Morgunblaðið - 16.12.2009, Síða 12

12 FréttirINNLENT
MORGUNBLAÐIÐ MIÐVIKUDAGUR 16. DESEMBER 2009
Morgunblaðið birtir fram til jóla upplýsingar um einhverja þeirra
viðburða sem eru á dagskrá vítt og breitt um landið.
8 dagar til jóla
VINNSLUSTÖÐIN í Vest-
mannaeyjum afhenti í fyrradag
Fjölskylduhjálp Íslands og Mæðra-
styrksnefnd Reykjavíkur að gjöf
samtals 900 kíló af humri til dreif-
ingar meðal skjólstæðinga samtak-
anna fyrir jólin. Landsflutningar-
Samskip tóku að sér að flytja
humarinn til Reykjavíkur endur-
gjaldslaust.
Sigurgeir Brynjar Kristgeirsson,
framkvæmdastjóri Vinnslustöðvar-
innar, segir að margir starfsmenn
Vinnslustöðvarinnar hafi kynnst at-
vinnuleysi og erfiðleikum þegar
fyrirtækið átti í rekstrarvanda með
tilheyrandi uppsögnum fyrir rúm-
um áratug. Þeir geti því auðveld-
lega sett sig í spor fólks sem hefur
þolað tekjufall, atvinnumissi og erf-
iðleika í kjölfar efnahagshrunsins.
Vinnslustöðin gefur 900 kíló af humar
Góð gjöf Fulltrúar hjálparsamtaka
taka við hinni höfðinglegu gjöf.
ÞAÐ eru margar leiðir til að styðja Hjálparstarf
kirkjunnar fyrir jólin og ein þeirra er að skila
inn gömlum og notuðum farsímum. Græn framtíð
og Síminn hvetja fólk til að koma með gamla
GSM síma í verslanir Símans, en þeir verða svo
sendir í endurnýtingu og mun andvirðið renna til
innanlandsaðstoðar Hjálparstarfs kirkjunnar.
Þeir sem eiga ónotaða síma geta þannig stutt
gott málefni og um leið lagt sitt á vogarskál-
arnar í umhverfisvitund. Afrakstur söfnuninnar
verður afhentur Hjálparstarfi kirkjunnar í byrj-
un janúar.
Að sögn Bjarna Gíslasonar, fræðslu- og upplýsingafulltrúa Hjálpar-
starfs kirkjunnar hefur þörfin fyrir aðstoð vaxið gríðarlega á þessu ári.
„Rúmlega helmingi fleiri leituðu til Hjálparstarfs kirkjunnar í október
2009 miðað við sama mánuð í fyrra, eða 319 í október í fyrra en 886 í
sama mánuði í ár. Að baki hverjum umsækjanda voru 2,7 einstaklingar
að meðaltali sem þýðir að 2.300 einstaklingar nutu aðstoðar í október-
mánuði í ár,“ segir Bjarni.
Safna ónotuðum símum fyrir hjálparstarf
EINS og undanfarin ár stendur
Skógræktarfélag Hafnarfjarðar
fyrir jólatrésölu í bækistöðvum fé-
lagsins við Kaldárselsveg í Hafnar-
firði, skammt frá hestaleigu Ís-
hesta. Jólatrésalan verður opinn
föstudag, laugardag og sunnudag
nk. kl. 10-18 alla dagana.
Félagið býður upp á íslenska ný-
höggna stafafuru og rauðgreni.
Einnig er í boði greinar, könglar,
leiðisskreytingar, hurðakransar,
jólavendi og fleira sem allt er gert
úr efni sem sótt er í skóginn.
Til að tryggja að rauðgreni end-
ist sem best inni í stofu er gott ráð
að saga aðeins neðan af trénu og
jafnvel að tálga aðeins af neðsta
hluta stofnsins, stinga síðan end-
anum í sjóðandi heitt vatn í 20-30
sekúndur og setja síðan tréð í jóla-
trésfót og fylla hann af vatni. Bæta
þarf vatni í fótinn minnst daglega.
Morgunblaðið/Heiddi
Búið að velja Leikskólabörn í Hafn-
arfirði með tré fyrir skólann sinn.
Jólatrésala Skóg-
ræktarfélagsins
SAMAN-
hópurinn,
samstarfs-
hópur um
forvarnir
sem stuðla
að velferð
barna og
ungmenna á
10 ára af-
mæli um þessar mundir.
Af því tilefni var ákveðið öll börn
í 5. bekk í grunnskólum landsins fái
veglega gjöf frá Samanhópnum og
verður hún afhent núna fyrir jólin.
Gjöfin er spilastokkur sem börnin
fá afhentan í sínum skóla en á spil-
unum eru skilaboð þar sem áhersla
er lögð á gildi samverustunda fjöl-
skyldunnar. Vill hópurinn með því
hvetja fjölskylduna til að verja sem
mestum tíma saman.
„Niðurstöður rannsókna hafa
leitt í ljós að samvera foreldra og
barna dregur verulega úr líkum á
því að börn og unglingar neyti
vímuefna. Því meiri tíma sem börn
og unglingar verja með fjölskyldu
sinni því minni líkur eru á því að
þau neyti vímuefna. Því er óhætt að
segja að samvera með börnunum
sínum sé besta forvörnin.“ segir í
tilkynningu frá hópnum.
Þessar samverustundir geti orðið
að ógleymanlegri og dýrmætri
stund. Því eru fjölskyldur hvattar
til að verja sem mestum tíma saman
og sérstaklega á hátíð ljóss og frið-
ar sem senn gengur í garð.
Öll börn í 5. bekk fá
spilastokk fyrir jólin
ÚT er komin Krossgátubók ársins 2010, en þessi
bók hefur verið gefin út fyrir jólin um langt ára-
bil.
Að þessu sinni er bókin 68 blaðsíður að stærð
og er þar að finna krossgátur á nær öllum síðum.
Ráðningar á annarri hverri gátu er að finna aft-
ast í bókinni.
Ó.P. útgáfa prentstofa ehf. gefur bókina út og
ábyrgðarmaður er Ólafur Pálsson. Eins og fyrri
ár prýðir teikning eftir Brian Pilkington forsíð-
una og að þessu sinni er Jóhanna Sigurðardóttir
forsætisráðherra að ráða krossgátu og í bak-
grunni má sjá Steingrím J. Sigfússon. Krossgátubók ársins 2010 fæst í
öllum helstu bókabúðum og söluturnum landsins. Þar eru einnig til
sölu aðrar krossgátubækur, sem fyrirtækið gefu út.
Krossgátubók ársins 2010 komin út
Eftir Önund Pál Ragnarsson
onundur@mbl.is
TÍU af þeim tuttugu og tveimur sem
áttu að sækja fundi velferðarráðs
Reykjavíkurborgar á þessu kjör-
tímabili hafa mætt á 90% funda eða
oftar. Aðeins þrír fulltrúar hafa mætt
í öllum tilvikum, einn úr Framsókn-
arflokki, einn úr Sjálfstæðisflokki og
einn úr Samfylkingu.
Aðeins fimm fulltrúar eru með
minna en 70% mætingu og sá sem
minnst hefur mætt á fundi á kjör-
tímabilinu er Margrét Sverrisdóttir,
með 57% mætingu.
Ekki hafa sömu aðalmenn setið í
ráðinu allt kjörtímabilið og tekur
prósentureikningur mið af mætingu
þeirra þann tíma sem þeir sátu í
ráðinu.
Þaulsætnir mæta best
Þrír fulltrúar hafa þó átt sæti í
ráðinu allt kjörtímabilið og átt að
mæta á alla 83 fundina sem haldnir
hafa verið. Það eru þær Jórunn Ósk
Frímannsdóttir, sem mætt hefur í 77
skipti, eða 93% funda, Björk Vil-
helmsdóttir sem mætt hefur í 76
skipti eða 92% funda og Marsibil Sæ-
mundardóttir, sem mætt hefur í 73
skipti, eða 88% funda.
Samtals voru 663 mætingar í boði
og var mætt í 568 skipti. Að meðaltali
er mætingin á fundi velferðarráðs því
86%. Þeir fulltrúar sem áttu að mæta
á flesta fundi voru því með mætingu
yfir meðallagi.
Morgunblaðið hefur sl. daga birt
upplýsingar um mætingu aðalmanna
í hinum ýmsu ráðum og stjórnum
borgarinnar. Misjafnlega vel hefur
gengið að fá þessar tölur og hafa
t.a.m. ekki ennþá skilað sér upplýs-
ingar um borgarráð, skipulagsráð
sem og nothæfar tölur yfir mannrétt-
indaráð og stjórnarfundi hjá Orku-
veitu Reykjavíkur. Samskonar töflur
yfir þessi ráð og OR verða þó birtar í
blaðinu berist tölurnar.
Í frétt um fundarsetu í íþrótta- og
tómstundaráði í Morgunblaðinu á
mánudag var sagt að Marta Guðjóns-
dóttir sæti í ráðinu fyrir hönd frjáls-
lyndra. Hið rétta er að hún hefur set-
ið þar fyrir Sjálfstæðisflokkinn.
Beðist er velvirðingar á þessu.
86% mæting í velferðarráð
Fundarseta í velferðarráði
Mætingar aðalmanna og áheyrnarfulltrúa velferðarráðs kjörtímabilið 2006 – 2010. Velferðarráð hefur
haldið 83 fundi frá 13. júní 2006 – 25. nóvember 2009. Á kjörtímabilinu hafa starfað fjórir meirihlutar.
Flokkur Fundarmæting Hlutfall
Eiríkur Sigurðsson 14 af 14 100%
Ingunn Björk Vilhjálmsdóttir 2 af 2 100%
Oddný Sturludóttir 11 af 11 100%
Hallur Magnússon 23 af 24 96%
Elínbjörg Magnúsdóttir 16 af 17 94%
Drífa Snædal 13 af 14 93%
Jórunn Ósk Frímannsdóttir 77 af 83 93%
Björk Vilhelmsdóttir 76 af 83 92%
Björn Gíslason 10 af 11 91%
Stefán Jóhann Stefánsson 9 af 10 90%
Marsibil Sæmundardóttir 73 af 83 88%
Sif Sigfúsdóttir 60 af 70 86%
Jóhanna Hreiðarsdóttir 32 af 38 84%
Þorleifur Gunnlaugsson 52 af 62 84%
Dofri Hermannsson 5 af 6 83%
Guðrún Ásmundsdóttir 5 af 6 83%
Gunnar H Hjálmarsson 40 af 49 82%
Steinarr Björnsson 9 af 13 69%
Friðrik Dagur Arnarson 4 af 6 67%
Stefán Benediktsson 12 af 18 67%
Einar Örn Jónsson 9 af 15 60%
Margrét Sverrisdóttir 16 af 28 57%
PIPA
R\TBW
A
•
SÍA