Fréttablaðið - 15.10.2011, Qupperneq 40

15. október 2011 LAUGARDAGUR40
1. Á sláturmarkaðnum
Það fyrsta sem þú þarft
að gera er að bregða
þér út í næsta slátur-
markað, til dæmis hjá
Hagkaupum eða í Nóatúni.
Eitt slátur inniheldur eina
lifur, tvö nýru, eitt hjarta,
einn sviðahaus, einn poka
af lambamör, eina vömb og
lambablóð. Þetta er ýmist
hægt að kaupa frosið eða
ferskt. Ef nokkrir eru
saman um sláturgerðina
tekur því varla að taka
minna en fimm slátur. Úr
þeim fást um það bil 25
keppir.
2. Gert að vömbum
Þegar heim er komið
hefst undirbúningur.
Gott er að byrja á
því að skella vömb-
unum ofan í kalt
vatn. Þær þarf að
hreinsa. Gott er að skafa þær
létt að innanverðu, en þess þarf
þó að gæta að þynna þær ekki
um of. Hverri vömb er svo skipt
upp í fjóra til fimm hluta. Því
næst eru þær saumaðar saman
með grófu spori. Skilja þarf
eftir nógu stórt gat til að hægt
sé að troða í þær.
3. Mörinn skorinn
Hefjist þá handa við að hakka
mörinn. Það er gott að hafa
hann í um það bil eins sentí-
metra þykkum bitum. Stund-
um eru dökkir fitukirtlar í
mörnum. Þá þarf að skera
frá.
4. Lifrin hökkuð
Þá er komið að lifrinni.
Hún er hreinsuð og allar
himnur skornar í burtu. Þá
er hún skorin í bita og sett í
gegnum hakkavélina. Sumir
láta hana renna tvisvar í gegn.
Sláturgerð skref fyrir skref
Manstu þegar þú fékkst heitt slátur með kartöflum, rófustöppu og uppstúf hjá ömmu og afa í gamla daga? Langar þig að endur-
skapa slíka stund en fallast þér hendur við hugmyndina um sláturgerð? Örvæntu ekki. Fylgdu þessum leiðbeiningum Hólmfríðar
Helgu Sigurðardóttur og þú munt áreynslulaust skapa þér þjóðlegan sess í sætum minningum þinna eigin afkomenda.
Nú getur þú byrjað að útbúa blöndurnar. Ef þú ætlar að útbúa bæði
blóðmör og lifrarpylsu þarftu að hafa þetta við höndina
6. Troðið í keppi
Þá er komið að því að troða í
keppinn. Gættu þess að fylla
hann ekki meira en rúmlega til
hálfs. Ef keppurinn er of fullur
getur hann sprungið við suðu.
Þegar búið er að fylla hann er
saumað fyrir með slátur garni.
Að lokum eru nokkur göt stung-
in í keppinn með nálinni eða
gaffli.
7. Slátrið er tilbúið!
Lokaskrefið er að sjóða slátrið
í tvo og hálfan tíma og útbúa
á meðan meðlæti á borð við
soðnar kartöflur, rófustöppu og
uppstúf. Ef þú hefur ekki lyst á
að snæða slátur strax að loknu
þessu umstangi er best er að
láta hvern kepp í frystipoka og
beint í frysti. Þeir þjóðlegustu
sjóða hluta af slátrinu og setja
það í súr sem þeir snæða svo
með bestu lyst á þorranum.
5. Öllu blandað saman
Þú færð þér stóran pott, eða bala,
eftir magni, skellir öllum efnunum
í og hrærir vel. Gott er að byrja á
lifrinni / vatnsblönduðu blóðinu,
bæta svo við þurrefnunum og enda
á mörnum. Blandan er tilbúin þegar
sleif getur staðið í henni.
Lifrarpylsa
1 lifur
2 nýru – má sleppa
½ l nýmjólk
100 g haframjöl
100 g hveiti
250 g rúgmjöl
500 g mör
1 msk. gróft salt
Blóðmör
1 l blóð
½ l vatn
400 g haframjöl
800 g rúgmjöl
500 g mör
2-3 msk. gróft salt
LIFUR NÝMJÓLK HAFRAMJÖL RÚGMJÖL BLÓÐ VATN
+ + + + + + +
MÖR GRÓFT SALT
2
7
1
6
3
4