Saga - 1994, Qupperneq 235

VETURLIÐIÓSKARSSON
Skírnarsár Thorvaldsens
í þýskri kirkju í Róm
I stórborgum úti um heim eru víða kirkjur og kapellur sem erlendir
söfnuðir hafa reist trú sinni og hlýða þar á messu á eigin tungu. Við
Toscanagötu 7 í Róm er slík kirkja, þýska mótmælendakirkjan, byggð
á árunum eftir 1911. Aldrei hefur sá sem þetta skrifar komið í þá
kirkju og varla margir íslendingar yfirleitt. Fátt gæti talist í frásögur
ferandi um þessa byggingu í íslenskt tímarit ef ekki væri í einu horn-
lnu kirkjulegt þing nokkurt sem koma mundi íslenskum gestum hressi-
*ega á óvart. Þetta er skírnarfontur, ferstrendur stöpull úr brenndum
■eir. Hann sýnir að framan Jóhannes skírara ausa Jesú vatni við ána
Jórdan, þar til hægri er mynd af Maríu sitjandi með Jesú í kjöltu sér og
drenginn Jóhannes fyrir framan, næst er Kristur sitjandi hjá tveim
börnum og loks svífa á fjórðu hliðinni þrjú englabörn. Ofan á fontinum
er blómakrans. Undir myndinni af englunum þremur er áletrun og ef
lýsingin hefur ekki vakið þjóðlegar hugrenningar hjá einhverjum lesar-
anum má vera að áletrunin geri það:
OPVS HOC ROMAE FECIT
ETISLANDIAE
TERRAE SIBI GENTILICIAE
PIETATIS CAVSA DONAVIT
ALBERTVS THORVALDSEN
A MDCCCXXVII
Jú, hér er kominn skírnarsár sem að frátöldu efninu er í einu og öllu
eins og skírnarsárinn sem Bertel Thorvaldsen gaf Islandi og var vígð-
Ur í Dómkirkjunni í Reykjavík 14. júlí 1839. Reykjavíkursárinn, sem er
Ur gegnheilum marmara, er nú ein af höfuðgersemum Dómkirkjunnar
°8 stendur þar fyrir miðju altari. Jónas Hallgrímsson lýsti þessum
SaGa, tímarit Sögufélags XXXII - 1994, bls. 233-244