SunnudagsMogginn - 14.11.2010, Side 8

8 14. nóvember 2010
Bush lýsir ýmsum leiðtogum í bókinni. Hann fer mjög
fögrum orðum um samband sitt við Tony Blair, fyrrver-
andi forsætisráðherra Bretlands, eins og búast má við,
en einna versta einkunn fær Gerhard Schröder, fyrrver-
andi kanslari Þýskalands. Bush kveðst hafa sagt við
Schröder á fundi í Hvíta húsinu í janúar 2002 að hann
vildi láta reyna á samninga til fulls, en ef nauðsyn krefði
mundi hann ráðast inn í Írak. Síðan hefur Bush eftir
Schröder: „Það sem gildir um Afganistan gildir um Írak.
Þjóðir, sem styðja hryðjuverk, verða að taka afleiðing-
unum. Ef þú ferð fram hratt og örugglega stend ég með
þér.“ Schröder lagðist síðan gegn því að ráðist yrði inn í
Írak og sú andstaða átti þátt í að hann náði endurkjöri í
september 2002. Bush lýsir því í bókinni að sér hafi
sárnað að Schröder skyldi ganga á bak orða sinna.
Schröder lýsti hins vegar yfir því í liðinni viku að hann
hefði sagt Bush að hann myndi „standa hliðhollur með
Bandaríkjunum“ ef sannað yrði að Írakar hefðu skotið
skjólshúsi yfir þá, sem stóðu á bak við hryðjuverkin 11.
september. „En þau tengsl, eins og kom fram 2002,
voru röng og tilbúin … Eins og við vitum í dag voru
ástæður stjórnar Bush fyrir Íraksstríðinu byggðar á lyg-
um.“
Segir Schröder hafa
brugðist trúnaði
George W. Bush og Gerhard Schröder fyrir utan
Gutenberg-safnið í Mainz í Þýskalandi 2005.
Reuters
L
ítið hefur farið fyrir George W. Bush, fyrr-
verandi forseta Bandaríkjanna, frá því
hann lét af embætti fyrir tæpum tveimur
árum. Hann var áberandi fyrirferðarlítill í
aðdraganda þingkosninganna 2. nóvember þar sem
flokkur hans, repúblikanar, náði meirihluta í full-
trúadeild þingsins og saxaði verulega á meirihluta
demókrata í öldungadeildinni. Ólíkt varaforseta sín-
um, Dick Cheney, hefur Bush látið hjá líða að gagn-
rýna Barack Obama, eftirmann sinn. Nú er Bush
hins vegar í öllum fjölmiðlum. Út eru komnar end-
urminningar hans, Decision Points, þar sem hann
fjallar um umdeildustu mál forsetatíðar sinnar.
Bush sagði í viðtali um bókina á miðvikudag að
hann bæri að hluta til sök á efnahagshruninu 2008,
en kvaðst vera með „hreina samvisku“ hvað snerti
ástæðurnar fyrir því.
Í bókinni ver Bush innrásina í Írak og yf-
irheyrsluaðferðir þar sem hinir grunuðu voru reyrð-
ir á bretti og kaffærðir í vatni. „Ég fann sterka sann-
færingu fyrir ákvörðunum mínum og fannst að
sagan myndi skilja þær,“ sagði Bush í viðtali við Op-
ruh Winfrey í upphafi liðinnar viku.
Bush viðurkenndi að of hratt hefði verið fækkað í
herliði í Írak í kjölfar innrásarinnar í mars 2003 og
það hefði ýtt undir glundroðann í landinu. Hann
sagði einnig að meðferð á föngum í Abu Ghraib-
fangelsinu í Bagdað hefði komið sér í opna skjöldu
og það hefðu verið gríðarleg vonbrigði að ekki
skyldu finnast gereyðingarvopn í Írak.
„Enginn var meira hissa eða reiðari en ég þegar
við fundum ekki vopnin,“ skrifar Bush. „Ég fann
fyrir lamandi tilfinningu í hvert skipti sem ég hugs-
aði um það. Ég geri það enn.“
Bush lýsir því í bókinni að hann hafi sjálfur fyr-
irskipað að Khalid Sheikh Mohammed, sem við-
urkenndi að hafa verið heilinn á bak við hryðju-
verkin 11. september 2001, skyldi kaffærður með
orðunum: „Fjandinn, já.“
Hann bætir því við að lögmenn bandarískra yf-
irvalda hafi gefið grænt ljós á að þessari aðferð yrði
beitt og segir bæði „móðgandi og rangt“ að halda því
fram að bandarísk lög hafi verið brotin við yf-
irheyrslurnar. Bush heldur því sömuleiðis fram að
með þessum aðferðum hafi fengist mikilvægar upp-
lýsingar, sem bjargað hafi mannslífum, meðal ann-
ars hafi verið komið í veg fyrir ráðabrugg um að
ráðast á Heathrow-flugvöll og Canary Wharf í
London.
Talsmaður David Cameron, forsætisráðherra
Bretlands, vildi ekki tjá sig um þessar fullyrðingar
Bush, en sagði að breska stjórnin skilgreindi kaf-
færingaraðferðina sem pyntingar: „Við hvorki líð-
um þær, né biðjum aðra um að beita þeim í okkar
þágu.“
Bush segir að stjórnvöld hafi getað staðið sig mun
betur þegar fellibylurinn Katrína gekk yfir 2005.
Bush var gagnrýndur fyrir að skoða tjónið aðeins úr
lofti. Hann segir að það hafi verið mikil mistök
vegna þess að svo hafi virst sem hann hafi ekki haft
jarðsamband og stæði á sama, en það hefði tafið
fyrir björgunarstarfinu að lenda. Söngvarinn Kanye
West sagði að þetta sýndi að Bush stæði á sama um
blökkumenn, sem væru í meirihluta íbúa í New Or-
leans, sem fór illa út úr flóðum vegna fellibylsins.
„Ég skil að svo hafi virst sem Bush væri kannski
sama,“ sagði Bush. „En að saka mig um að vera
kynþáttahatari er ógeðfellt.“
West hefur nú dregið í land og kvaðst á miðviku-
dag ekki hafa haft „ástæðu til að kalla hann kyn-
þáttahatara“. Bush kvaðst aðspurður kunna að
meta þessa yfirlýsingu söngvarans.
Byggt á AFP, BBC og The New York Times.
George W. Bush segir að 2008 hafi Rússland farið í stríð við Georgíu,
fellibylurinn Ike valdið glundroða á ströndum Bandaríkjanna og heims-
kreppa dunið á um leið og Bandaríkin voru á kafi í átökum í Afganistan
og Írak: „Þetta var aldeilis ljót leið til að ljúka setunni á forsetastóli.“
Reuters
Kveðst vera með
hreina samvisku
George W. Bush fjallar um
forsetatíð sína í nýrri bók
Vikuspegill
Karl Blöndal kbl@mbl.is
Bush sárnuðu ummæli rapparans Kanye West um
að honum stæði á sama um blökkumenn.
Reuters
George W. Bush segir í end-
urminningum sínum að hann
hafi talað fyrir trúfrelsi í sam-
tölum sínum við Jiang Zemin,
fyrrverandi forseta Kína, með
því að segja að trúað fólk
gæti verið „friðsælir og fram-
leiðnir borgarar“ og sagst
leita daglega í Biblíuna. „Ég
hef lesið Biblíuna,“ svaraði
forseti Kína. „En ég treysti
ekki því sem í henni stendur.“ Bush og Zemin í Sjanghaí 2005.
Reuters
Treysti ekki
ritningunni
- nýr auglýsingamiðill
569-1100
finnur@mbl.is
–– Meira fyrir lesendur
- nýr auglýsingamiðill