Saga - 1999, Side 222

220
ANDMÆLI OG ATHUGASEMDIR
hærri síðara árið en það fyrra. Þetta getur að vonum ekki verið rétt
en súlan á myndritinu segir reyndar „Þurrfiskur (og annað)". Það
hefði átt að vekja grunsemdir lesanda um að þetta „annað" vægi
upp mismuninn á þurrfiskmagninu eins og hann hefði komist að
ef hann hefði flett upp í heimild myndritsins, töflu 7 í Töfluvið-
auka. Það sem segir í texta ritsins er því rétt en athugasemd rit-
dómara sýnir að betra hefði verið í textanum að vísa til töflunnnar
beint heldur en myndritsins eins og gert er.
Þá segir Friðrik í ritdómnum ekki rétt að „skreiðarverkun hafi
liðið að mestu undir lok um miðja 19. öld" (bls. 310 í Sögu). Það er
von að ritdómari finni að þessu því það væri ofmælt enda er þetta
hvorki fullyrt í ritinu á þeim stað sem Friðrik bendir á né annars
staðar. Hann vísar reyndar ekki til blaðsíðu en segir þessa fullyrð-
ingu vera í kaflanum „Horft um öxl" í 2. bindi og þá hlýtur hann
að eiga við þessa setningu á bls. 311: „Hin aldagamla skreiðar-
verkun dó jafnframt að mestu leyti út á seinni helmingi [19.] ald-
arinnar." Hér þykist ég ekkert fullyrða um skör fram þótt lítið se
vitað um innanlandsviðskipti á skreið en hér var líka fremur átt
við skreiðarverkun til útflutnings. Að síðustu vill ritdómari skrifa
íbúa Vestmannaeyja án a-sins gagnstætt okkur Valdimari (bls. 310
í Sögu) en orðabók Menningarsjóðs (Arna Böðvarssonar) og fleirl
orðabækur segja Vestmannaeyinga vera réttan rithátt.
Friðrik gerir nokkuð úr því í ritdómnum að framleiðslan fái of
litla umfjöllun í ritverkinu miðað við sölumálin (bls. 307 og
308-309 í Sögu). Þetta er nokkurt matsatriði og mér finnst að sölu-
hliðin hafi fallið nokkuð í skuggann af framleiðslunni í skrifun1
um þessa grein fram að þessu. En auk þess tel ég að Friðrik geri 0
lítið úr því sem sagt er um framleiðsluna í verkinu en skoðun hans
á því kemur einkum fram í eftirfarandi orðum: „Sérstaklega finnst
mér umfjöllunin um saltfiskframleiðslu á Norðurlandi ótrúleg3
lítil og ótrúverðug, í rauninni aðeins ein blaðsíða." (bls. 318 1
Sögu). Síðan reifar ritdómari þetta nokkuð og er óhjákvæmileg1-
að gera athugasemdir við sumt af því.
Fyrst vil ég benda á að umfjöllunin um einstaka landshluta er
mismunandi og lengdin er ekki endilega mælikvarði á það hversu
mikilvægir eða „merkilegir" þeir eru í saltfisksögunni. Suðurlan
fær eina blaðsíðu og þó aðeins meira því að í textanum um Vest
urland og Vestfirði, sem er 2 og 3 blaðsíður, er líka minnst a
Milljónafélagið sem hafði mikil umsvif syðra. Um saltfiskfram