Morgunblaðið - 05.12.2009, Blaðsíða 8
8 FréttirINNLENT
MORGUNBLAÐIÐ LAUGARDAGUR 5. DESEMBER 2009
KAJAKKONAN Freya Hoff-
meister sem reri við annan mann í
kringum Ísland sumarið 2007 er
nú komin langleiðina með að ljúka
hringróðri um Ástralíu. Aðeins
einum manni, Paul Caffyn, hefur
áður tekist að ljúka þessum gríð-
arerfiða og langa hringróðri en
alls er róðrarleiðin ríflega 15.000
kílómetrar.
Að því gefnu að veður haldist
skaplegt mun Freya væntanlega
ljúka hringróðrinum á betri tíma
en Caffyn en róður hans tók alls
361 dag. Hægt er að fylgjast með
framvindu Freyu á vefnum
www.qajaqunderground.com.
Freya, sem er fædd árið 1964,
er mikil afrekskona eins og ber-
lega kom í ljós þegar henni og
Greg Stamer tókst að róa í kring-
um Ísland, alls 1620 km, á aðeins
33 dögum.
Eftir Íslandsleiðangurinn lá leið
Freyu til Nýja-Sjálands. Þar setti
hún enn eitt met þegar hún varð
fyrst kvenna til að róa í kringum
syðri eyjuna á 70 dögum en leiðin
er alls 2.386 km.
runarp@mbl.is
Fær Freya Hoffmeister sýnir jafn-
vægislistir á Neskaupstað.
Kominn langleiðina
umhverfis Ástralíu
Í dag 5. desem-
ber er Al-
þjóðadagur
sjálfboðaliðans
og af því tilefni
hefur Margrét
Tómadóttir
skátahöfðingi
sent frá sér til-
kynningu þar
sem hún hvetur
stjórnmála-
menn, sem nú sitja við gerð fjár-
hagsáætlana og fjárlaga, til þess
að muna eftir því mikilvæga
starfi sem sjálfboðaliðar skáta-
hreyfingarinnar sinna.
„Í tilefni dagsins er rétt að
vekja örlitla athygli á því óeig-
ingjarna starfi sem sjálfboðaliðar
vinna fyrir íslenskt samfélag,“
segir í tilkynningu skátahöfð-
ingja. „En vinnuframlag sjálf-
boðaliðanna er því miður ekki
eitt og sér nægjanlegt. Það er oft
sagt að fjármagn sé hreyfiafl og
það á einnig við í æskulýðsstarfi.
Stuðningur hins opinbera, ríkis
og sveitarfélaga, við skátastarf
er lífsnauðsynlegur til þess að
skapa aðstæður fyrir sjálf-
boðaliðana til þess að sinna sín-
um verkum.“
Alþjóðadagur
sjálfboðaliðans
Margrét
Tómasdóttir
Eftir Rúnar Pálmason
runarp@mbl.is
MEÐ nýjum samningi um ræstingu í 63 af 78
leikskólum borgarinnar mun takast að spara um
80 milljónir króna ári, um fimmtung þess sem
leikskólasviði borgarinnar er gert að spara sam-
kvæmt frumvarpi að fjárhagsáætlun Reykjavíkur
2010.
„Við höfum endurskoðað hversu mikið þarf að
ræsta og bóna í leikskólum þannig að vel sé
gert,“ segir Ragnhildur Erla Bjarnadóttir, sviðs-
stjóri leikskólasviðs. „Það er til dæmis ekki
ástæða til að ræsta skrifstofu leikskólastjórans
fimm daga vikunnar.“ Hún er fullviss um að
hægt verði að spara um 400 milljónir í rekstri
sviðsins, án þess að það komi niður á þjónustu
við börnin.
Þegar búið er að taka mið af nýja ræsting-
arsamningnum á leikskólasvið eftir að spara um
320 milljónir. Ragnhildur Erla segir að mikið
megi spara með samrekstri leikskóla, nánara eft-
irliti með innkaupum, útboðum og rammasamn-
ingum. Meðal þess sem verði skoðað séu innkaup
í mötuneyti leikskólanna og flutningskostnaður,
t.d. hvort ekki megi samnýta ferðir með aðföng í
grunn- og leikskóla í borginni.
Enginn hefur kvartað
Stöðugleiki í starfsmannamálum leikskóla er
með mesta móti um þessar mundir. Ragnhildur
Erla segir að stöðugleikinn leiði til umtalsverðs
sparnaðar enda sé mjög dýrt að þurfa sífellt að
þjálfa nýja starfsmenn.
Þá bendir hún á að tæpur helmingur leikskól-
anna sé nú þegar rekinn fyrir það fjármagn sem
þeim er ætlað í fjárhagsáætlun 2010. Enginn hafi
kvartað yfir því að í þessum leikskólum sé ekki
frábær rekstur, þjónusta og faglegt starf. Þetta
styrki hana í þeirri vissu að leikskólum muni tak-
ast að spara án þess að sparnaðurinn komi niður
á gæðum skólastarfsins.
Skýr lína við grunnþjónustu
Menntasviði, sem rekur grunnskóla borg-
arinnar, er gert að hagræða um 775 milljónir.
Ragnar Þorsteinsson, fræðslustjóri, segir að
eftir sé að útfæra hvernig hagræðingin muni
koma fram en búast megi við að það verði mis-
jafnt eftir skólum. Aðspurður hvernig hægt sé að
fullyrða að þjónustan minnki ekki, ef ekki sé
ljóst hvernig sparnaðurinn komi niður, segir
hann að skýr lína hafi verið lögð um að grunn-
þjónusta breytist ekki. Ragnar segist sannfærður
um að börn í grunnskólum verði ekki vör við
hagræðinguna. Hagrætt verði í innkaupum,
orkukaupum og fleiru.
Þá sé ýmislegt í skólastarfi sem sé ekki víst að
falli undir grunnþjónustu, s.s. skólaferðalög en
hann tekur þó fram að ekki sé búið að ákveða að
fækka þeim. „Það getur vel verið að sveigjanleiki
í skólastarfinu verði ekki eins og hann var þegar
peningarnir voru sem mestir,“ segir Ragnar.
Hugsanlega þurfi skólar t.d. að breyta valgreina-
kennslu og gera hana hagkvæmari.
Morgunblaðið/Árni Sæberg
Minni þrif Það er fullkomlega óvíst að börnin muni finna fyrir því að þrif verða eitthvað dregin saman
í leikskólum borgarinnar. Líklega stendur flestum nákvæmlega á sama um slíkan hégóma.
Um 80 milljónir sparast við
þrif á leikskólum í borginni
Nákvæm útfærsla á sparnaði í grunnskólum bíður afgreiðslu fjárhagsáætlunar
Til skamms tíma hafa foreldrar ungra barna
getað sótt um svonefnda þjónustutryggingu,
að upphæð 35.000 kr., njóti þau hvorki nið-
urgreiðslu hjá dagforeldrum né séu með börn
í leikskólum. Samkvæmt frumvarpi að fjár-
hagsáætlun er gert ráð fyrir að þjónustu-
trygging verði lækkuð í áföngum. Lækkunin
nemur 10.000 kr. um áramót og verður komin
í 20.000 í ágúst. Ragnhildur Erla Bjarnadóttir
segir að mjög aukin ásókn hafi verið í trygg-
inguna og stefndi í tugmilljónum hærri út-
gjöld en 2009.
Lækkar um 15.000
Rangt var haft eftir Einari Skúla-
syni, sem skipar 1. sæti á lista Fram-
sóknarflokksins fyrir borgarstjórn-
arkosningar, í Morgunblaðinu í gær,
að upp undir 10% af þeim sem hefðu
kosningarétt á Íslandi væru innflytj-
endur. Hið rétta er að Einar sagði
innflytjendur upp undir 10% af þeim
sem hefðu kosningarétt í sveit-
arstjórnarkosningum, en þar eru
rýmri skilyrði fyrir kosningarétti.
Beðist er velvirðingar á þessum mis-
tökum.
LEIÐRÉTT
10% kjörgengra
í sveitarstjórnar-
kosningum