SunnudagsMogginn - 14.11.2010, Blaðsíða 4

4 14. nóvember 2010
Mikið vatn hefur runnið til sjávar,
og margir lesið Harry Potter-bók
spjaldanna á milli síðan sú fyrsta
var gefin út í Bretlandi árið 1997.
Útgefandinn renndi blint í sjóinn,
vildi ekki taka neina áhættu og
lét því aðeins prenta 1.000 ein-
tök af bókinni í upphafi.
Nú hafa verið seld samtals 400
milljón eintök af bókum Rowling.
Bækurnar hafa verið þýddar á
69 tungumál, þar á meðal á latínu
og seldar í 200 löndum. Um er að
ræða sögurnar sjö af Potter og
þrjár aukaafurðir; verk sem tengj-
ast öll galdraheimunum vinsælu.
Aðgöngumiðar að sex fyrstu
Potter-kvikmyndunum hafa verið
seldir fyrir samtals 5,4 billjónir
dollara (5 þúsund og 4 hundruð
milljónir) á heimsvísu en það jafn-
gildir rúmlega 604 milljörðum
króna á núverandi gengi. Til sam-
anburðar má geta þess að lands-
framleiðsla á Íslandi var 1.500
milljarðar króna í fyrra og heildar-
útgjöld hins opinbera til heilbrigð-
ismála 125 milljarðar króna.
Mest kom í kassann vegna
fyrstu kvikmyndarinnar, sem
frumsýnd var 2001; þá seldust
aðgöngumiðar fyrir nærri milljarð
dollara, rúmlega 110 milljarða
króna á núvirði. Harry Potter-
tölvuleikir eru vinsælir en þeir
munu orðnir 17 og fyrsti skemmti-
garðurinn byggður á galdraheimi
Harrys Potter var opnaður í Or-
lando í Flórídaríki í sumar.
Aðgöngumiðar seldir fyrir 604 milljarða króna
Daniel Radcliffe sem Harry Potter í sjöundu og nýjustu kvikmyndinni.
Reuters
Ú
tvaldir fengu á fimmtudagskvöldið að
sjá sjöundu og næstsíðustu kvikmynd-
ina um ævintýri galdrastráksins Harrys
Potters, vina hans og óvina. Harry Pot-
ter og dauðadjásnin - fyrri hluti var sýnd með við-
höfn í London, að viðstöddum leikurum og öðrum
aðstandendum listaverksins, en opinber frumsýn-
ing verður svo víðs vegar um heiminn næsta
fimmtudag.
Fyrstu viðbrögð heimspressunnar við hinni nýju
ræmu benda til þess að hún sé góð en víða er raunar
tekið svo til orða að hér sé boðið upp á góðan forrétt
en aðalrétturinn sé bersýnilega eftir; síðasta mynd-
in (og sú seinni eftir síðustu bókinni) sem frumsýnd
verður næsta sumar.
Í fyrstu myndunum sex hefur verið fylgst með
Harry og vinum hans í Hogwarts galdraskólanum
og baráttu þeirra við Voldemort hinn illa; sá drap
foreldra Harrys og einlægur vilji hans er sá að koma
drengnum líka fyrir kattarnef.
Í þessari næstsíðustu mynd seríunnar hafa
Voldemort og hans slægu fylgifiskar enn eflst og
Harry er í stöðugri lífshættu.
Spennan óbærileg
Fram að þessu hefur atburðarásin mestmegnis orð-
ið innan veggja skólans eða í næsta nágrenni, en nú
halda vinirnir þrír í hættuför og koma víða við í
Bretlandi. Eins og nærri má geta er leik síðan hætt
þá hæst hann stendur, óvissan algjör og spennan
óbærileg og heimsbyggðin getur farið að hlakka til
sumarsins. Þá er næsta víst að boðið verður upp á
kynngimagnað lokauppgjör Potters og Voldemorts.
Hverjar lyktir verða er vitaskuld ekki vitað. Þeir
sem lesið hafa bókina eru væntanlega nær því en
aðrir en enginn veit fyrr en á reynir hvað kvik-
myndaleikstjórum getur dottið í hug …
Líf aðalleikaranna þriggja hefur verið sannkallað
ævintýri síðasta áratug og halda má fram, bæði í
gamni og alvöru, að þeir hafi nánast alist upp við
bíómyndagerð. Daniel Radcliffe sem leikur Harry er
nú 21 árs, Emma Watson (Hermoine) er tvítug og
Rupert Grint (Ron) er 22 ára.
Öll segjast þau hafa fyllst miklum söknuði þegar
tökum á síðustu myndinni lauk fyrr á þessu ári.
„Það var sorglegt augnablik; við grétum öll,“ sagði
Radcliffe fyrir sýninguna í London á fimmtudaginn.
Öll segja þau þó minningarnir um viðburðaríkan
áratug dýrmætar en nú sé rétti tíminn til þess að
taka næstu skref.
Bæði Radcliffe og Grint starfa sem leikarar en
Emma er í listnámi við bandarískan háskóla og segir
alls ekki víst að hún stígi framar á svið eða að sér
bregði fyrir á hvíta tjaldinu. Hún hefur upp á síð-
kastið fengist við fyrirsætustörf og hefur m.a. verið
„andlit“ tískufyrirtækisins Burberry.
Yates hæstánægður
Leikstjórinn David Yates kveðst hæstánægður með
að gerðar eru tvær kvikmyndir úr síðustu bók J.K.
Rowling um Potter og félaga þó vissulega hafi
ákvörðunin verið umdeild. „Mér fannst það hár-
rétt,“ segir hann og bætir við að einungis listrænar
forsendur hafi þar ráðið ferðinni; framleiðandinn,
Warner Brothers, hafi ekki farið þessa leið í því
skyni að þéna meira. Fjarri því.
Fyrri hluti bókarinnar er tiltölulega rólegur en
annað er upp á teningnum í þeim síðari. Þá byrjar
ballið. Og þar endar það líka – næsta sumar.
Fínn forréttur en
aðalrétturinn eftir
Rétti tíminn til að taka næstu
skref, segir Daniel Radcliffe
Harry Potter (Radcliffe), Ron (Grint) og Hermoine (Watson) árið 2010.
Reuters
Börnin Watson, Radcliffe og Grint árið 2000.
Reuters
Vikuspegill
Skapti Hallgrímsson skapti@mbl.is
J.K. Rowling, höfundur bók-
anna um Harry Potter og fé-
laga hans, hefur þénað vel á
ævintýrinu. Samkvæmt al-
þjóðlegum lista sem nýlega
var birtur eru auðæfi hennar
talin um 1 milljarður banda-
ríkjadala. Það samsvarar
tæplega 112 milljörðum ís-
lenskra króna.
Þrír aðalleikararnir eru allir
vellauðugir þótt þeir séu enn
ungir að árum. Daniel Rad-
cliffe, sem farið hefur með
hlutverk sjálfs Harrys Potter
frá upphafi, hefur þénað um 8
milljarða króna fyrir leikinn
síðasta áratug skv. lista The
Sunday Times. Radcliffe er
21 árs. Emma Watson (Her-
mione), sem er árinu yngri,
hefur skv. sama lista þénað
tæpa 4 milljarða króna og Ru-
per Grint (Ron) samtals 3,6
milljarða. Grint er 22 ára.
Á myndinni er Rowling um-
kringd aðdáendum í Dan-
mörku þegar hún tók nýverið
á móti alþjóðlegu barna-
bókaverðlaununum sem
kennd eru við H.C. Andersen.
Rowling þénar
á tá og fingri