Saga - 1999, Qupperneq 90

88
GUÐMUNDUR J. GUÐMUNDSSON
sáttasemjari eða að hann tilnefndi einhvern. Einnig þótti freistandi
að vísa málinu til Nató, jafnvel einhliða, og láta önnur Nató-ríki
þrýsta á Islendinga. Bretum fannst ekki eins fýsilegt og áður að
leggja máhð fyrir Alþjóðadómstólinn því grunur lék á að ýmsir
dómarar í honum væru farnir að snúast á sveif með þjóðum sem
kröfðust 12 mílna fiskveiðilögsögu.94 Bretar bjuggu sig líka undir
harðvítugt áróðursstríð. Þar ætluðu þeir að byggja upp fjölmiðla-
þrýsting á Islendinga með því að sýna fram á að þeir hefðu alltaf
verið tilbúnir til samninga og sýnt sérstöðu íslendinga skilning-
Engin bjartsýni var þó ríkjandi hvað þetta varðaði. Ýmsir höfðu
áhyggjur af almenningsálitinu í heiminum og töldu htla von til að
þeir fengju góðan hljómgrunn fyrir málstað sinn. Bent var á að
Sovétríkin hefðu fært út fiskveiðilögsögu sína en Bretar legðu ekki
í átök við þau heldur réðust á Island. Akveðið var að skipuleggja
fréttaleka frá samingaviðræðunum ef í Ijós kæmi að íslendingar
ynnu ekki af heihndum.95
A meðan vann íslenska sendiráðið ötullega að því að kynna
málstað Islands í Bretlandi og mæddi það einkum á Hannesi Jóns-
syni.96 Kristinn Guðmundsson sendiherra segir frá því í starfsyfir-
hti sendiráðsins í London fyrir árið 1959 að starfslið þess hafi ver-
ið í stöðugu sambandi við fréttamenn og haldið fundi með þeim-
Hann telur að sendiráðinu hafi með þeim gögnum sem gefin voru
út af íslenskum stjórnvöldum tekist að draga úr þeim æsingi sem
í fyrstu einkenndi skrif breskra blaða um málið. Hann fullyrðir að
bresk stjórnvöld hafi haft tilbúna áróðursáætlun og eftir að átökin
hófust hafi ráðuneytin og samtök togarareigenda hamrað á þvl
við fjölmiðla að Islendingar væru að brjóta alþjóðalög. í móttöku
sem sendiráðið hélt fyrir blaðamenn þegar nokkuð var liðið á árið
hefði Barnett, blaðamaður frá Economist, hins vegar haft á orði að
togaraeigendur og stjórnvöld hefðu dregið fjölmiðla á asnaeyrun-
um í málinu og Chanter frá Daily Telegraph og Thomas frá Daily
Mail tekið í sama streng.97 Því er óvíst hvort bresk stjómvöld hefðu
haft erindi sem erfiði í áróðursstríðinu.
94 PRO FO 371 151679 1351/146.
95 PRO FO 371 151679 1351/145.
96 Hannes Jónsson, Sendiherra á sagnabekk, bls. 99.
97 ÞÍ. Utanríkisráðuneyti 5.A. 3a (þetta númer er ekki á skjalaskrá). Auk
kynningarstarfsemi sendiráðsins réð utanríkisráðuneytið breskan blaða-