Fréttablaðið - 15.10.2011, Qupperneq 94

15. október 2011 LAUGARDAGUR62
★★★★
Beach House
Hafnarhúsið
Dáleiðandi
flutningur
Dúettinn Beach House var tríó á
sviði Hafnarhússins á fimmtudags-
kvöld. Hljómsveitin byrjaði á lögum
af einni af plötum ársins 2008, hinni
stórkostlegu Devotion, og dáleiddi
áhorfendur, sem voru ennþá sveittir
eftir stórkostlega tónleika Retro
Stefson.
Beach House flutti eldra efni í
bland við nýtt og gerði það nánast
óaðfinnanlega. Rödd söngkonunnar
Victoriu Legrand fyllti Hafnarhúsið og
áhorfendur voru vel með á nótunum.
Frábærir tónleikar með frábærri
hljómsveit, sem mætti snúa aftur
til Íslands sem fyrst og koma fram í
minni sal með stólum. - afb
★★★
Gísli Pálmi
Gaukur á Stöng
Sjóðheitt og
snaggaralegt
Rapparinn Gísli Pálmi hefur vakið
nokkra athygli fyrir myndbönd sín á
Youtube og því var nokkur eftirvænt-
ing eftir þessum fyrstu tónleikum
hans á Airwaves. Slatti af ungu
fólki var samankominn á Gauknum
og varð það ekki fyrir vonbrigðum
með sinn mann. Gísla virtist líða vel
á sviðinu og náði hann upp góðri
stemningu ásamt kollega sínum,
sérstaklega í laginu Set mig í gang.
Svo heitur var Gísli að ein stúlknanna
reyndi að rífa hann úr að ofan, sem
hann á endanum sá sjálfur um. Lögin
voru flest hver fín, taktarnir svalir
og rappromsur þeirra félaga margar
hverjar ansi snaggaralegar. - fb
Fimmtudagurinn 13. október
★★★
MI-GU
Norðurljós í Hörpu
Einfalt en áhrifa-
ríkt
Trommuleikarinn og söngkonan
Yuko Araki og gítarleikarinn Hirotaka
Shimmy Shimizu skipa MI-GU, en
þau eru bæði meðlimir í japönsku
sveitinni Cornelius. Yuko er frábær
trommari og einkar sjarmerandi
söngkona. Þó að tónlist MI-GU sé
einföld virkaði hún mjög vel. Gítarriff
Shimmys voru flott og trommuleikur
Yukoar fyllti vel út í. - tj
★★★
22-Pistepirkko
Norræna húsið
Afslappaðir rokk-
arar
„Hafið þið heyrt söguna um
finnsku hljómsveitina sem fór langt
út í heim til að spila en endaði svo
í húsi eftir Alvar Aalto?“ Eitthvað á
þessa leið hljómaði ein kynningin
hjá Finnunum í hljómsveitinni 22
Akurhænur, eða 22-Pistepirkko, sem
spilaði off-venue í Norræna húsinu á
fimmtudaginn. Finnarnir hafa spilað á
Íslandi áður og gert mikla lukku. Tón-
leikarnir í Norræna húsinu voru mjög
rólegir, eins og þeir kæmust ekki
almennilega í gang. Það er samt eitt-
hvað heillandi við þessa náunga og
það var gaman að endurnýja kynnin
við tónlistina þeirra. - tj
★★
Consortium Musicum
Norðurljós í Hörpu
Öflugur trommari
Consortium Musicum er samvinnu-
verkefni Sean Lennon, sem spilar
á gítar og bassa, og trommuleikara
Deerhoof, Greg Saunier. Þeir spiluðu
háværan spuna á fimmtudagskvöldið.
Greg sýndi að hann er hörkutromm-
ari og Sean átti spretti á gítarinn og
bassann. Þokkalegt en smá vonbrigði.
Maður bjóst við djarfari hlutum frá
þessum piltum. - tj
TÓNLEIKAVEISLAN HÉLT ÁFRAM Í BÆNUM
★★★★★
Retro Stefson
Hafnarhúsið
Meiriháttar
Það er ekki annað hægt en að taka
hattinn ofan fyrir þeirri hljómsveit
sem tekst að láta alla tónleikagesti
Hafnarhússins setjast niður á miðjum
tónleikum. Það gerði Retro Stefson við
dillandi sambatóna. Danssporin létu
ekki á sér standa og fór þar fremstur
í flokki Haraldur Ari Stefánsson, en
allar hljómsveitir ættu að íhuga það
að hafa einn Harald innanborðs. Það
dönsuðu allir með Retro Stefson.
Krakkarnir í Retro Stefson hafa
greinilega unnið heimavinnuna sína
og stóðu fyrir meiriháttar skemmtilegu
stuði. - áp
★★★★
Kreatiivmootor
Kaldalón í Hörpu
Teiknimyndahetja
á sýru
Það hefur ekki farið mikið fyrir
eistnesku hljómsveitinni Kreatiivmoo-
tor í kynningum fyrir Airwaves 2011.
Það sást á áhorfendafjöldanum í
Kaldalónssal Hörpu upp úr miðnætti
á fimmtudagskvöldið. Þar voru ekki
nema nokkrar hræður. Þetta voru
samt frábærir tónleikar. Kreatiivmoo-
tor spilar taktfasta og tilraunakennda
tónlist sem að einhverju leyti er
spuni. Þessi sex manna sveit spilaði
eitt kaflaskipt 40 mínútna verk á
tónleikunum. Það var góð dýnamík í
spilamennskunni en aðaltromp sveit-
arinnar var söngvarinn, sem er einn
af skemmtilegri framlínumönnum
sem ég hef séð lengi. Hann notaði
ýmsa effekta á röddina og söng oft
furðulega og geiflaði sig og dansaði
um með ýktum hreyfingum. Á köflum
minnti hann helst á einhverja ofvirka
teiknimyndahetju á sýru. Það er synd
að ekki hafi fleiri fengið að njóta
þessarar mögnuðu sveitar. - tj
★★★
Karkwa
Tjarnarbíó
Kraftmikið og þétt
Indírokksveitin Karkwa var stofnuð í
Montreal í Kanada fyrir þrettán árum
og syngur öll sín lög á frönsku. Hún
hlaut hin virtu kanadísku Polaris-tón-
listarverðlaun í fyrra fyrir sína síðustu
plötu. Fimm manns voru uppi á sviði
í Tjarnarbíói, þar af tveir trommu-
leikarar, auk þess sem einn náungi
spilaði á hljómborð og grúskaði í
hljóðgervli. Hljómur Karkwa var þéttur
og lögin á köflum ansi hreint kröftug.
Sveitin byggði iðulega upp flotta
stemningu í lögunum sínum og til að
mynda var lokalagið hreint afbragð
með glimrandi gítarleik. - fb
★★★
Plastic Ono Band
Norðurljós í Hörpu
Salurinn tæmdist
Salurinn var kjaftfullur áður en tónleikar The Plastic Ono Band hófust. Til
að hita upp fyrir tónleikana var sýnd heimildarmynd um Yoko Ono og John
Lennon og allir virtust spenntir að sjá þessa frægu hljómsveit stíga á svið.
Fljótlega eftir að Yoko hóf
upp raustina byrjaði fólk þó
að tínast úr salnum, enda
er söngur hennar langt í
frá allra. Áður en yfir lauk
var aðeins fámennur hópur
eldheitra Bítlaaðdáenda
eftir í salnum. Yoko söng
lög af síðustu sólóplötu
sinni auk eldri laga, þar á
meðal Walking on Thin Ice.
Flest lögin voru sveimkennd
þar sem Yoko sönglaði
eitthvað í hljóðnemann.
Svo stigmögnuðust þau
með háværum skrækjum
Yoko en róuðust aftur í lokin. Undirleikurinn var mjög góður, með Sean sem
hljómsveitarstjóra, en stundum hafði maður á tilfinningunni að Yoko væri
að fremja gjörning á sviðinu. Í lokin steig söngkonan úr Tune:Yards á svið og
söng lag til heiðurs Yoko. Sú gamla söng með henni í lokin og fór vel á með
þeim tveimur. Eftir grúvað lokadjamm þakkaði Yoko fyrir sig og hét því að
snúa aftur að ári liðnu. - fb
FRÉTTABLAÐIÐ/ARNÞÓR
ÁTTU SALINN Tónleikar Retro
Stefson í Hafnarhúsinu voru einn af
hápunktum hátíðarinnar. Hér mess-
ar Unnsteinn Manúel yfir mann-
skapnum sem hlýddi flestöllum
skipunum liðsmanna sveitarinnar.
KARKWA Þéttir
Kanadabúar
sem tróðu upp
í Tjarnarbíói.