Morgunblaðið - 06.03.2010, Side 37

Minningar 37
MORGUNBLAÐIÐ LAUGARDAGUR 6. MARS 2010
✝ Þórður Snjólfssonfæddist í Vetur-
húsum í Hamarsdal
15. júlí 1922. Hann
lést 24. febrúar síð-
astliðinn.
Foreldrar hans
voru Ásdís Sigurð-
ardóttir og Snjólfur
Stefánsson sem
bjuggu í Veturhúsum
í 37 ár. Hann var
yngstur sjö systkina,
systur hans voru
Steinunn Dagmar,
Málfríður Halldóra,
Sigurbjörg og Kristborg Stefanía
og bræður hans voru Sigurður
Kristinn sem lést á
fyrsta ári og Ingvar
Þórlindur, þau eru
nú öll látin. Hann
giftist Ásdísi Böðv-
arsdóttur, f. 28. mars
1928, d. 8. október
2002. og stofnuðu
þau heimili á Djúpa-
vogi og eignuðust
þrjú börn, Ásdísi,
Ólaf Böðvar og
Lindu Heiðrúnu, en
fyrir átti Ásdís sonin
Sigmar Ægi.
Útför Þórðar fer
fram frá Djúpavogskirkju 6. mars
kl. 14.
Elsku afi er nú látinn en minningin
um hann mun lifa með okkur. Þú með
þitt skarpa augnaráð og alltaf var
stutt í gamnið og góðlátlega stríðni.
Þú ólst upp í Hamarsdal og þar
þekktir þú hverja þúfu og hvern stein
og talaðir oft um það hve mikið af
berjum fannst nú alltaf undir þessum
klettum eða í þessari laut. Við urðum
þeirrar ánægju aðnjótandi að fara
með þér á æskuslóðir þínar og ég man
hvað okkur þótti alltaf mikið til litla
steinkofans þíns koma sem þú byggð-
ir þegar þú varst 10 ára gamall. Ham-
arsdalurinn geymdi líka ótal sögur
sem tilheyrðu æsku minni, sögur sem
hræddu mann á meðan aðrar voru
minni um löngu liðna tíð.
Þrátt fyrir að hræðast mjög kindur
sóttumst ég líkt og systkini mín alltaf
í það að fara með þér inn í Hjáleigu að
gefa ánum eins og þú talaðir alltaf um
féð þitt. Þar flýtti ég mér inn í hús og
upp í garðann og inn í hlöðu því þang-
að komust kindurnar ekki. Svo hjálp-
aði maður við að losa heyið og gefa á
garðann.
Eftirsóknarverðast var þó að fá að
fara með þér á meðan á sauðburði
stóð, að fá aðeins að koma við litlu
lömbin og fylgjast með þeim. Hjáleig-
an var líka algjört ævintýraland þar
sem við lékum okkur í læknum, klifr-
uðum upp kambinn og skoðuðum
gömlu tóftirnar. En skemmtilegast
þótti manni þegar heyskapurinn stóð
yfir. Ég get enn séð þig fyrir mér þar
sem að við sátum öll saman í túngarð-
inum í einstakri veðurblíðu og drukk-
um saman ískalt gos sem hafði verið
geymt í brunninum yfir daginn og
borðuðum kremkex. Maður beið
spenntur eftir því að farið væri að
hirða því skemmtilegast þótti manni
að fá að leika sér í heyinu, stökkva í
nýhirt heyið í hlöðunni og velta sér
upp úr því. Enn saknar maður þess að
taka ekki þátt í heyskapnum seinni
part sumars.
Það var alltaf gott að koma í heim-
sókn til ykkar ömmu út í Þórsmörk og
þar var dekrað við mann. Þú slapp-
aðir af inni í litla herbergi eða varst að
vinna í fallega stóra garðinum ykkar á
meðan amma stússaðist í eldhúsinu.
Þar var líka alltaf spennandi að fá að
fara með þér niður og skoða alla dýr-
gripina sem leyndust í afaherbergi,
eins og við kölluðum það, gamlir mun-
ir sem þú hafðir safnað að þér í gegn-
um tíðina, allar bækurnar þínar og
ýmislegt smálegt sem börnin þín
höfðu fært þér í gegnum árin. Elsku
afi, ég vil þakka þér fyrir allar
ánægjulegu stundir sem þú hefur gef-
ið mér, ég minnist þeirra með söknuði
en einnig með gleði yfir að hafa fengið
að taka þátt í þeim. Það er svo margs
að minnast og minningarnar mun ég
geyma með mér um ókomna tíð.
Þín
Ragnhildur.
Elsku afi okkar er látinn. Við minn-
umst þín með söknuði og höldum í
þær minningar sem við höfum um þig.
Við þökkum fyrir að hafa fengið að
verða þess aðnjótandi að eiga allar
þessar ánægjulegu stundir með þér
hvort heldur úti í Þórsmörk þegar
maður kom þar við eða í Hjáleigunni
að stússast í kringum ærnar. Aldrei
féll þér verk úr hendi og alltaf hafðir
þú eitthvað fyrir stafni, hvort heldur
sem var í garðinum í Þórsmörk eða í
kringum kindurnar.
Eftir að frítími þinn varð meiri
varstu iðinn við prjónana eða útsaum
sem þú svo útdeildir til okkar þegar
við komum í heimsókn til þín þannig
að allir fengu með sér ullarsokka eða
prjónaskó því alla tíð þurfti að gauka
að manni einhverju svo við færum
ekki tómhent.
Kindurnar þínar í Hjáleigunni áttu
stóran sess í lífi þínu og okkar þar
sem við fylgdumst með þér og tókum
þátt í því með þér að hugsa um þær og
sinna þeim. Kisurnar í Rækjuverinu
og inni í Bræðslu voru þínar og fórum
við oft í heimsókn til þín í vinnuna til
þess að skoða kisurnar sem voru svo
hændar að þér. Alltaf fannst þér gam-
an þegar við komum í heimsókn til
þín, að sýna okkur dýrin þín, bækur,
myndir, gamla hluti og steina sem þú
sankaðir að þér.
Alltaf var stutt í spaugið og stríðn-
ina hjá afa og var hann mikill grallari
og eru til ótal sögur um hrekki hans
sem voru góðlátlegir og oft á tíðum
mjög sniðugir þar sem hann notaði
útúrsnúninga við stríðnina eins og að
veðja því að hann gæti komið 100 eld-
spýtum í einn eldspýtustokk sem
þótti af og frá en þá náði hann í stóran
eldspýtustokk sem hann átti í fórum
sínum eða að hann gæti gengið upp á
Búlandstind á 5 mínútum sem þótti af
og frá en þá náði hann sér í stiga og
fór upp á þakið á fyrirtækinu Bú-
landstindur. Afi þótti líka alltaf mjög
myndarlegur maður og var oft gant-
ast með það þegar amma sat við
gluggann sinn í Vestmannaeyjum og
sagði við systur sínar hvað þetta væri
myndarlegur maður sem kæmi þarna
gangandi en varð svo vandræðaleg
þegar hún sá hver þetta var, sá sem
síðar varð maðurinn hennar.
En nú ertu kominn á betri stað við
hlið ömmu og minningarnar lifa í okk-
ur
Þín barnabörn,
Gunnlaugur Rúnar, Þórdís,
Ragnhildur og Ingunn.
Þórður Snjólfsson
✝ Guðbjörg Hall-dórsdóttir (Stella)
fæddist 7. mars 1914 í
Hraungerði í Álfta-
veri. Hún lést á Mora
Sjukhus Dalarna í
Svíþjóð 14. febrúar
2010.
Foreldrar hennar
voru Halldór Guð-
mundsson, bóndi í
Hraungerði, f. 1872,
d. 1964, og Sigrún
Þorleifsdóttir, kona
hans, f. 1879, d. 1937.
Systkini Stellu voru:
Sigmundur, f. 1903, d. 1993, Guð-
björg (Bagga), f. 1905, d. 1983, Sig-
urður Rögnvaldur, f.
1909, d. 1990, Hall-
grímur, f. 1910, d.
1996, Sigríður, f.
1916, d. 1999, og
Rannveig, f. 1919.
Fyrri maður Stellu
var Karl Sigurðsson
verkamaður, f. 1913 á
Akureyri, d. 1953.
Seinni maður var
Konrad Hilmar Hatle-
mark verkstjóri, f.
1904 í Noregi, d. 1991.
Útför Guðbjargar
fór fram frá Mission-
skyrkan í Leksand í Svíþjóð 26.
febrúar síðastliðinn.
Elsku Stella móðursystir, í dag
eru liðin 96 ár frá fæðingardegi þín-
um. Þú hefur nú kvatt þetta líf og
langar okkur að þakka þér samveru
liðinna ára. Þar sem þú bjóst var allt-
af notalegt og gott að koma, eins
þótti okkur gaman að fá þig í heim-
sókn upp að Ferjubakka eins og þú
gerðir gjarnan meðan heilsan leyfði.
Mömmu hefur þótt tilbreyting í að fá
þig og oft varstu nokkrar vikur í
einu. Þá var oft hlegið mikið og varst
þú eins og stelpa, létt, kát og gam-
ansöm.
Í einni heimsókn okkar systra til
þín fyrir 10 árum tókum við með
okkur segulbandstæki og tókum upp
frásögn þína af uppvaxtarárunum í
Álftaverinu. Hraungerði, þar sem afi
Halldór og amma Sigrún bjuggu á í
tæp 40 ár, var ykkur mjög kært og
hafa verið blendnar tilfinningar þeg-
ar systkinahópurinn og afi tókuð
ykkur upp og fluttuð til Reykjavíkur
eftir snögg veikindi og andlát ömmu.
Hópurinn hélt þétt saman og var
mikið talað um „gömlu árin“. Dýr-
mætt er að eiga þessa upptöku. Það
er gaman að heyra þig tala um nátt-
úruna, dýrin, sveitina, störfin og
fólkið. Álftaver er ekki stór sveit en
tiltölulega fjölmenn á þessum árum
og þéttbýl. Þú segist heldur hafa vilj-
að vera strákur því þeir gætu frekar
farið til náms því þig langaði að læra
eitthvað, verða læknir, skáld eða
annað. Þú vildir vera með pabba þín-
um úti á engjum frekar en við inni-
verk og elskaðir að vera með
mömmu þinni þegar hún hjálpaði
kúnum við burð, segir að hún hafi
verið svo dugleg og einstaklega góð
við öll dýr og gert margt fyrir þau
sem var ekki venja þá.
Þú segir: „Ég var afskapleg þæg
þegar ég var krakki, en ég veit að ég
er það ekki núna,“ þá hefur þú e.t.v.
meint að stundum gastu verið djörf
að svara eða snögg upp á lagið, en þá
mátti geta sér þess til að þú værir illa
upplögð eða lasin.
Þú segir á öðrum stað: „Ég var
víst afskaplega lagleg sem barn, með
dökkblá augu eins og pabbi og
dökkjarpt hár, en haldiði að sé mun-
ur núna“, en þú varst svolítil pjatt-
rófa í þér og vildir líta vel út. Svona
gerðirðu grín að sjálfri þér og svo
kom þetta skemmtilega „hva“ en
þetta var einkenni ykkar systkin-
anna og oft höfum við hlegið að þessu
en þetta var notað sem áhersla.
Heyra mátti á þér að Katla bjó
djúpt í vitund þinni, og allra er
bjuggu í Álftaveri og sléttlendinu.
Þrátt fyrir ungan aldur þinn í gosinu
1918 manstu eftir óttanum og ferða-
lagi móður ykkar og systkinanna frá
bænum, sem stendur lágt, upp í hús
sem stóð hærra. Við tóku áhyggjur
og angist hvernig þetta færi svo ekki
sé talað um ótta vegna eiginmanna,
sona, bræðra og feðra sem voru í af-
réttinum að smala.
Þetta fer að verða gott spjall. Við
vitum að Jón á um sárt að binda, en
hann spjarar sig og biðjum við um
styrk fyrir hann í sorg og söknuði.
Hann stóð sem klettur við hlið þér
um árabil og sýndi mikinn kærleika
og hjálpsemi í ykkar sambúð.
Gakktu á guðs vegum og
Megi gæfan þig geyma,
megi Guð þér færa sigurlag.
Megi sól lýsa þína leið,
megi ljós þitt skína sérhvern dag.
Og bænar bið ég þér
að ávallt geymi
þig Guð í hendi sér.
Inga og Guðrún (Dúna)
Ferjubakka.
Guðbjörg
Halldórsdóttir
✝
Ástkær móðir okkar, tengdamóðir, amma og lang-
amma,
GUÐRÚN JÓHANNA ÞORLÁKSDÓTTIR,
Bláskógum 11,
Hveragerði,
áður til heimilis
Kirkjuvegi 10,
Keflavík,
lést á Landspítalanum við Hringbraut sunnudaginn
28. febrúar.
Útförin fer fram frá Innri-Njarðvíkurkirkju þriðjudaginn 9. mars kl. 13.00.
Guðrún Þórlaug Jóhannesdóttir, Hafsteinn Alfreðsson,
Guðfinna Ása Jóhannesdóttir,
barnabörn og barnabarnabörn.
✝
Okkar elskulega móðir, amma, langamma, systir
og frænka,
SALÓME SIGFRÍÐUR SIGFÚSDÓTTIR
Lóló,
Frá Stóru–Hvalsá,
Hrútafirði,
lést á Vistheimilinu Holtsbúð Garðabæ föstudaginn
26. febrúar.
Útförin verður frá Hafnarfjarðarkirkju þriðjudaginn
9. mars kl. 15.
F.h. aðstandenda,
Ari Kristinn Garðarsson.
✝
Elskulegur faðir okkar, tengdafaðir, afi og langafi,
JÓHANN S. KRISTMUNDSSON
múrarameistari,
áður til heimilis
Skógargerði 1,
lést á Skjóli miðvikudaginn 3. mars.
Útför hans fer fram frá Bústaðakirkju þriðjudaginn
9. mars kl. 15.00.
Jónína Jóhannsdóttir, Sigurður G. Benediktsson,
Sigurður Jóhannsson, Halldóra Ríkarðsdóttir,
Vilborg Jóhannsdóttir, Reynir Sverrisson,
Óskar Jóhannsson, Jórunn Jónsdóttir,
Sigrún Jóhannsdóttir,
barnabörn og barnabarnabörn.
✝
Ástkær móðir okkar, tengdamóðir, amma og lang-
amma,
SIGURBJÖRG ÞORSTEINSDÓTTIR,
Hrafnistu Reykjavík,
áður til heimilis
Kirkjuvegi 12,
Keflavík,
lést mánudaginn 1. mars.
Útförin fer fram frá Keflavíkurkirkju fimmtudaginn 11. mars kl. 14.00.
Guðný Helga Jónsdóttir, Björn Baldursson,
Guðmundur Jónsson, Inga Ólafsdóttir,
Brynjar Jónsson,
barnabörn og barnabarnabörn.