Morgunblaðið - 28.11.2009, Page 18

18 FréttirVIÐSKIPTI | ATVINNULÍF
MORGUNBLAÐIÐ LAUGARDAGUR 28. NÓVEMBER 2009
Þetta helst ...
● SPÖLUR, rekstrarfélag Hvalfjarð-
arganga, tapaði 129 milljónum króna á
nýliðnu rekstrarári, frá 1. október 2008
til 30. september 2009. Hagnaður varð
á síðasta ársfjórðungnum upp á 54
milljónir. Veggjöld námu 920 millj-
ónum á árinu, sem er 6% lækkun á
milli ára. Afskriftir á rekstrarárinu námu
samtals 232 milljónum og hækkuðu um
3,8%. Hækkun reikningslegra gjald-
færslna vegna hækkunar lána út af
vísitöluhækkunum og gengisbreyt-
ingum var meiri en áætlað var.
Tap hjá Speli og minni
umferð um göngin
● VILLA í tölvu-
kerfi kauphall-
arinnar í London
gerði það að verk-
um að stöðva
þurfti í gær öll
viðskipti með
bresk hlutabréf í
kauphöllinni í þrjá
tíma.
Er þetta ekki í fyrsta sinn sem
tölvukerfið bregst með þessum
hætti, en fyrr í þessum mánuði kom
tölvuvilla í veg fyrir að hægt væri að
eiga viðskipti með hlutabréf um 300
fyrirtækja í einn og hálfan tíma. Þá
stöðvuðust öll viðskipti í september í
fyrra af sömu ástæðu.
Talsmenn kauphallarinnar segja í
samtali við Wall Street Journal að til
standi að skipta um tölvukerfi.
Tölvur léku kauphöllina
í London grátt
SLITASTJÓRN Sparisjóðabankans
hefur tekið afstöðu til ríflega fimmt-
ungs krafna í þrotabú Icebank. Í
heild var kröfum upp á 370 milljarða
lýst í þrotabú Icebank, en þar af
nema kröfur frá Seðlabanka Íslands
og ríkissjóði um 200 milljörðum. Sú
krafa er tilkomin vegna svokallaðra
ástarbréfa. En í slíkum viðskiptum
notuðu íslensku bankarnir skulda-
bréf hver frá öðrum til að eiga end-
urhverf viðskipti við Seðlabanka Ís-
lands. Andri Árnason, sem situr í
slitastjórn Sparisjóðabankans, seg-
ist ekki geta tjáð um sig hvernig
verður tekin afstaða til krafna Seðla-
bankans og ríkissjóðs. Hann segir
ákvörðun um kröfuna verða tekna í
janúar. Frestunin tengist ekki
mögulegum rannsóknum á ást-
arbréfaviðskiptum í aðdraganda
bankahrunsins og of snemmt að
segja til um endurheimtuhlutfall á
kröfum bankans. thg@mbl.is
Morgunblaðið/RAX
Uppgjör Slitastjórn Icebank á kröfuhafafundi í húsnæði sparisjóðanna við
Rauðarárstíg í gær. Um það bil 20 manns sátu fundinn fyrir hönd kröfuhafa.
Ástarbréfin 54%
krafna í þrotabú
Örlög ástarbréfakrafna ráðast í janúar
FRÉTTASKÝRING
Eftir Þórð Gunnarsson
thg@mbl.is
NÝI Landsbankinn, NBI, á ís-
lenskra banka mest undir þegar litið
er til skulda sjávarútvegsins. Fyrir
liggur að skuldir atvinnugrein-
arinnar nema um 550 milljörðum
króna. Um það bil 45% þeirra skulda
eru á bókum NBI, eða um 248 millj-
arðar króna. Um fjórðungur
skuldanna er hjá Íslandsbanka, um
15% hjá Arion banka og afgangurinn
hjá öðrum lánastofnunum, til að
mynda sparisjóðum. NBI er eini
bankinn sem öruggt er að verður í
meirihlutaeigu ríkisins á næstu ár-
um. Tap vegna virðisrýrnunar veða í
aflaheimildum mun því lenda á
skattgreiðendum, enda gerir sam-
komulag NBI við skilanefnd gamla
bankans um greiðslur fyrir yfirfærð-
ar eignir einungis ráð fyrir hækkun
eignaverðs.
Ekki liggur fyrir á hvaða verði
skuldir sjávarútvegsfyrirtækja voru
færðar úr gömlu bönkunum yfir í þá
nýju. Í skýrslu Alþjóðagjaldeyr-
issjóðsins kemur fram að nafnverð
skulda íslenskra fyrirtækja upp á
3.200 milljarða sem færðar voru yfir
í nýju bankanna séu færðar inn á
raunvirðinu 1.000 milljarðar á bók-
um nýju bankanna. Samkvæmt
heimildum Morgunblaðsins voru
skuldir sjávarútvegsins þó færðar
yfir á hærra verði, enda er sá at-
vinnuvegur gjaldfærari en velflestir
atvinnuvegir um þessar mundir
vegna þess að lungi tekna er í er-
lendum gjaldeyri.
Ekki var gert ráð fyrir stjórn-
valdsaðgerðum á borð við fyrning-
arleið þegar eignir voru færðar yfir í
nýju bankana. Hins vegar er ljóst að
verðmæti veða í skipastól og afla-
heimildum honum tengdum mun
minnka talsvert ef af innköllun afla-
heimilda verður, en það er yfirlýst
stefna ríkisstjórnarinnar.
NBI færi langverst
út úr fyrningarleið
Ekki er gert ráð fyrir fyrningu aflaheimilda í færslu eigna
Útgerð NBI er eini bankinn sem öruggt er að verður í meirihlutaeigu rík-
isins á næstu árum. Tap vegna virðisrýrnunar veða mun því lenda á ríkinu.
Morgunblaðið/Golli
NBI er með tæplega helming
allra skulda sjávarútvegsins á
sínum bókum. Ef af fyrningarleið
stjórnvalda verður er hætta á að
verðmæti veða í aflaheimildum
rýrni og efnahagur banka einnig.
Skuldir sjávarútvegsins við bankana
247,5 milljarðar kr.
Skuldir alls:
550 milljarðar kr.137,5 milljarðar kr.
82,5 milljarðar kr.
Aðrir
82,5 milljarðar kr.
45%
25%
15%
15%
SMÆRRI leik-
fangaframleið-
endur í Banda-
ríkjunum horfa
nú fram á að
þurfa að fækka
starfsfólki eða
jafnvel hætta
starfsemi vegna
harkalegra ör-
yggisreglna, sem taka fljótlega
gildi þar í landi.
Fréttir af því að kínversk leik-
föng, seld í Bandaríkjunum, inni-
héldu hættuleg efni leiddu til þess
að settar voru reglur um að öll
leikföng þyrftu að fara í gegnum
ítarlegt öryggis- og eiturefnaeft-
irlit til að hægt væri að selja þau.
Jason Gold, sem á og rekur smá-
fyrirtækið Camden Rose, segir í
samtali við ABC sjónvarpsstöðina
að þessar reglur ógni framtíð fyr-
irtækisins. Camden Rose fram-
leiðir leikföng úr viði og öðrum
náttúrulegum efnum, en þarf að
lúta sömu eftirlitskvöðum og plast-
leikföng stórfyrirtækja. Segir
hann að nýju reglurnar henti
reyndar stórfyrirtækjunum vel.
Mattel hafi t.d. nú þegar fengið
undanþágu þess efnis að það megi
sjálft sinna eftirlitinu í verk-
smiðjum sínum í Kína.
bjarni@mbl.is
Stífar reglur
um leikföng
Nýjar reglur bitna á
smærri fyrirtækjum
● NÝR upplýsingavefur, vdb.is, er
stendur fyrir Visual Data Base, hefur
verið settur á laggirnar. Að honum
standa íslensku félögin Icestat og
Cipher ehf. Vefnum er ætlað að efla
upplýsingastreymi frá Íslandi til er-
lendra aðila sem og frá erlendum
gagnaveitum til Íslands. Á vefsíðunni
eru yfir 2.000 töflur sem eiga að sýna
samspil íslenska hagkerfisins við ESB
og helstu áhrifasvæði, s.s. Bandaríkin,
Bretland og Japan.
Nýr vefur með gögnum
um íslenska hagkerfið
ÍSLENSKI fataframleiðandinn
66̈Norður opnar nýja verslun í Ósló
í dag, sem er fyrsta verslun fyrir-
tækisins í Noregi. Vörur undir
merkjum 66°Norður fást nú í ríf-
lega 300 verslunum í 16 löndum og
að sögn Halldórs G. Eyjólfssonar
forstjóra stendur til að fjölga versl-
unum enn frekar vegna aukinnar
eftirspurnar. Rekstraraðili versl-
unnarinnar í Ósló er fyrirtækið Red
Mule Invest. Er hún til húsa í versl-
unarmiðstöðinni Aker Brygge í
miðborg Óslóar, sem um fimm
milljónir manna heimsækja á ári
hverju. „Það er vissulega ánægju-
legt fyrir fyrirtækið að geta státað
sig af því að vera í útrás um þessar
mundir,“ segir Halldór. bjb@mbl.is
Noregur Verslun 66°Norður verður
í Aker Brygge í Óslóarborg.
66°Norður
áfram í útrás
ORKUVEITA Reykjavíkur tapaði
11,3 milljörðum króna á fyrstu níu
mánuðum ársins. Þrátt fyrir þetta
mikla tap er viðsnúningurinn um-
talsverður því að tapið á sama tíma
í fyrra nam tæpum 40 milljörðum.
Hagnaður var á rekstrinum á tíma-
bilinu fyrir fjármagnsliði, skatta og
afskriftir og nam hann 8,6 millj-
örðum. Eigið fé OR við lok tímabils-
ins var ríflega 36 milljarðar en var
48 milljarðar í fyrra. Eiginfjárhlut-
fallið var 13,6% við lok tímabilsins
en 18,6% á sama tíma í fyrra. Fjár-
hagsáætlun var samþykkt í stjórn
OR í gær sem gerir ráð fyrir fram-
kvæmdum á næsta ári upp á 18
milljarða.
12 milljarða
tap hjá OR
Menntunarsjóður
Félags heyrnarlausra
Umsóknir um styrki
Stjórn Menntunarsjóðs Félags heyrnarlausra auglýsir eftir
umsóknum um styrki úr sjóðnum.
Tilgangur sjóðsins er að stuðla að menntun heyrnarlausra,
daufblindra og heyrnarskertra, formlegrar og óformlegrar sem
og starfsþjálfunar.
Skilyrði fyrir styrkveitingu úr sjóðnum er að viðkomandi sé
fullgildur félagsmaður í Félagi heyrnarlausra.
Upplýsingar um sjóðinn ásamt umsóknareyðublöðum fást á
heimasíðu félagsins:
http://deaf.is/Forsida/Umfelagid/Sjodir/Menntunarsjodur/
Umsóknir um styrki úr sjóðnum ásamt ítarlegum upplýsingum
um umsækjendur og væntanlegt nám, ber að senda til
stjórnar Menntunarsjóðs Félags heyrnarlausra,
Suðurlandsbraut 24, 108 Reykjavík.
Umsóknarfrestur er til 1. janúar 2010.