Morgunblaðið - 28.01.2010, Blaðsíða 11

Fréttir 11INNLENT
MORGUNBLAÐIÐ FIMMTUDAGUR 28. JANÚAR 2010
staðgreiðslu
Breytingará
Þrepaskiptur tekjuskattur
Staðgreiðsla skatta verður nú reiknuð í þremur þrepum.
Útreikningur fyrir mánaðartekjur verður sem hér segir:
Af fyrstu 200.000 kr............................................ 37,22%
Af næstu 450.000 kr. ......................................... 40,12%
Af fjárhæð umfram 650.000 kr. ..................... 46,12%
Þegar laun eru greidd vikulega skal reikna staðgreiðslu skatta
af launum sem hér segir.
Af fyrstu 46.027 kr. ............................................. 37,22%
Af 46.028-149.589 kr. ........................................ 40,12%
Af launum umfram 149.589 kr. ..................... 46,12%
Ef laun eru breytileg er heimilt að jafna þeim milli vikna, innan
mánaðarins, þannig að staðgreiðsla mánaðarins verði rétt.
Persónuafsláttur
Persónuafsláttur ársins 2010 er 530.466 kr. eða 44.205 kr. á
mánuði. Við ákvörðun staðgreiðslu opinberra gjalda frá og
með 1. janúar 2010 skal því draga persónuafslátt frá reiknuðum
skatti sem hér segir:
• Ef launatímabil er einn mánuður ........ 44.205 kr.
• Ef launatímabil er hálfur mánuður ..... 22.102 kr.
• Ef launatímabil er fjórtán dagar ......... 20.346 kr.
• Ef launatímabil er ein vika ..................... 10.173 kr.
• Ef launatímabil er annað en að framan greinir
skal ákvarða persónuafslátt launatímabils þannig:
Kr. 530.466 X dagafjöldi launatímabilsins
365
Sjómannaafsláttur
Sjómannaafsláttur verður 987 kr. á dag.
Frítekjumark barna
Börn sem fædd eru 1995 og síðar og ná því ekki 16 ára aldri á
árinu 2010 greiða 6% skatt án persónuafsláttar af tekjum sín-
um umfram 100.745 kr.
Frádráttur vegna iðgjalda í lífeyrissjóð
Greidd lífeyrissjóðsiðgjöld, 4% af launum til viðurkenndra
lífeyrissjóða, eru frádráttarbær og ber að taka mið af því við
afdrátt staðgreiðslu. Heimilt er að veita til viðbótar frádrátt allt
að 6% af iðgjaldsstofni vegna viðbótargreiðslu í séreignarsjóð,
til aukningar lífeyrisréttinda eða lífeyrissparnaðar.
Laun frá fleiri en einum launagreiðanda
Þeir sem hafa laun frá fleiri en einum launagreiðanda þurfa að
passa að rétt hlutfall sé notað við útreikning á staðgreiðslu.
Fari laun yfir 200.000 kr. hjá einum launagreiðanda þarf að
reikna 40,12% staðgreiðslu af launum hjá öðrum launagreið-
endum, eða eftir atvikum 46,12%.
Tryggingagjald
Tryggingagjald verður 8,65%, frá 1. janúar 2010.
Endurreikningur við álagningu
Ef annað hjóna/samskattaðra er með tekjur í efsta þrepi en
hitt ekki, er gerð leiðrétting til lækkunar við álagningu, í fyrsta
skipti 2011. Ekki þarf að sækja um leiðréttingu, hún er gerð
þegar skattframtal er afgreitt.
Sjá nánar á www.rsk.is um færslu milli þrepa, umsókn um
endurgreiðslu og fleira.
Nánari upplýsingar um skattalagabreytingarnar er að finna á www.rsk.is
Eftir Andra Karl
andri@mbl.is
ENDURSKOÐA ætti áfengiskaupa-
aldur, heimila áfengisauglýsingar
með miklum takmörkunum, koma til
móts við íslenska áfengisframleið-
endur og styrkja stöðu Áfengis- og
tóbaksverslunar ríkisins. Þetta kem-
ur fram í skýrslu starfshóps fjár-
málaráðuneytis um heildarendur-
skoðun á áfengislöggjöfinni.
Samræma réttindi
Starfshópurinn telur óraunhæft að
ætla að hægt sé að koma í veg fyrir
áfengisauglýsingar að öllu leyti. Því
sé heillavænlegra að heimila auglýs-
ingar með miklum takmörkunum.
Það myndi eyða réttaróvissu og gera
eftirlit skilvirkara, auk þess sem slíkt
er í samræmi við reglur flestra Norð-
urlandaþjóða.
Hvað varðar endurskoðun áfeng-
iskaupaaldurs telur starfshópurinn
að hann þurfi að samræma öðrum
réttindum. Leiðrétta þurfi kerfið til
þess að lögunum sé framfylgt og þau
séu í samræmi við setta stefnu stjórn-
valda í áfengismálum.
Starfshópnum var einnig falið að
leggja mat á lagaumhverfi ÁTVR, en
lög um stofnunina eru frá árinu 1969
og hafa tekið litlum breytingum síðan
þá. Hópurinn telur í því ljósi ákaflega
mikilvægt að lög um ÁTVR séu end-
urskoðuð í heild. Jafnframt að óæski-
legt sé að afnema einkasölu ríkisins á
smásölu áfengis heldur þvert á móti
að styrkja stöðu stofnunarinnar.
Frumvarp lagt fram í haust
Starfshópnum var einnig gert að
leggja mat á skattlagningu áfengis. Í
skýrslunni kemur fram það mat hóps-
ins að þó nokkurt svigrúm sé til
hækkunar ef miðað er við vísitölu
neysluverðs. Aukinheldur að ekki eigi
aðeins að horfa til skattlagningar
áfengis sem tekjulindar fyrir ríkis-
sjóð heldur sem tækis til að stýra
áfengisneyslu landsmanna, s.s. í sam-
ræmi við áfengisstefnu stjórnvalda.
Skýrslunni hefur verið skilað til
fjármálaráðherra sem hefur lagt til að
starfshópurinn starfi áfram, til ráð-
gjafar við gerð frumvarps til nýrra
áfengislaga. Gert er ráð fyrir að frum-
varpið verði lagt fyrir Alþingi í haust.
Í starfshópnum sitja Þórður Reyn-
isson, fjármálaráðuneytinu (fór í leyfi í
byrjun ágúst 2009), Guðmundur Jó-
hann Árnason fjármálaráðuneytinu
(tók við formennsku frá byrjun ágúst
2009), Heiða Gestsdóttir, tilnefnd af
dómsmálaráðuneytinu, Anna Björg
Aradóttir, tilnefnd af heilbrigðisráðu-
neytinu, og Helga Hauksdóttir, til-
nefnd af tollstjóra.
Endurskoða ætti áfengiskaupaaldur
 Starfshópur um endurskoðun áfengislöggjafarinnar telur enn svigrúm til hækkunar áfengisskatta
 Talið er óraunhæft að koma algjörlega í veg fyrir áfengisauglýsingar og lagt til að þær verði leyfðar
Morgunblaðið/Heiddi
Léttvín Hugsanlegt er að áfengiskaupaaldur verði lækkaður niður í 18 ár.
» Frumvarp um áfengislög lagt fram í haust
» Gjörbreyting á áfengislöggjöfinni
» Skattur notaður til að stýra áfengisneyslu
» Afnám einkasölu ríkisins talið óæskilegt