Morgunblaðið - 17.10.2009, Síða 43
Menning 43FRÉTTIR
MORGUNBLAÐIÐ LAUGARDAGUR 17. OKTÓBER 2009
Morgunblaðið/Ómar
Óttastu eigi Verk Marteins H. Friðrikssonar verður frumflutt næstu helgi.
Eftir Bergþóru Jónsdóttur
begga@mbl.is
TÓNLISTARDAGAR Dómkirkj-
unnar hefjast í dag í 28. sinn undir
kjörorðinu Soli Deo Gloria, setning-
unni sem Jóhann Sebastian Bach
skrifaði við mörg verka sinna og
þýðir Guði einum til dýrðar.
Marteinn H. Friðriksson dóm-
organisti hefur stýrt Tónlistardög-
unum frá upphafi; hann varð sjö-
tugur í vor og er þetta í síðasta sinn
sem hann sér um þá. Fjöldi tónlist-
armanna vildi heiðra Martein sjö-
tugan, og ber dagskráin þess vott,
með óvenju mörgum tónleikum.
Sú hefð hefur skapast að tón-
skáld hafi verið beðin um að semja
verk sérstaklega fyrir Tónlist-
ardagana en í ár er nýja verkið eftir
Martein sjálfan og verður frumflutt
á tónleikum næstu helgi.
Óttastu eigi
„Ég ákvað að nú yrði fólk að láta
sig hafa það að hlusta á verk eftir
mig,“ segir Marteinn og hlær.
„Þetta er átta radda kórverk og
heitir Óttastu eigi, eftir orðum Jes-
aja spámanns. Þau orð hafa fylgt
mér lengi í lífi og starfi og mér þyk-
ir mjög vænt um þau.“
Marteinn kveðst spenntur að sjá
hvernig tónleikagestir taki verkinu.
„Í nútímatónlist er engin ein stefna
ráðandi. Ég passaði upp á að verkið
væri lagrænt, en hljómanotkunin er
ekki eins og í gamla daga og ég er
ófeiminn við að skrifa eitthvað sem
er stundum ómstrítt. Samt er verk-
ið aðgengilegt og byggist fyrst og
fremst á laglínum sem fylgja text-
anum. Tveir kórar syngjast á og
verkið er glaðlegt. Ég held að það
verði auðvelt að hlusta á það.“
Tónlistardagar Dómkirkjunnar hefjast í dag
Ófeiminn við ómstríður
BÓKASAFNIÐ í
Hveragerði og
Listasafn Árnes-
inga efna til
menningargöngu
um Hveragerði á
morgun kl. 13
undir yfirskrift-
inni Heitir þræðir í Hveragerði. Gangan hefst
við Hverasvæðið í gestamóttökunni og lýkur í
Listasafninu með spjalli um yfirstandandi sýn-
ingar Þræddir þræðir og Einu sinni er. Í göng-
unni verður staðnæmst við fjóra staði sem hafa
menningarsögulegt gildi fyrir bæinn og þar
verður þráður sögunnar rakinn með ýmsum
flækjum til dagsins í dag.
Menning
Menningarganga
í Hveragerði
Hveragerði
HÁTÍÐARMESSA að
hætti Grallarans, eða Gra-
duale, frá 1594, verður
sungin í Langholtskirkju í
fyrramálið. Tilefnið er 25
ára vígsluafmæli kirkj-
unnar, sem helguð er Guð-
brandi biskupi Þorlákssyni.
Fylgt verður texta úr Guð-
brandsbiblíu frá 1584 og
einnig verður sunginn
sálmur úr sálmabók Guðbrands frá 1589. Kl.
10 verður opnuð sýning á Guðbrandsbiblíu frá
Hólum, Grallara frá Skálholti og hebreskri
biblíu áritaðri af Guðbrandi. Messan er sungin
bæði á íslensku og latínu.
Sagnfræði
Messað að Grall-
arasið í Langholti
Langholtskirkja
GUÐMUNDUR Stein-
grímsson verður áttræður
hinn 19. október. Af því til-
efni og vegna útkomu bók-
arinnar Papa Jazz verður
útgáfuhátíð í Tjarnarsal
Ráðhúss Reykjavíkur kl.
15-17 sunnudaginn 18. okt.
Þar verða djasstónleikar
þar sem fram koma auk
Guðmundar Árni Ísleifsson
píanóleikari, Bjarni Sveinbjörnsson bassaleik-
ari, Björn Thoroddsen gítarleikari, Carl Möll-
er píanóleikari, Ólafur Gaukur gítarleikari,
Svanhildur Jakobsdóttir söngkona, Vigdís Ás-
geirsdóttir söngkona og fleiri.
Tónlist
Afmælistónleikar
„Papa Jazz“
Guðmundur
Steingrímsson
RITHÖFUNDASETRIN
Gljúfrasteinn og Skriðu-
klaustur stíga nú fyrstu
skrefin í samstarfi sín á
milli og efna til tónleika á
Gljúfrasteini í dag kl. 16.
Þar flytja söngkonan Liv
Skrudland og sellóleikarinn
Karin Nielsen norsk og ís-
lensk lög Listamennirnir
eru frá Norður-Noregi og
hafa að undanförnu dvalist í gestaíbúðinni
Klaustrinu á Skriðuklaustri og er dvölin hluti
af samstarfi menningarráðanna í Vesterålen
og á Austurlandi. Aðgangseyrir er 500 krónur
og allir velkomnir.
Tónlist
Norskir listamenn
á Gljúfrasteini
Gljúfrasteinn
HEIÐRÍKJA klassíska tímans verður við völd í Kammermúsíkklúbbnum í
Bústaðakirkju á sunnudagskvöld kl. 20. Þar verða góðkunningjar klúbbsins í
stafni, fiðluleikararnir Sigrún Eðvaldsdóttir og Zbigniew Dubik, Helga Þór-
arinsdóttir víóluleikari og Bryndís Halla Gylfadóttir sellóleikari. Verkin eru
eftir þrjá mestu jöfra klassíkurinnar, Strengjakvartett í G-dúr op.77 nr.1 eft-
ir Josef Haydn, Strengjakvartett í d-moll K421 eftir Wolfgang Amadeus
Mozart og Strengjakvartett í A-dúr op.18 nr. 5 eftir Ludwig van Beethoven.
Klassík í Kammer-
músíkklúbbnum
DAGSKRÁ helguð Höllu Eyjólfsdóttur skáldi
verður í Gerðubergi á morgun frá kl. 14 - 16. Til-
efni óðsins til Höllu er opnun sýningarinnar Svan-
urinn minn syngur. Líf og ljóð skáldkonunnar
Höllu Eyjólfsdóttur. Guðfinna M. Hreiðarsdóttir,
sagnfræðingur, á heiðurinn af sýningunni.
Gefin verður innsýn í þau yrkisefni sem voru
skáldkonunni hugleiknust – ástina, náttúruna og
sorgina. Listrænt samstarf Höllu við tónskáldið
Sigvalda Kaldalóns fær sérstakan sess þar sem
söngvararnir Nathalía Druzin Halldórsdóttir,
mezzósópran og Gissur Páll Gissurarson, tenór,
flytja ásamt Nínu Margréti Grímsdóttur, píanó-
leikara, úrval þeirra sönglaga Sigvalda sem samin
voru við ljóð Höllu s.s. Svanurinn minn syngur,
Maríubæn og Ég lít í anda liðna tíð.
Svanurinn minn syngur
Halla Eyjólfsdóttir
Á fyrstu tónleikum Tónlistardaga
Dómkirkjunnar, í dag kl. 17, flytja
Kór Neskirkju og Steingrímur
Þórhallsson stjórnandi hans af-
mælisgjöf sína til Marteins, m.a.
nýtt verk eftir Steingrím.
Stærstu tónleikar Dómkórsins
á Tónlistardögum verða í Hall-
grímskirkju 15. nóvember kl. 17,
þar sem kórinn flytur verk eftir
tvo jöfra rómantíkurinnar, Messu
í D-dúr eftir Antonin Dvorák fyrir
einsöngvara, kór og orgel og
einnig mótettuna Fest- und
Gedenksprüche eftir Jóhannes
Brahms. Flytjendur auk kórsins
verða: Þóra Einarsdóttir sópran,
Sesselja Kristjánsdóttir alt,
Gissur Páll Gissurarson tenór,
Ágúst Ólafsson bassi og Guðný
Einarsdóttir orgelleikari. Stjórn-
andi er að sjálfsögðu Marteinn
H. Friðriksson. Það kostar 1500
krónur á þessa tónleika, en ann-
ars er aðgangur ókeypis á alla
aðra tónleika Tónlistardaganna.
Nánari upplýsingar um tón-
leika er að finna á vef Dómkirkj-
unnar.
Dómkórinn syngur Brahms og Dvorák
domkirkjan.is
Rau›arárstígur 14, sími 551 0400 · www.myndlist.is
Opið virka daga 10–18, laugardaga kl. 11–16 og sunnudaga kl. 14–16
Hafmeyjan
sýning á verkum
Nínu Sæmundsson
Gallerí Fold · þekkt fyrir trausta þjónustu
17. október – 1. nóvember
17. október – 1. nóvember
Á sýningunni er m.a. fyrirmynd hafmeyjunnar
sem sprengd var í loft upp á nýársnótt 1960. Hús:Heimili
Lilja Kristjánsdóttir & Ingunn Jónsdóttir
Ef breytan „fólk“ er tekin út, hvað gerir þá hús að heimili
og hvenær hættir hús að vera heimili?
Ljósmyndasýning
Sýningarnar opna kl. 15
laugardaginn 17. október