Saga - 1999, Blaðsíða 96

94
GUÐMUNDUR J. GUÐMUNDSSON
Macmillan mat stöðuna svo að stjórnina skorti ekki vilja heldur
hefði hún ekki umboð til samninga. Einnig kemur fram að hann
telur Ólaf ekki myndu hika við að draga Bandaríkjamenn inn
í málið. Macmillan er þó á því að Ólafur muni koma til móts
við bresku stjórnina með einhverjum hætti. Bretar þurfi að meta
hversu langt sé hægt að ganga án þess að viðreisnarstjómin falli.111
Ekki fannst Guðmundi í. Guðmundssyni mikið til fundarins
koma. í skjölum hans er að finna minnispunkta sem hann hefur
sett á blað undir fyrirsögninni „Frásögn". Þar rekur hann atburða-
rás fundarins og frásögn Morgunblaðsins og endar síðan með eftir-
farandi lýsingu á matseðli dagsins og viðræðum ráðherranna.
Hádegisverður á Keflavíkurflugvelh 25. september 1960.
Steikt rauðsprettuflök. Rínarvín. Macmillan skýrir sjónar-
mið sín í sumum flóknustu vandamálum veraldarinnar.
Steiktur lambahryggur. Rauðvín. Ólafur Thors skýrir hvers
vegna íslendingar færi fiskveiðilögsögu sína í 12 mílur.
Macmillan skýrir hvers vegna Bretar séu á móti útfærslu.
Kaffi. Koníak. Landhelgismálið leyst án þess að ræða ein-
stök efnisatriði málsins. Viðstaða Macmillans á Keflavíkur-
flugvelli lVz klst.112
Eftir leiðtogafundinn hleypti viðreisnarstjórnin loks í sig kjarki og
tók ákvörðun um að hefja viðræður fyrir alvöm. Að öðru leyti var
þessi fundur hreint ekki sá tímamótaviðburður sem talið hefur
verið og það er fjarri öllu lagi að Ólafur hafi unnið Macmillan til
skilnings á stöðu íslendinga. Bretar gerðu sér fulla grein fyrh'
stöðu mála fyrir fundinn og þurftu ekki frekari skýringa við. Þeir
voru og löngu búnir að gefa nægilega mikið eftir til að hægt vaeri
að hefja viðræður. Það þurfti einungis að taka af skarið og ákveða
hvenær þær ættu að hefjast og þar stóð á íslendingum en ekki
Bretum.
Fyrsta viðræðulotan
Fyrsti samningafundurinn hófst 1. október 1960 í Reykjavík
og þangað mætti bresk sendinefnd undir forystu Sir Patricks
111 PRO FO 371 151682 1351/172.
112 Einkaskjöl. G.Í.G. skjöl. Ljósrit af minnisblaði.