröfuhafar myndu
eignast 95% í þeim banka.
Nú er gert ráð fyrir að endur-
heimtuhlutfall af skuldabréfum
Landsbankans sé um 5,5% og um 24%
af bréfum Glitnis.
Morgunblaðið/Kristinn
Kröfuhafar Nú er veðjað um end-
urheimtur á kröfum á Kaupþing.
Reikna með betri
endurheimtum
Skuldabréf Kaupþings talin verðmætari
FRÉTTASKÝRING
Eftir Þórð Snæ Júlíusson
thordur@mbl.is
ALLT hlutafé í Atorku Group verður fært
niður og kröfuhafar félagsins munu eignast
það að fullu, samkvæmt heimildum Morgun-
blaðsins.
Stjórn Atorku hefur boðað til hluthafafund-
ar næsta miðvikudag, 21. október, þar sem
drög að nauðasamningi verða kynnt hluthöf-
um.
Þar verður einnig tilkynnt hver afstaða
kröfuhafa félagsins til samninganna er. Á
meðal stærstu kröfuhafa Atorku eru Nýi
Landsbankinn (NBI) og skilanefnd Glitnis.
Verið að fara yfir drögin
Heimildir Morgunblaðsins herma að
stærstu kröfuhafar Atorku séu að fara yfir
drög að nauðasamningunum um þessar mund-
ir og hafi enn ekki tekið afstöðu til þess hvort
þeir samþykki þá. Ef það samþykki fæst ekki
mun Atorka að öllum líkindum óska eftir að
verða tekin til gjaldþrotaskipta en áframhald-
andi heimild félagsins til greiðslustöðvunar
rennur út 30. október næstkomandi.
Drögin að nauðasamningum Atorku fela í
sér töluverðar afskriftir á skuldum félagsins.
Sú vinnuregla hefur verið viðhöfð hjá skila-
nefndunum í þeirri endurskipulagningu sem
átt hefur sér stað eftir bankahrun að áður en
skuldir eru afskrifaðar með þessum hætti er
allt hlutafé afskrifað.
KPMG og PWC unnu verðmat á eignum
Atorka hefur verið í fjárhagslegri endur-
skipulagningu um margra mánaða skeið í
samvinnu við kröfuhafa sína. KPMG í London
var fengið til að vinna verðmat á Promens,
sem er stærsta einstaka fjárfesting Atorku.
Morgunblaðið greindi frá því í maí að eign-
arhlutur Atorku í fyrirtækinu væri nánast
verðlaus samkvæmt mati KPMG.
Í tilkynningu frá Atorku á þeim tíma kom
fram að mat KPMG væri „frábrugðið“ mati
stjórnar og stjórnenda Atorku á virði Prom-
ens. Því leitaði stjórn Atorku til PriceWater-
houseCoopers í Danmörku til að gera verðmat
á öllum eignum Atorku. Auk Promens er ein
helsta fjárfesting Atorku 41% hlutur í Geysi
Green Energy (GGE). Kröfuhafar Atorku
hafa þegar sest í stjórn GGE í krafti þess
eignarhlutar. Magnús Jónsson, sem hefur ver-
ið forstjóri Atorku, lét af störfum hjá félaginu
í lok september og enginn var ráðinn í stað
hans.
Hlutafé í Atorku fært niður
 Kröfuhafar Atorku munu eignast félagið að fullu ef nauðasamningar verða samþykktir  Verða
kynntir á hluthafafundi á miðvikudag  Ef samningunum verður hafnað fer félagið í gjaldþrot
Atorka Group Afstaða kröfuhafa til nauða-
samninganna mun liggja fyrir í næstu viku.
ÞROTABÚ Samsonar ehf. hefur
höfðað mál gegn Nýja Kaupþingi
vegna innstæðu sem bankinn tók
upp í fimm milljarða króna skuld
Samsonar við bankann. Fyrirtaka
var í málinu í Héraðsdómi Reykja-
víkur í gær.
Að sögn Helga Birgissonar,
skiptastjóra þrotabúsins, taldi
bankinn sig geta haldið eftir inn-
stæðunni til skuldajafnaðar vegna
kröfu sinnar á hendur Samson.
Bankinn notaði innstæðuna á reikn-
ingum þrotabúsins til að lækka
skuld Samsonar, sem nemur í dag
um fimm milljörðum króna.
Um er að ræða útistandandi
kröfu vegna láns sem Samson fékk
hjá Búnaðarbankanum til að fjár-
magna þriðjung kaupverðs Lands-
bankans vorið 2003, eftir einkavæð-
ingu. Lánið hefur ekki verið greitt,
en það fluttist til Kaupþings eftir
sameiningu bankanna tveggja og
loks til Nýja Kaupþings eftir hrun.
Eins og Morgunblaðið hefur
greint frá var það Halldór J. Krist-
jánsson, fyrrverandi bankastjóri
Landsbankans, sem óskaði eftir
lánveitingu hjá Búnaðarbankanum
til Samsonar, sem var þá eignar-
haldsfélag Björgólfsfeðga og
Magnúsar Þorsteinssonar.
thorbjorn@mbl.is
Bú Samsonar deilir við
Kaupþing um innstæðu
Dagskrá
13:00 Orkuforði og endurnýjanleiki jarðhitakerfa
Ólafur G. Flóvenz, forstjóri ÍSOR – Íslenskra orkurannsókna
13:25 Sjálfbær nýting jarðhitakerfa
Guðni Axelsson, deildarstjóri, ÍSOR
13:50 Sjálfbær nýting á Íslandi:
Lághitasvæði Reykjavíkur - sjálfbær vinnsla í 80 ár
Gretar Ívarsson, jarðfræðingur, Orkuveitu Reykjavíkur
Svartsengi – farsæl orkuframleiðsla í 30 ár
Albert Albertsson, aðstoðarforstjóri, HS Orku
Krafla – 30 ára barátta við náttúruöflin
Bjarni Pálsson, verkefnisstjóri, Landsvirkjun Power
15:00 Umræður
15:30 Fundarlok og kaffiveitingar
Fundarstjóri: Guðni A. Jóhannesson, orkumálastjóri
Fundurinn er öllum opinn og aðgangur ókeypis, en nauðsynlegt
er að skrá þátttöku í síma 588 4430 eða með tölvupósti til
the@samorka.is
Opinn fundur, Hvammi, Grand Hótel Reykjavík
miðvikudaginn 21. október
Sjálfbær nýting
jarðhitans
Gretar
Ívarsson
Ólafur G.
Flóvenz
Guðni
Axelsson
Albert
Albertsson
Bjarni Pálsson Guðni A.
Jóhannesson
JARÐHITAFÉLAG
ÍSLANDS