Morgunblaðið - 25.05.2010, Blaðsíða 15

Fréttir 15ERLENT
MORGUNBLAÐIÐ ÞRIÐJUDAGUR 25. MAÍ 2010
Baldur Arnarson
baldura@mbl.is
Óstaðfestar fréttir í gærkvöldi bentu
til að mannfall hefði orðið í áhlaupi
hers og lögreglu á Jamaíku á vígi
fylgismanna glæpaforingja í fátækra-
hverfi höfuðborgarinnar Kingston.
Styrjaldarástand er í hverfinu
eftir að upp úr sauð í kjölfar þess að
stjórnvöld ákváðu að framselja eitur-
lyfjabaróninn Christopher „Dudus“
Coke til Bandaríkjanna.
Glæpagengi á bandi Coke brugð-
ust við með árásum á lögreglumenn
um helgina með þeim afleiðingum að
tveir laganna verðir lágu í valnum.
Stjórnvöld biðu þá ekki boðanna
heldur lýstu yfir neyðarástandi í
tveimur borgarhlutum höfuðstaðar-
ins Kingston, St. Andrew og West
Kingston, á sunnudagskvöld, en í
þeim síðarnefnda er að finna fátækra-
hverfið Tivoli Gardens.
Gera hverfið að vígi sínu
Hverfið minnir nú á allt annað en
skemmtigarð því glæpagengi á bandi
Coke hafa reist þar vegatálma til að
torvelda her og lögreglu aðgang að
svæðinu þar sem glæpaforinginn er
talinn hafast við ásamt vopnuðu liði.
Skotið var á lögreglu er hún reyndi að
ryðja tálmunum úr vegi í gær.
Það var víðar róstusamt á eyj-
unni, fv. nýlendu Breta, í gær því í um
20 mín. akstursfjarlægð frá höfuð-
borginni, nánar tiltekið í bænum
Spanish Town, lokaði glæpalýður fjöl-
förnum vegi og brú sem tengir borg-
ina Montego Bay við Kingston.
Nokkuð bar á gripdeildum í
Kingston en óeirðaseggir kveiktu
m.a. í yfirgefinni lögreglustöð þegar
lögregla lagði á flótta á sunnudag.
Bendlaður við hrinu morða
Glæpaforinginn Coke er eftir-
lýstur í Bandaríkjunum vegna gruns
um stórfelld fíkniefnabrot, einkum og
sér í lagi dreifingu kókaíns, „krakks“
og marijúana, á markað í New York,
og aðild að tugum, ef ekki hundruðum
morða í kókaínstríðinu svokallaða á
eyjunni á níunda áratug síðustu aldar.
Coke á sér marga fylgismenn og
það virkaði því eins og olía á eldinn
þegar Bruce Golding, forsætisráð-
herra Jamaíku, skýrði frá því í síðustu
viku að til stæði að framselja Coke.
Stjórnvöld á Jamaíku höfðu áður
hafnað slíkri framsalsbeiðni og þótti í
kjölfarið gæta nokkurs kulda í sam-
skiptunum við Bandaríkin.
Coke segist ekki munu gefa sig
fram en hann lýsir sér sem leiðtoga
hreysabyggðarinnar í Tivoli Gardens.
Reuters
Girt af Fylgismenn Coke reistu
vegatálma í fátækrahverfinu.
Neyðarástand í
höfuðborg Jamaíku
 Fátækrahverfi þar sem eiturlyfjabarón er talinn leynast
lokað af  Upp úr sauð þegar ákveðið var að framselja hann
5 km
* Klukkan 18.00 að íslenskum tíma.
NEYÐARÁSTAND
Á JAMAÍKU
BANDARÍKIN JAMAÍKA
J A M A Í K A
Neyðarástandi var lýst yfir klukkan
18.00 að staðartíma á sunnudag*
St. Andrew
Kingston
Kar íbahafið
Tivoli Gardens Farartálmum
var komið fyrir í fátækrahverfinu
þar sem eiturlyfjabaróninn var
talinn hafast við í fylgsni sínu.
Stjórnvöld í Suð-
ur-Kóreu hafa
lokað fyrir öll við-
skipti við Norður-
Kóreu eftir að
spennan í her-
skipadeilunni
stigmagnaðist um
helgina.
Lee Myung-
bak, forseti Suð-
ur-Kóreu, greindi frá þessu í ávarpi í
gær þar sem hann tilkynnti meðal
annars að hafið yrði áróðursstríð
gegn N-Kóreu með útsendingum
ætluðum hermönnum grannríkisins.
Stórnmálaskýrendur segja skref-
ið ganga stríðsyfirlýsingu næst en til
marks um alvöru bannsins fara um
14,5% af viðskiptum Norður-Kóreu
fram við nágrannann í suðri. Bannið
yrði því þungt högg fyrir veikburða
hagkerfi einræðisríkisins.
Hillary Clinton, utanríkisráðherra
Bandaríkjanna, er nú í opinberri
heimsókn í Peking en þar sagði hún
S-Kóreu hafa fullan stuðning stjórn-
ar Baracks Obama forseta. Þá íhuga
Japanar að beita viðskiptaþving-
unum gegn Norður-Kóreu í sam-
vinnu við Bandaríkin.
Undirbúa heræfingar
Bandaríkin hafa herstöð í Suður-
Kóreu og undirbúa nú sameigin-
legar heræfingar með sjóher lands-
ins í „náinni framtíð“ eins og það er
orðað í yfirlýsingu frá bandaríska
varnarmálaráðuneytinu.
Eins og vænta má er dregin upp
allt önnur mynd af rás atburða í
norðurkóreskum ríkisfjölmiðlum en
þar er rannsókn á tildrögum þess að
herskipið Cheonan sökk lýst sem
„óþolandi“ og „alvarlegri ögrun“.
Kínastjórn er helsti bandamaður
Norður-Kóreu en hún hefur staðið á
hliðarlínunni og hvatt til stillingar.
Loka á N-Kóreu
 Suður-Kórea hættir öllum viðskiptum við granna sinn
 Japanar íhuga refsiaðgerðir  Bandaríkin senda kafbáta
KAFBÁTAFLOTI NORÐUR-KÓREU
Fram kemur í rannsókn suðurkóreskra embættismanna að nokkrir kafbátar og
móðurskip sem stýrði för hafi látið úr höfn í Norður-Kóreu 2-3 dögum fyrir árásina
og hafi svo snúið aftur til hafnar 2-3 dögum eftir hana.
KAFBÁTAR Gerð Fjöldi Áhöfn Tundurskeyti
MINNI KAFBÁTAR
Romeo
Whiskey
22
4
51
54
53cm, 8 skotraufar
53cm, 6 skotraufar
SSC Sang-O
SSI
26
45
19
45
53cm, 4 skotraufar
-
CHS-02D TORPEDO
Brot úr tundurskeyti sem sjóher
Norður-Kóreu notar jafnan fundust
á hafsbotni þar sem suðurkóreska
herskipinu var sökkt, að því er
fullvíst þykir.
Merkingar með kóresku
letri á brotunum sem fundust
eru sagðar í samræmi við
brot sem hafa áður fundist
á norðurkóresku tundurskeyti.
Skemmdir á Cheonan benda til að það
hafi orðið fyrir höggbylgju af völdum
tundurskeytis af sambærilegri gerð.
Þvermál: 53 cm Þyngd: 1,7 tonn Þyngd sprengjuhleðslu: 250 kg
Skrúfumótor
Öxull Aftari hluti
drifbúnaðar
Skrúfa
Brot sem
fundust
SUÐURKÓRESKU HERSKIPI ER SÖKKT
Heimildir: Reuters, vefsíðurnar Globalsecurity.org og Freerepublic.com og fréttaskeyti
Sannanir Suður-Kóreu fyrir því að Norður-Kórea sökkti herskipinu Cheonan
Lee Myung-bak
Verulega dró úr barnadauða hjá
börnum sem eru yngri en 5 ára á
tímabilinu 1990 til 2010 en á fyrra
árinu létust 11,9 milljónir barna á
þessum aldri en 7,7 milljónir síðara
árið, þrátt fyrir mikla fjölgun jarð-
arbúa á áratugunum tveimur.
Minnkunin er meiri en ráð var
fyrir gert að því er fram kemur í
nýrri rannsókn stofnunarinnar
Institute for Health Metrics and
Evaluation, rannsóknarstofnunar
við University of Washington.
Árið 1990 voru jarðarbúar um
5,3 milljarðar en til samanburðar er
nú talið að þeir nálgist 6,9 millj-
arða. Mismunurinn er 1.600 millj-
ónir manna, ríflega fimmfaldur
íbúafjöldi Bandaríkjanna.
Barnadauði minnkar á öllum
heimssvæðum og samanlagt um
35% miðað við árið 1990.
0.0
BARNADAUÐI Í HEIMINUM
* Heimild: The Institute for Health Metrics and Evaluation. IHME er rannsóknarsetur við
University of Washington. SAF er skammstöfun fyrir Sameinuðu arabísku furstadæmin.
Á hvert þúsund
Minnkun á tímabilinu 1990-2010 í %
Mestu framfarirnar Minnstu framfarirnar
150 og upp úr
100 til 149
50 til 99
25 til 49
15 til 24
10 til 14
5 til 9
4 til 5
Færri en 4
0 2 4 6 8 10 12
Tékkland
Egyptaland
Srí Lanka
Víetnam
Túrkmenistan
Óman
Portúgal
Kýpur
SAF
Maldíveyjar
-2 -1 0 1 2 3
Svasíland
Antígva og Barbúda
Lesótó
Miðbaugs-Gínea
Kongó
Simbabve
Grenada
Botsvana
Suður-Afríka
Trínidad og Tóbagó
Barnadauði
hjá börnum
undir 5 ára
aldri 2010*
Tíðni barnadauða dregst
saman hraðar en spáð var