Saga - 1999, Qupperneq 328

326
FRÁ SÖGUFÉLAGI
Hrefnu Margréti Karlsdóttur, sem hún nefndi „Vinnan göfgar..."
og fjallar um fangavinnu í tukthúsinu við Arnarhól í upphafi 19.
aldar.
Þrítugasti og sjötti árgangur Sögu kom út í lok maí, og var hún
með alstærsta móti, 394 síður auk styrktarkveðja. Sex höfundar
eiga ritgerðir í tímaritinu að þessu sinni og fjalla þeir um efni frá
ýmsum tímum. Sverrir Jakobsson fjallar um friðarviðleitni
kirkjunnar á 13. öld, Páll Björnsson um deilur Þjóðverja um
svonefndan „Sonderweg", Árni Daníel Júlíusson um landbúnað
og þjóðfélagsþróun á Islandi fyrir 1700, Axel Kristinsson um
embættismenn konungs fyrir 1400, Ólöf Garðarsdóttir um tengsl
þéttbýlismyndunar og Vesturheimsferða frá Islandi og loks ritar
Einar H. Guðmundsson stjarneðlisfræðingur um Gísla Einarsson
skólameistara og vísindaáhuga á Islandi á 17. öld. I þessu hefti
Sögu eru umsagnir um 28 rit af ýmsum toga og hafa bóka-
umsagnir aldrei verið fleiri. Þá eru stuttar ritfregnir, sem rit-
nefnd hefur sjálf samið, um þrjú ritverk. Loks er að geta nokk-
urra andmæla og athugasemda.
Eftir umfjöllun um tímaritin var næst vikið að annarri útgáfu-
starfsemi frá síðasta aðalfundi. Skömmu fyrir þann fund kom út
minningarrit um Gísla Ágúst Gunnlaugsson á vegum Sögufélags
og Sagnfræðistofnunar HÍ undir ritstjórn Lofts Guttormssonar,
Guðmundar Hálfdánarsonar og Ólafar Garðarsdóttur. Þessu riti
var afar vel tekið bæði af áskrifendum og öðrum og er nú lítið eftir
af upplagi þess.
Sýslu- og sóknalýsingar Skaftafellssýslu komu út 4. desember. Það
voru Jón Aðalsteinn Jónsson, Svavar Sigmundsson og Sjöfn
Kristjánsdóttir, sem unnu að þessari útgáfu. Verkið naut styrks úr
Menningarsjóði, frá heimamönnum í Austur-Skaftafellssýslu og
hafði áður fengið styrk frá þeim í Vestursýslunni. Segja má, að
endar hafi nokkurn veginn náðst saman í þessu verki með því að
viðbótarstyrkur fékkst úr Menningarsjóði. Hins vegar er ljóst, að
útgáfa þeirra sýslu- og sóknalýsinga sem enn eru óútgefnar
verður erfið nema verulegir styrkir komi til frá heimamönnum
eða öðrum. Hér er a.m.k.um að ræða Múlasýslur og Dalasýslu.
Stjórn Sögufélags fjallaði um nokkur önnur útgáfumál á starfs-
árinu svo sem framhald á útgáfu ritsins um Stjórnarráð Islands, en
saga þess frá 1904 til 1964 eftir Agnar Kl. Jónsson kom út hjá félag-
inu fyrir 30 árum. Hefur nú verið ákveðið að stofna til ritnefndar