Skólablaðið - 01.03.1987, Síða 52

52 SKÓLABLAÐIÐ
Semsé
Flugleiðis til
ísafjarðar
Það var rúmlega, en samt
ekki nóg.
Bilið var óstaðfest.
Seinkun um stundarsakir.
Stundarfjórðungur.
Leiðindi hérna megin við
skilrúmið.
Var bil beggja viðeigandi?
Nei var já, sagði hann, ómur
hafgolunnar er öskur þagnarinnar.
Stundastund.
Bíðum enn!
'87.
Nóttin ein.
Mér fannst það svo skrýtið
þegar dagurinn hvarf
og kom aldrei aftur.
Nóttin langa, sem
ég svo lengi hafði óttast,
braust inn í
líf mitt, hvernig svo
sem ég reyndi að bægja
henni frá. Mistök
gærdagsins verða ekki
tekin aftur.
Leit
Yfir fjöll fór ég og hæðir líka
til að líta þann mann augum
er breytt gæti manneskjunni.
Égsá hann aldrei.
Kannski þessi sögn hafi bara
verið þjóðsaga, ósk fólks um
að vera eitthvað annað en
það er.
'84
Hugurinn segir eitt,
draumurinn annað
og verkið hitt.
— Takist að samræma
þetta þrennt er fullkomnuninni
náð...
'86
'86.