Morgunblaðið - 24.10.2009, Blaðsíða 8

8 FréttirINNLENT
MORGUNBLAÐIÐ LAUGARDAGUR 24. OKTÓBER 2009
af öllum einstökum þvottavélum,
þurrkurum og uppþvottavélum
HÁSKÓLINN á Akureyri mun á
næstu vorönn bjóða upp á námskeið
um kynbundið ofbeldi. Námskeiðið
er öllum opið og er metið til 10
ECTS-eininga ef nemendur skila
verkefnum. Námið hentar þeim
sem starfa við heilbrigðisþjónustu,
félagsþjónustu, skólakerfi, lög-
gæslu og dómskerfi. Kennt verður
á Akureyri og í fjarnámi á Ísafirði,
Selfossi, Egilsstöðum og Hafn-
arfirði. Í tengslum við námskeiðið
verður ráðstefna um kynbundið
ofbeldi í Háskólanum á Akureyri
hinn 16. apríl nk. undir heitinu
„Þögul þjáning: Kynbundið ofbeldi
og ill meðferð“.
Námskeið um
kynbundið ofbeldi
STJÓRN Læknafélags Íslands lýsir
yfir þungum áhyggjum af þeim
niðurskurði til heilbrigðismála sem
boðaður hefur verið í fjárlagafrum-
varpi næsta árs, en niðurskurð-
urinn er af þeirri stærðargráðu að
skerðing á þjónustu við sjúklinga er
óhjákvæmileg, segir í ályktun.
Fyrirhugaður niðurskurður mun
bitna á heilsufari fjölda einstakl-
inga og hafa neikvæð áhrif á fram-
lag þeirra til þjóðarbúsins. Stjórn
Læknafélagsins skorar á Alþingi og
ríkisstjórn Íslands að standa vörð
um heilbrigðisþjónustuna. Slíkt
hafi aldrei verið mikilvægara en nú
þegar afleiðingar efnahagshruns
leggjast með ofurþunga á lands-
menn.
Að standa vörð um
heilbrigðiskerfið
LAGT var hald á nokkur dekk á
felgum í Árbæ í fyrradag. Dekkin
höfðu verið auglýst til sölu á netinu
en talið er að þeim hafi verið stolið.
Maður á þrítugsaldri var yfirheyrð-
ur í tengslum við rannsóknina en
hann sagðist hafa fundið dekkin
nýlega í öðru hverfi og slegið eign
sinni á þau. Réttmætur eigandi
dekkjanna getur vitjað þeirra hjá
lögreglunni. Lögreglan vill einnig
vekja athygli á ábyrgð þeirra sem
kaupa þýfi, en við því liggja sektir
eða fangelsi allt að tveimur árum.
Sé brotið stórfellt getur refsing
orðið allt að fjórum árum.
Þýfi fannst
Í TILEFNI af Breiðholtsdögum
stendur Félagsstarfið í Breiðholti
fyrir almenningshlaupi í dag til
styrktar Grensásdeild. Lagt verður
af stað frá Breiðholtslaug kl. 13:00.
Hlaupaleiðirnar eru vel merktar og
eru þær 1,8 km og 4 km en þó er
mest um vert að hlaupa eða ganga
eftir eigin getu. Skráningargjald er
1.000 kr. og renna áheit óskipt til
Grensásdeildar. Nemendur íþrótta-
fræðisviðs Háskólans í Reykjavík
hafa yfirumsjón með framkvæmd
hlaupsins og íþróttafélögin Leiknir
og ÍR sjá um brautavörslu. Eftir
hlaupið verður svo boðið upp á
hressingu í Félagsstarfinu í Gerðu-
bergi.
Almenningshlaup
STUTT
Er enn möguleiki á álveri Alcoa
á Bakka við Húsavík?
Forsvarsmenn Alcoa og Norður-
þings hafa opinberlega frá því
greint að enn sé mikill áhugi, af
hálfu beggja, á því að reisa álver á
Bakka við Húsavík. Möguleikinn á
því að það rísi er því enn fyrir
hendi. Alcoa mun áfram vinna að
undirbúningi þess að álverið rísi.
Þar á meðal eru þættir er tengjast
umhverfismati og frekari hag-
kvæmniathugun á því að reisa ál-
verið. Ekki er útilokað að Norður-
þing og Alcoa setji samstarf sín á
milli í formlegan farveg.
S&S
FRÉTTASKÝRING
Eftir Magnús Halldórsson
magnush@mbl.is
VILJAYFIRLÝSING stjórnvalda,
Norðurþings, Skútustaðahrepps og
Þingeyjarsveitar um orkuöflun, sem
undirrituð var sl. fimmtudag, mark-
ar tímamót að því leyti að tímasett
áætlun um að skrifa undir samninga
við orkukaupanda er nú skjalfest. Í
viljayfirlýsingunni segir orðrétt:
„Með viljayfirlýsingu þessari er
stefnt að því að skapa þær aðstæður
að þann 1. október 2010 verði allri
nauðsynlegri forvinnu lokið þannig
að unnt verði að ganga til samninga
við stóran orkukaupanda / orku-
kaupendur um uppbyggingu orku-
freks iðnaðar í Þingeyjarsýslum.“
Vonir standa því til þess, ekki síst
Þingeyjarsýslu, að nú „eigi eitthvað
að fara gerast“ eins og einn viðmæl-
enda Morgunblaðsins orðaði það.
Norðurþing kostað miklu til
Norðurþing, ekki síst í gegnum
Orkuveitu Húsavíkur, hefur kostað
miklu til vegna undirbúnings fyrir
fyrirhugað álver á Bakka. Vilja-
yfirlýsing stjórnvalda, Alcoa og
Norðurþings var þar grundvöllur
fyrir undirbúningnum. Frá því árið
2006 hefur verið unnið að fyrirhug-
uðu álveri Alcoa á Bakka við Húsa-
vík. Mikilvægasti þáttur þeirrar
vinnu hefur verið rannsóknir og bor-
anir á háhitasvæðunum við Þeista-
reyki. Eignarhaldsfélagið Þeista-
reykir hefur rétt til orkurannsókna
á Þeistareykjasvæðinu og hafa þeg-
ar verið boraðar sex holur á svæð-
inu. Þær hafa allar gefið góða raun
og er talið a.m.k. 140 megavött af
raforku séu virkjanleg á svæðinu.
Þrjár borholur til viðbótar verða
boraðar næsta sumar, skv. vilja-
yfirlýsingunni sem skrifað var undir
á fimmtudag. Ljóst er því að mikil
virkjanleg orka er á svæðinu.
Eigendur Þeistareykja ehf. eru
Norðurorka, Landsvirkjun og Norð-
urþing með 32 prósenta hlut hver og
Þingeyjarsveit með 4 prósenta hlut.
Viðræður hafa staðið yfir að und-
anförnu um mögulega sölu á hlut
Norðurorku í félaginu og hefur
Landsvirkjun helst komið til greina
í þeim efnum. Kostnaður vegna
þessara verkefna hefur verið nokk-
ur. Gengisfall krónunnar hefur haft
sitt að segja fyrir Þeistareyki og er
ljóst að félagið þarf á endur-
fjármögnun að halda auk end-
urskipulagningar.
Viljayfirlýsingin snýst meðal ann-
ars um að stofna sérstakt félag um
orkurannsóknir til að ljúka rann-
sóknum á háhitasvæðunum. Gert er
ráð fyrir að hluthafar félagsins verði
lífeyrissjóðir, aðrir fagfjárfestar,
Landsvirkjun, iðnfyrirtæki og
mögulega sveitarfélögin á svæðinu,
þ.e. þau sem eiga aðild að vilja-
yfirlýsingunni. Gert er ráð fyrir að
hlutabréf í félaginu geti gengið
kaupum og sölum. Viljayfirlýsingin
er ekki skilyrt við einn iðnað um-
fram annan.
Morgunblaðið/Hafþór
Skrifað undir Katrín Júlíusdóttir iðnaðarráðherra skrifar undir viljayfirlýsinguna ásamt sveitarstjórum.
Viljayfirlýsing um að nú
eigi eitthvað að gerast
Stjórnvöld og sveitarfélög í Þing-
eyjarsýslu stefna að því að klára
rannsóknir á Þeistareykjum á
næsta ári. Að því loknu ættu hjól-
in að fara snúast og atvinnu-
uppbygging að hefjast.
Viljayfirlýsing um orkunýtingu í Þingeyjarsýslu eykur vonir um uppbyggingu