Morgunblaðið - 05.12.2009, Blaðsíða 27
Fréttir 27VIÐSKIPTI | ATVINNULÍF
MORGUNBLAÐIÐ LAUGARDAGUR 5. DESEMBER 2009
FRÉTTASKÝRING
Eftir Bjarna Ólafsson
bjarni@mbl.is
FARI framlag launagreiðanda til
öflunar lífeyrisréttinda yfir tvær
milljónir á ári skal skattleggja það
sem eftir stendur sem hefðbundna
launagreiðslu. Felst þetta í frum-
varpi til breytinga á lögum um
tekjuskatt.
Þegar kemur að því að launþegi
fái greitt úr lífeyrissjóði eru þær
greiðslur einnig skattlagðar. Í
þessu tilviki er því um tvísköttun
að ræða. Greiðslurnar verða skatt-
lagðar sem launatekjur áður en
þær eru lagðar inn í lífeyrissjóð og
aftur þegar þær eru greiddar út.
Undantekning er þó frá þessari
reglu. Fari framlag launagreiðanda
yfir tvær milljónir vegna ákvæða í
kjarasamningi stéttarfélags skal
ekki fara með neinn hluta fram-
lagsins sem laun í skattalegu tilliti.
Byggist framlagið hins vegar á
einhverju öðru samkomulagi milli
launagreiðanda og launþega er
hætta á tvísköttun.
Vissulega eru fæstir launþegar í
landinu með svo rífleg kjör að þeir
fari yfir áðurnefndar tvær millj-
ónir. Opinberir starfsmenn eru aft-
ur á móti með ákvæði í sínum
kjarasamningum sem gera ráð fyr-
ir 11,5 prósenta framlagi í lífeyr-
issjóð auk tveggja prósenta í sér-
eignarsparnað. Hæst launuðu
embættismenn stjórnkerfisins geta
því farið yfir tveggja milljóna
króna markið án þess að þurfa að
greiða af því tekjuskatt.
Getur skipt milljónum
Einstaklingur í einkageiranum,
með sömu laun og sem samið hef-
ur um sambærilegt framlag í líf-
eyrissjóð gæti hins vegar þurft að
greiða áðurnefndan skatt. Því
hærri laun, og þar með lífeyr-
isgreiðslur, sem þessir tveir ein-
staklingar fá því meiri er mun-
urinn á stöðu þeirra þegar þeir
loks komast á eftirlaunaaldur. Get-
ur hann skipt milljónum í
ákveðnum tilvikum.
Halda ber því til haga að þessi
mismunun á því hvort framlag
byggist á ákvæðum í kjarasamn-
ingi stéttarfélags eða ekki er einn-
ig í gildandi lögum. Hins vegar er í
gömlu lögunum ekki nein föst
krónutala, sem miða á við við
ákvörðun um skattlagningu. Eldri
reglur voru mjög flóknar og erf-
iðar í framkvæmd og var því ekki
beitt nema í takmörkuðum fjölda
tilfella. Munurinn á raunverulegri
stöðu launþega og þeirri sem blas-
ir við er því enn meiri en lagabók-
stafurinn einn gefur til kynna.
Tökum dæmi um tvo ein-
staklinga. Báðir fá 11,5 prósenta
framlag frá launagreiðanda í líf-
eyrissjóð auk tveggja prósenta í
viðbótarsparnað. Annar hefur sam-
ið sérstaklega um þetta við vinnu-
veitanda sinn en hinum er þessi
réttur tryggður í kjarasamningi.
Séu þeir báðir með 1,5 milljónir
króna í mánaðarlaun greiðir vinnu-
veitandi 202.500 krónur samtals í
lífeyrissparnað á mánuði. Í tilviki
hins fyrrnefnda greiðir hann af
þessari upphæð í skatt, en sá síð-
arnefndi greiðir ekkert.
Miðað við 3,5 prósenta raun-
ávöxtun á 25 ára starfsævi er mun-
urinn á uppsafnaðri inneign í líf-
eyrissjóði einstaklinganna tveggja
7,7 milljónir króna, þeim í vil sem
starfar eftir kjarasamningi.
Greiddur lífeyrir hans eftir skatta
verður 4,2 milljónum hærri en
þess, sem samið hefur sjálfur við
vinnuveitanda.
Ekki liggur fyrir um hve háar
fjárhæðir er að ræða í heildina séð,
en gera má ráð fyrir því að í kjöl-
far hugsanlegrar setningar nýju
laganna muni margir endurhugsa
fyrirkomulag lífeyrissparnaðar hjá
sér. Enda er lítið fengið með því
að leggja í lífeyrissjóð fé, sem
skattlagt er tvisvar sem launa-
tekjur. Væntanlega væri heppi-
legra fyrir viðkomandi að ganga úr
skugga um að lífeyrisgreiðslur
færu aldrei yfir tvær milljónir á
ári, og leggja frekar aukalega fyrir
í banka eða fjárfesta með öðrum
hætti.
Bætast slíkar vangaveltur fólks
við áhrif skattabreytinga, sem áður
hefur verið skrifað um í Morg-
unblaðinu. Þeir sem hafa tök á að
skipuleggja tekjur sínar og fjöl-
skyldunnar munu standa betur en
þeir sem ekki geta slíkt. Þá geta
skattalagabreytingarnar ekki haft
önnur áhrif en að gera enn fýsi-
legra í hugum fólks að flytja úr
landi.
Tvísköttun lífeyris
Fari framlag vinnuveitanda í lífeyrissjóð yfir tvær milljónir á
ári, verður það sem eftir stendur skattlagt tvisvar sem laun
Morgunblaðið/Ásdís
Skattar Áform ríkisstjórnarinnar fela í sér umfangsmiklar breytingar á
skattkerfinu, meðal annars í skattlagningu framlags í lífeyrissjóð.
Lagersala
allt að80%
afsláttur
úr blómabúðinni
BLÓMÁLFINUM
VesturgötuJóla lag
ersa
la
kerti
servéttur
jólakúlur
jólatréstoppar
og margt fleira
Lagersala úr þrotabúi
Heildverslunarinnar
Kveiks
fuglar
englar
fiðrildi
diskar
glös
kerti
servéttur
Einn skemmtilegasti jólamarkaður landsins
Notað & Nýtt
Mörkinni 1
108 Reykjavík
sími 517 2030
Opið
mán.–föstud. 11–18
laugardag 11–18
sunnudag 13–16