Morgunblaðið - 05.12.2009, Blaðsíða 51
snyrtingu og pökkun. Þegar unnið
var við saltfiskpökkun vann Jón við
fiskmatið og vann ég við hlið hans og
var svo lánsöm að kynnast honum
allvel.
Mér fannst hann ákaflega
skemmtilegur maður, viðræðugóður
með munninn fyrir neðan nefið og
talaði sko hreina íslensku. Þetta
kunni ég vel að meta. Árið 1978 varð
ég þeirrar gæfu aðnjótandi að koma
inn í fjölskyldu Jóns og Nínu er ég
kynntist Kristberg syni þeirra.
Það voru ófáar stundirnar á Hlíð-
arvegi 1 í eldhúskróknum, Jón með
pípuna og sínar föstu skoðanir á
bæjar- og landsmálapólitík, og Nína
fyllandi borðið af heimagerðum
kræsingum. Það hefur áreiðanlega
ekki alltaf verið létt verk að ala upp
átta börn, en þeim sómahjónum
fórst það vel úr hendi, enda ákaflega
samhent hjón og dugleg.
Þegar barnabörnin fóru að koma
eitt af öðru var Jón fullur af stolti og
umhyggju fyrir sínum ungum og
hvatti þau óspart í lífinu, enda þykir
þeim öllum ákaflega vænt um afa
sinn og ömmu. Og ekki minnkaði
stoltið af barnabarnabörnunum, ófá-
ar ferðir farnar á hvaða árstíma sem
var, í skírnarveislur og afmæli,
svona var tengdapabbi, alltaf að
halda utan um sína hjörð. Þegar ég
lít um öxl og rifja upp liðin ár, fyllist
ég hlýju og þakklæti fyrir að hafa
kynnst og átt svona trygglyndan og
hreinskiptinn tengdaföður. Okkar á
millum fór aldrei eitt styggðaryrði.
Elsku Nína, missir þinn er mikill
en tíminn linar sorgina og við yljum
okkur við góðar minningar um Jón.
Blessuð sé minning Jóns Elbergs-
sonar.
Sigrún Tómasdóttir.
Kæri tengdapabbi, það eru að
verða 30 ár frá því að ég kom inn í
þína fjölskyldu og margar góðar
minningar koma upp í hugann.
Ég man vel þegar ég var að koma í
fyrstu skiptin heim til ykkar og var
hálffeiminn og smeykur og bankaði á
dyrnar og beið þangað til einhver
kæmi til dyra. Þegar þetta hafði
gengið í nokkur skipti komst þú til
dyra og sagðir: „Hér eftir bankar þú
ekki hér, heldur kemur beint inn, þú
ert orðinn einn af fjölskyldunni.“
Þetta varst akkúrat þú, hleyptir
manni ekki alveg strax að þér en svo
var opnað og eftir það var maður
alltaf velkominn. Upp frá þessu fann
ég alltaf fyrir hlýhug og vináttu frá
þér og ykkur. Þú hafðir þínar skoð-
anir á hlutunum og ég tala nú ekki
um pólitíkina, það var alltaf tilhlökk-
un að vita að þið voruð að koma í
heimsókn, þú hafðir svo mikinn
áhuga á að vita hvernig allt gengi
sem við vorum að gera og fylgjast
með. Við gátum alltaf spjallað um
svo margt; búskapinn, sjóinn, leig-
una og skeifurnar, alltaf hafðir þú
áhuga á að fylgjast með. Alltaf
varstu tilbúinn að hjálpa meðan
heilsan var góð, í heyskap, dytta að
húsunum, passa börnin og margt
fleira og undanfarið talaðir þú um að
ef þú værir yngri væri gaman að
geta smíðað skeifur með okkur. En
svo var það síðastliðið sunnudags-
kvöld að þitt kall kom með engum
aðdraganda, nákvæmlega eins og þú
hafðir oft rætt við mig um að þú vild-
ir hafa það þegar að því kæmi.
Elsku vinur, hafðu þökk fyrir allt
gegnum árin. Elsku Nína og fjöl-
skylda, megi guð styðja okkur gegn-
um þessi þungu spor. Þinn tengda-
sonur,
Agnar Jónasson.
Þar sem englarnir syngja sefur þú
sefur í djúpinu væra.
Við hin sem lifum, lifum í trú
að ljósið bjarta skæra
:,:veki þig með sól að morgni:,:
Drottinn minn faðir lífsins ljós
lát náð þína skína svo blíða.
Minn styrkur þú ert mín lífsins rós
tak burt minn myrka kvíða.
:,:Þú vekur hann með sól að morgni.:,:
Farðu í friði vinur minn kær
faðirinn mun þig geyma.
Um aldur og ævi þú verður mér nær
aldrei ég skal þér gleyma.
svefnsins draumar koma fljótt.
:,:svo vöknum við með sól að morgni:,:
(Bubbi Morthens.)
Elsku besti afi minn. Það er svo
ótal margs að minnast en samt er lít-
ið sem kemst á blað. Þegar ég hugsa
um þig finn ég pípulykt, ég er aftur
orðin lítil og sit við eldhúsborðið hjá
þér og ömmu á Hlíðarveginum. Þú
reykir pípuna þína og amma leggur
kapal. Einhvern veginn hefur mér
alltaf fundist góð lykt af píputóbaki,
kannski vegna þess að ég tengi hana
alltaf við þig. Ég vil þakka þér fyrir
allar stundirnar sem við áttum sam-
an, ég vil þakka þér fyrir þann tíma
sem þú gafst þér til að koma í afmæli
hjá börnunum mínum. Ég vildi óska
að Margrét Steinunn og Kristberg
Snær hefðu getað eytt meiri tíma
með þér en ég er jafnframt þakklát
fyrir það eitt að þau fengu að kynn-
ast þér. Við eigum eftir að sakna þín
alveg óskaplega mikið en ég veit að
það hefur verið tekið vel á móti þér
þar sem þú ert núna og ég efast ekki
um að þú haldir áfram að láta skoð-
anir þínar í ljós um menn og málefni
þar eins og þú varst vanur að gera
hérna hjá okkur. Hvíldu í friði, afi
minn. Elsku amma, megi guð
styrkja þig í sorginni og hjálpa þér í
gegnum þennan erfiða tíma.
Með saknaðarkveðju, þín sonar-
dóttir,
Jónína Guðrún.
Fátt er dýrmætara í lífinu en að
eiga fólk að sem maður ósjálfrátt fer
að virða og láta sér þykja vænt um
vegna mannkosta þess. Afi okkar
sem kvaddur er í dag var slíkur mað-
ur. Jón afi eins og við þekktum hann
var okkur afar kær og eigum við
góðar minningar um hann frá barn-
æsku en við systkinin urðum þeirra
forréttinda aðnjótandi að alast upp í
næsta húsi við afa og ömmu. Við vor-
um tíðir gestir á heimili þeirra en
þau áttu afar fallegt heimili þar sem
iðulega var hægt að næla sér í ný-
bakaðar kökur eða nammi frá afa.
Afi hefur aldrei legið á skoðunum
sínum og var ekki lengi að láta í sér
heyra ef honum mislíkaði eitthvað.
Hann virkaði harkalegur út á við en
fyrir innan var hinn ljúfasti maður.
Stærsti kostur afa var þó hvernig
hann sló skjaldborg um sína. Hann
tók alltaf upp hanskann fyrir þá sem
á því þurftu að halda. Hann hafði
mikla trú á okkur öllum, hrósaði
okkur stöðugt og lét okkur vita hvað
honum fannst mikið til okkar koma.
Í seinni tíð hefur þróast á meðal
okkar góður vinskapur, afi var dug-
legur við að segja okkur sögur af sín-
um yngri árum og ádeilum sínum á
samfélagslegt óréttlæti. Við afa var
hægt að ræða allt á milli himins og
jarðar, í honum bjó mikil viska og
hann naut þess að takast á við okkur
um öll heimsins mál. Með þessum
orðum kveðjum við afa okkar með
miklum söknuði.
Við elskum þig, afi.
Álfheiður, Laufey Lilja og
Sigurður Helgi.
Að kvöldi sunnudags 29. nóvem-
ber bárust okkur þær hræðilegu
fréttir að þú hefðir kvatt þennan
heim. Afi, þú varst tekinn allt of
fljótt frá okkur. Þú varst alltaf svo
góður og stoltur af þínu fólki, frábær
barnakarl og sýndir okkur barna-
börnum og börnum okkar mikla ást
og hlýju.
Nú munum við kveðja þig með
þessum texta, elsku Nonni afi:
Mér finnst ég varla heill né hálfur
maður
og heldur ósjálfbjarga, því er verr.
Ef værir þú hjá mér vildi ég glaður
verða betri en ég er.
Eitt sinn verða allir menn að deyja.
Eftir bjartan daginn kemur nótt.
Ég harma það en samt ég verð að
segja,
að sumarið líður allt of fljótt.
Við gætum sungið, gengið um,
gleymt okkur með blómunum.
Er rökkvar ráðið stjörnumál.
Gengið saman hönd í hönd,
hæglát farið niður á strönd.
Fundið stað, sameinað beggja sál.
(Vilhjálmur Vilhjálmsson.)
Hvíldu í friði, elsku afi, við munum
sakna þín.
Elsku amma, guð veri með þér á
þessum erfiðu tímum.
Þín barnabörn,
Jón Beck, Rut, Sif og
Guðrún Bergmann.
Minningar 51
MORGUNBLAÐIÐ LAUGARDAGUR 5. DESEMBER 2009
Sigurbjörn
Ófeigur
Hallgrímsson
✝ SigurbjörnÓfeigur Hall-
grímsson, húsa-
smíðameistari í
Vestmannaeyjum,
fæddist 6. desem-
ber 1965. Hann
lést á Landspít-
alanum í Fossvogi
27. mars sl.
Útför Ófeigs fór fram frá Landakirkju
7. apríl sl.
Meira: mbl.is/minningar
Fleiri minningargreinar um Jón
Beck Elbergsson bíða birtingar og
munu birtast í blaðinu næstu daga.
Elsku afi minn,
Að hugsa til þín og vita að þú
ert farinn er erfitt. En ég hugsa
um alla góðu tímana sem við
áttum saman. Þú hugsaðir alltaf
vel um mig, þú varst alltaf stolt-
ur af mér og leyfðir mér alltaf
að fá súkkulaðibrauð. Mér
finnst mjög erfitt að þú hafir
farið fyrir jól en ég á eftir að
hugsa til þín þegar ég tek fyrsta
bitann af hamborgarhryggnum.
Afi, ég elska þig og sakna þín,
Rebekka.
Afi, ég, Ásgerður, sakna þín
og Laufey, Kristberg, Rakel,
Svala, Heimir, Gústi, Vilborg,
Ásrún og amma. Ég vona að þú
munir vaka yfir mér og ég skal
gefa þér góða ást.
Góði Guð, viltu gæta afa míns
og gefa afa mínum og bræðrum
og systrum mikla ást og blessa
þau. Takk fyrir mig. Bæ, bæ,
elsku afi.
Kveðja frá
Ásgerði Jing.
Ég á eftir að sakna afa út af
því að hann var mjög góður vin-
ur minn og ég heimsótti hann
nokkrum sinnum í viku. Ég vil
þakka afa fyrir að hafa leyft
mér að koma í heimsókn og að
hafa gefið mér að borða í hvert
skipti sem ég kom. Ég á aldrei
eftir að gleyma afa og ég á eftir
að sakna hans mjög mikið.
Samúel Garrý.
HINSTA KVEÐJA
Minningarkort
535 1825
www.hjarta.is 5351800
✝
Okkar innilegustu þakkir til allra þeirra er auðsýndu
okkur samúð og hlýhug við andlát og útför
elskulegrar móður okkar, tengdamóður, ömmu og
langömmu,
SIGRÍÐAR MARGRÉTAR GÍSLADÓTTUR,
Hlévangi,
áður til heimilis
Sólvallagötu 6,
Keflavík.
Sérstakar þakkir til starfsfólks á hjúkrunarheimilinu Hlévangi fyrir
frábæra umönnun.
Magnús Bergmann,
Gunnar Bergmann, Anna Gunnarsdóttir,
Sigríður Benía Bergmann, Gísli Einarsson,
Helga Fanney Bergmann, Jóhann H. Grétarsson,
Gunnar Sæþórsson, Heiðdís Jónsdóttir,
Jóhann Axel Thorarensen, Ásdís Kristinsdóttir,
Jóna Katrín Gunnarsdóttir, Tryggvi Þór Róbertsson
og barnabarnabörn.
✝
Innilegar þakkir til allra þeirra sem sýndu okkur
samúð og hlýhug við andlát og útför
KRISTÍNAR FRIÐRIKSDÓTTUR
frá Norður-Hvoli,
Mýrdal.
Bjarni Kristjánsson, Snjólaug Bruun,
Elínborg Kristjánsdóttir, Baldur Jóhannesson,
Ester Kristjánsdóttir, Bjarni Gestsson,
Friðrik Kristjánsson, Auður Sigurðardóttir,
Magnús Kristjánsson, Tordis A. Leirvik,
Þórarinn Kristjánsson,
Sigríður Kristjánsdóttir, Guðmundur Antonsson,
Sigurður Kristjánsson, Alfa V. Sigurðardóttir Hjaltalín,
barnabörn, barnabarnabörn og barnabarnabarnabörn.
✝
Innilegar þakkir öllum þeim sem sýndu okkur
samúð og hlýhug við andlát og útför elskulegrar
eiginkonu minnar, móður, tengdamóður, systur,
mágkonu og ömmu,
SUSIE BACHMANN,
Depluhólum 10,
Reykjavík.
Páll Friðriksson,
Stefán Jóhann Pálsson, Kristín Lilliendahl,
Regína Gréta Pálsdóttir, Einar Sveinn Hálfdánarson,
Páll Heimir Pálsson, Bryndís Skaftadóttir,
Gréta Bachmann, Magnús Kristinsson
og barnabörn.
✝
Innilegar þakkir færum við öllum þeim sem sýndu
okkur samúð, hlýhug og vináttu við andlát og útför
móður okkar, tengdamóður, ömmu, langömmu og
langalangömmu,
RAGNHILDAR G. FINNBOGADÓTTUR
frá Fremri-Hvestu,
Arnarfirði.
Sérstakar þakkir færum við starfsfólki á deild H-1,
Hrafnistu í Reykjavík.
Börn, tengdabörn, barnabörn, barnabarnabörn
og barnabarnabarnabarn.