Fréttablaðið - 15.10.2011, Side 30

15. október 2011 LAUGARDAGUR30
L
ars Lagerbäck virk-
ar sem afar geðugur
maður. Hann ber sig
vel, er yfirvegaður,
kurteis og spar á allar
stórar yfirlýsingar.
Hann virkar lítillátur. Kollegar
mínir í Svíþjóð segja að hann sé
frekar þurr á manninn og gefi
lítið af sér. Ekki ætla ég að leggja
dóm á það, enda kom Lagerbäck
afar vel fyrir í gær og almenn
jákvæðni var meðal íslenskra fjöl-
miðlamanna með fyrstu kynnin af
Svíanum.
„Ég á tvö börn og konu. Ég get
sagt þér að börnin mín eru 40 og
36 ára. Meira ræði ég ekki um
fjölskylduna, enda hef ég aldrei
viljað tala um einkalíf mitt. Það
breytist ekkert núna,“ sagði
Lagerbäck og brosti vinalega til
blaðamanns, sem brosti á móti
enda tilgangur viðtalsins ekki að
þjarma að þjálfaranum um einka-
líf hans. Blaðamaður hafði meiri
áhuga á viðhorfi hans til fótbolt-
ans og hvernig hann ætlaði sér
eiginlega að koma landsliðinu
okkar í gang eftir allt of mörg
vonbrigðaár.
„Ég var alltaf spenntur fyrir
því að taka við íslenska landslið-
inu. Ég hef haft gaman af því að
koma til landsins og líkar afar vel
við fólkið. Ég hef þess utan allt-
af borið virðingu fyrir íslenskum
fótbolta og þegar ég stýrði Svíum
gegn Íslandi tók ég þá leiki mjög
alvarlega,“ sagði Lagerbäck, en
það kemur kannski einhverjum
á óvart að hann sé á þeirri skoð-
un að heimamaður eigi að þjálfa
landsliðið. „Ég tel það vera best
að heimamaður þjálfi landslið. Sá
maður finnst samt ekki alltaf og
það er mér mikil ánægja að koma
hingað og deila minni reynslu
með íslenskum þjálfurum.“
Lagerbäck tekur ekki form-
lega við liðinu fyrr en um áramót
en mun eðlilega byrja að leggja
grunninn að sinni vinnu sem
fyrst.
„Íslenska landsliðsþjálfara-
starfið er áhugavert starf. Það
sem ég þekki til Íslendinga er
gott. Þeir hafa jákvætt hugarfar,
eru duglegir og leggja hart að
sér. Það eru að koma upp efnileg-
ir strákar í landsliðið. Allt þetta
gerir verkefnið spennandi,“ sagði
Lagerbäck, en hann viðurkennir
fúslega að þekkja ekki mikið til
íslensku leikmannanna.
„Ég hef ekki fylgst vel með lið-
inu og aðeins séð það spila gegn
Noregi í Ósló. Ég sá aðeins til
U-21 árs liðsins á EM í Danmörku
og svo hef ég séð Kolbein Sig-
þórsson spila með Ajax. Ég við-
urkenni því að ég þarf að kynna
mér strákana í liðinu og fer í það
fljótlega að skoða myndbönd með
leikjum íslenska liðsins.“
Lagerbäck segist koma að
algjörlega hreinu borði. Hann
þekki ekki forsögu liðsins og
gagnrýni um agaleysi. Allir leik-
menn munu byrja með hreint borð
hjá honum er hann sest í þjálfara-
stólinn eftir áramót.
Setti Zlatan í skammarkrókinn
Það orð fer af Lagerbäck að hann
sé harður í horn að taka og sætti
sig illa við agaleysi. Það fékk stór-
stjarnan Zlatan Ibrahimovic að
reyna á sínum tíma. Hann braut
þá agareglur landsliðsins er hann
var of lengi úti á lífinu. Lagerbäck
tók hann engum vettlingatökum
heldur henti honum út úr lands-
liðinu.
„Vonandi verða engin aga-
vandamál í íslenska landsliðinu.
Ég mun gera leikmönnum lands-
liðsins grein fyrir því að til þess
að ná árangri þurfa menn að vera
agaðir innan sem utan vallar. Ég
mun gera þeim það alveg ljóst og
ef menn geta ekki farið eftir því
sem ég legg upp með spila þeir
ekki með landsliðinu. Allir leik-
menn þurfa að vera 100 prósent
tilbúnir fyrir landsliðið,“ sagði
Lagerbäck en telur hann sig vera
harðstjóra?
„Nei, ég er alls enginn harð-
stjóri. Ég er samt ekki hræddur
við að taka erfiðar ákvarðanir. Ef
leikmaður hagar sér ekki á réttan
hátt þarf að taka í taumana. Ég er
þess utan alltaf til í viðræður og
trúi á að menn geti skipst frjáls-
lega á skoðunum. Það er mjög
mikilvægt. Það er best ef allir ná
saman og eru á sömu línu. Þegar
ég var með sænska liðið töluðum
við allir mikið saman og bjugg-
um til sterka liðsheild. Það skil-
aði sænska liðinu þessum fína
árangri undir minni stjórn,“ sagði
Svíinn, sem kom sænska landslið-
inu á fimm stórmót í röð.
Ekki pláss fyrir þá sem brjóta
viljandi agareglur
Þó svo að Lagerbäck sé óhrædd-
ur við að taka erfiðar ákvarðanir
og taki fast á agamálum vill hann
hafa sem fæstar reglur.
„Þegar ég var með sænska
landsliðið voru ekki margar regl-
ur. Leikmenn vissu samt að þeir
gætu ekki verið að fá sér í glas
og fara út á lífið þegar þeir voru
með landsliðinu. Ef ég lendi í því
að einhver leikmaður íslenska
liðsins brýtur agareglur mun
ég byrja á því að spyrja viðkom-
andi út í málið. Kannski er eðli-
leg skýring og þá finnur maður
lausn á vandamálinu. Ef einhver
er aftur á móti að brjóta agaregl-
ur viljandi er ekkert pláss fyrir
viðkomandi leikmann í landslið-
inu.“
Lagerbäck spilaði leikkerfið
4-4-2 með Svíum. Ísland hefur
meira og minna verið að spila
4-5-1 síðustu ár. Hvernig sér Sví-
inn fyrir sér að íslenska liðið
spili undir hans stjórn?
„Það er of snemmt að segja
hvernig ég læt liðið spila. Ég vil
hafa ellefu bestu leikmennina inn
á hverju sinni. Ég mun samt allt-
af spila með fjóra varnarmenn.
Ég vil líka spila svæðisvörn.
Hvernig ég útfæri sóknarleikinn
á eftir að koma í ljós og mun líka
velta á því hvaða leikmenn standa
mér til boða hverju sinni. Ég kýs
helst að spila með tvo framherja
en hvort það gengur með íslenska
liðið á eftir að koma í ljós.“
Eyjamaðurinn Heimir Hall-
grímsson mun aðstoða Lagerbäck
en hvernig verður hans aðstoðar-
lið þess utan? „Ég vil helst hafa
sem fæsta aðstoðarmenn. Því
fleiri sem koma að málum, þeim
mun flóknari verður vinnan. Í
kringum liðið vil ég hafa mark-
varðaþjálfara, aðstoðarþjálfara
og svo þarf ég að minnsta kosti
einn útsendara sem njósnar um
andstæðinga okkar. Svo þarf
myndbandasérfræðing og það
verður líklega Heimir til að byrja
með,“ sagði Lagerbäck, sem mun
ekki flytja til landsins enda er
hann nær flestum landsliðsmönn-
um okkar í Svíþjóð.
„Ég mun engu að síður reyna
að koma hingað eins oft og ég
þarf. Það er samt auðveldara
fyrir mig að hitta leikmennina ef
ég verð áfram í Svíþjóð. Ég mun
síðan reyna að eiga gott samband
við þjálfarana á Íslandi og funda
með þeim.“
Óttaðist veðrið á Íslandi en ekki
Laugardalsvöll
Það hefur ekki hjálpað lands-
liðinu á undanförnum árum að
heimavöllur Íslands, Laugar-
dalsvöllur, er ekki nein gryfja.
Áhorfendur eru langt frá vell-
inum og láta þess utan lítið í sér
heyra. Lagerbäck hefur stýrt liði
á Laugardalsvelli gegn Íslandi
og segir það ekki hafa verið ógn-
vekjandi reynslu.
„Það sem maður óttaðist við
að koma til Íslands var veðrið en
ekki áhorfendurnir og völlurinn.
Það er mikilvægt að eiga sterk-
an heimavöll sem andstæðingur-
inn óttast. Það er ekki hægt að
byggja upp hræðslu fyrir vell-
inum fyrr en árangurinn kemur.
Þá kemur líka meiri stemning í
stúkuna og leikmennina. Þeir
trúa því að þeir geti náð árangri
á heimavelli. Við þurfum því ein-
faldlega að byrja að vinna leiki,“
sagði Lagerbäck kíminn. Þetta er
ekki svo flókið eftir allt saman.
henry@frettabladid.is
Ég er alls enginn harðstjóri
Hinn 63 ára gamli Svíi Lars Lagerbäck var í gær ráðinn þjálfari karlalandsliðsins í knattspyrnu. Þetta er í annað sinn sem hann
þjálfar utan Svíþjóðar. Henry Birgir Gunnarsson settist niður með Lagerbäck í gær og ræddi að sjálfsögðu við hann um fótbolta og
hvernig hann ætlaði að haga sinni vinnu með landsliðið. Lagerbäck segist ætla að taka hart á agabrotum.
TEKUR HART Á AGABROTUM Lars Lagerbäck er óhræddur við að taka á agabrotum og segir að ekkert pláss sé fyrir þá í landsliðinu sem brjóti agareglur. Hann segir mikilvægt
að leikmenn haldi aga innan sem utan vallar. FRÉTTABLAÐIÐ/VILHELM
Þegar menn hugsa um Svíþjóð dettur flestum í hug munntóbak eða snus. Ótrúlegur fjöldi
Svía tekur í vörina og það þykir hinn eðlilegasti hlutur í Svíþjóð. Það lá því beint við að
spyrja Svíann hvort hann notaði munntóbak?
„Ég gerði það á sínum tíma. Ég byrjaði 15 ára gamall en hætti fyrir HM 2010.
Ég tók því ansi lengi í vörina og löngunin hverfur ekki. Ég á það til að fá mér í
vörina ef einhver vinur minn býður mér upp á það en ég nota ekki munntóbak
að staðaldri,“ sagði Lagerbäck, en honum var ekki kunnugt um að KSÍ stæði fyrir
átakinu „Bagg er bögg“ sem er ætlað að draga úr munntóbaksnotkun.
„Það er þá gott að ég er hættur fyrst KSÍ er í þessu átaki.“
Átakið varð fyrir ákveðnu áfalli þegar forveri Lagerbäcks, Ólafur Jóhannes-
son, sást með neftóbak í leik hér heima á dögunum. Hann baðst þá afsök-
unar og lofaði að gera það aldrei aftur.
Ólafur stóð þó ekki við loforðið því í lokaleik hans í Portúgal sást aftur til hans
með tóbakshornið á bekknum.
■ HÆTTUR AÐ TAKA Í VÖRINA