Fréttablaðið - 15.10.2011, Page 102

15. október 2011 LAUGARDAGUR70
sport@frettabladid.is
SARA BJÖRK GUNNARSDÓTTIR og Þóra Björg Helgadóttir geta orðið sænskir meistarar í fótbolta vinni
lið þeirra LdB Malmö sigur á Örebro, liði Eddu Garðarsdóttur og Ólínu Guðbjörg Viðarsdóttur, í lokaumferð sænsku
kvennadeildarinnar í dag. Malmö hefur eins stigs forskot á Kopparbergs/Göteborg fyrir lokadaginn. Þóra varð
meistari með Malmö í fyrra en Sara Björk er á sínu fyrsta ári með félaginu.
Kolbeinn Tumi Daðason íþróttafréttamaður
„Til að vinna hér þarftu að standast
mikla pressu, komast yfir margar
hindranir og mátt ekki setja út á
ákvarðanir dómarans. Ögranirnar
og hótanirnar sem hann þarf að
líða eru með ólíkindum. Það þarf
kraftaverk til þess að vinna hér,“
sagði hundfúll en unglegur Alex
Ferguson, knattspyrnustjóri Manc-
hester United, að loknu 3-3 jafntefli
gegn Liverpool á Anfield árið 1988.
Ferguson taldi ákvarðanir dómarans
hafa kostað lið sitt sigur á erkifjend-
unum sem voru í sérflokki.
Kollegi hans hjá Liverpool, Kenny
Dalglish, hafði á þessum tíma litlar
áhyggjur af United sem keppinauti.
Sálfræðistríð við Ferguson var óþarft
og fyrir neðan hans virðingu. Með
dóttur sína í fanginu gerði hann grín
að Ferguson: „Þið fengjuð skynsam-
legri svör frá sex vikna dóttur minni,
henni Lauren.“
Kenny Dalglish, kóngurinn í
Liverpool, hefur gert lítið úr mikil-
vægi leiks dagsins gegn United. Þrjú
stig séu í boði eins
og venjulega.
Einvígi Dalglish og
Ferguson á sér þó
svo langa sögu
að óhætt er að
fullyrða að
meira sé
undir en stigin þrjú. Allt frá því
Ferguson, þáverandi landsliðsþjálf-
ari Skota, sakaði Dalglish, helstu
stjörnu Skota, um að gera sér upp
meiðsli til að sleppa við HM 1986
hefur andað köldu milli Skotanna.
Ekki bætti úr skák þegar Roy
Keane tilkynnti öskuillum Dalglish
að hann ætlaði að ganga til liðs við
United en ekki Blackburn árið 1993.
Keane hafði samið munnlega við
Blackburn og aðeins átti eftir að
skrifa undir þegar Ferguson hringdi
óvænt í Keane og fékk hann til þess
að skipta um skoðun. Síðast sauð
upp úr milli Dalglish og Ferguson
að loknum leik United gegn Benfica
í Meistaradeildinni í september.
Þar var reyndar á ferðinni
fréttamaðurinn Kelly Dalglish, dóttir
kóngsins, sem vafalítið frétti af
atvikinu.
„Mesta áskorun mín var að fella
Liverpool af helvítis stallinum,“ sagði
Ferguson í viðtali árið 2002. Hann
fer ekki leynt með þá skoðun sína
að leikirnir séu stærstu leikir ársins í
enska boltanum. Því
geta fáir mótmælt.
Aðallinn í heimsókn
hjá kónginum
Iceland Express karla í körfu
Haukar-Snæfell 89-93 (43-43)
Stig Hauka: Jovanni Shuler 20, Örn Sigurðarson
16, Haukur Óskarsson 14, Davíð Páll
Hermannsson 14, Sveinn Ómar Sveinsson 9,
Sævar Ingi Haraldsson 9, Helgi Björn Einarsson
5, Emil Barja 2.
Stig Snæfells: Brandon Cotton 33, Quincy
Hankins-Cole 17 (15 frák./6 stoðs.), Palmi Freyr
Sigurgeirsson 16, Sveinn Arnar Davidsson 12 (7
stoðs.), Ólafur Torfason 7, Jón Ólafur Jónsson 6,
Hafþór Ingi Gunnarsson 2.
Tindastóll-Stjarnan 91-105 (46-54)
Stig Tindastólls: Maurice Miller 22, Svavar
Birgisson 20, Helgi Rafn Viggósson 17, Trey
Hampton 17 (12 frák.), Þröstur Leó Jóhannss. 9,
Pálmi Jónss. 2, Loftur Eiríkss. 2, Einar Einarss 2.
Stig Stjörnunnar: Fannar Freyr Helgason 26 (8
frák./5 stoðs.), Justin Shouse 24, Guðjón
Lárusson 18, Keith Cothran 18, Marvin
Valdimarsson 17, Sigurjón Örn Lárusson 2.
Valur-Njarðvík 63-92 (35-52)
Stigahæstir: Igor Tratnik 22, Birgir Björn
Pétursson 13 - Hjörtur Hrafn Einarsson 18, Travis
Holmes 16, Cameron Echols 12, Ólafur Helgi
Jónsson 12, Elvar Már Friðriksson 11.
N1 deild kvenna í handb.
Stjarnan-HK 36-34 (23-17)
Mörk Stjörnunnar(Skot): Jóna M. Ragnarsd. 9/3
(15/4), Hanna G. Stefánsd. 6 (6) , Sólveig Lára
Kjærnsted 6 (10), María Karlsd. 5 (6), Hildur
Harðard. 5 (5), Rut Steinssen 4, (7), Esther 1 (1).
Varin skot: Jennifer Holmberg 7(26, 26.9%),
Kristín Ósk Sævarsdóttir 3 (7, 42.8%)
Mörk HK (skot): Brynja Magnúsd. 9/1 (14/1),
Arna Björk Almarsd.6 (9), Elín Anna Baldursd.
5 (5), Elva Björg Arnarsd. 4(5), Jóna Sigríður
Halldórsd.4 (7), Elísa Ósk Viðarsd. 3(6), Valgerður
Ýr Þorsteinsd. 2(3), Heiðrún Björk Helgad.1 (1).
Varin skot: Ólöf K. Ragnarsdóttir 8/0 (30/2,
26,7%), Dröfn Haraldsdóttir 4 (20, 20%)
Fram-Haukar 39-21 (19-12)
Markahæstar: Stella Sigurðardóttir 11, Elísabet
Gunnarsdóttir 7, Ásta Birna Gunnarsdóttir 6 -
Gunnhildur Pétursdóttir 4.
ÚRSLIT Í GÆR
KÖRFUBOLTI Haukar köstuðu frá
sér tveimur stigum gegn Snæfelli
þegar leikur liðsins hrundi á
lokasprettinum á Ásvöllum í
gær. Snæfell skoraði 12 stig gegn
þremur á síðustu tveimur mínútum
leiksins og vann 93-89 sigur.
„Við vorum algjörlega með allt
niður okkur. Vorum á hælunum,
þungir og áhugalausir,“ sagði Ingi
Þór Steinþórsson þjálfari Snæfells
um fyrstu 38 mínútur leiksins.
„Við misstum ekki trúna þó
þeir kæmust níu stigum yfir. Við
héldum okkur við svæðið sem við
skiptum í og fórum að frákasta upp
úr því og fengum hraðaupphlaup.
Ég er stoltur og ánægður með
sjálfan mig að hafa ekki skipt
aftur yfir í maður á mann þegar
þeir komust í níu stig og hafði trú á
því sem við vorum að gera,“ sagði
Ingi Þór jafnframt.
Haukar komust níu stigum
yfir 82-73 þegar rétt rúmar sex
mínútur voru til leiksloka en
fengu skotin ekki til að detta á
lokasprettinum.
„Hvort sem við lékum vel í 38
mínútur eða Snæfell illa þá skipt-
ir það mig engu máli úr þessu. Ég
hefði frekar viljað spila illa í 38 og
vel í tvær og vinna. Svona er þetta
en þeir eru með hörkulið,“ sagði
Pétur Ingvarsson þjálfari Hauka
að leiknum loknum.
„Þeir breyttu um varnartaktík
og við settum skotin ekki ofan í.
Við sættum okkur við þriggja
stiga skot í stað þess að sækja að
körfunni. Þeir spiluðu ákveðið og
komust upp með það,“ sagði Pétur.
Ingi Þór og Snæfell eiga
deildarmeistaratitil að verja en
Ingi Þór er ekki ánægður með
stöðuna á liðinu í upphafi leiktíðar.
„Það er enginn liðsbragur á
þessu. Ég er ekki ánægður með
liðið og spilamennskuna. Þó ég sé
ánægður með hvernig við unnum
leikinn, þetta hlýtur að efla menn,
er ég er ekki ánægður með hvernig
við vorum á hælunum,“ sagði Ingi
Þór að lokum.
Stjarnan fór í góða ferð á Sauð-
árkrók og vann 14 sigur á heima-
mönnum í Tindastól, 105-91.
Stjörnumenn voru með örugga
forystu stærstan hluta leiksins en
kláruðu þó ekki leikinn endanlega
fyrr en með góðum spretti í upp-
hafi fjórða leikhlutans.
Njarðvíkingar unnu síðan 29
stiga stórsigur á Valsmönnum,
92-63, í Vodafone-höllinni að
Hlíðarenda en báðum þessum
liðum var spáð falli úr deildinni í
árlegri spá fyrir mótið. -gmi, - óój
Tvær góðar mínútur dugðu
Frábær endasprettur Snæfellinga færði þeim sigur á Haukum á Ásvöllum í
fyrstu umferð Iceland Express-deild karla í körfubolta. Njarðvík burstaði nýliða
Vals á Hlíðarenda og Stjörnumenn unnu öruggan sigur á Króknum.
HAUKAR KÖSTUÐU FRÁ SÉR SIGRINUM Haukar fóru illa með góða stöðu á móti
Snæfelli í gær. Hér reynir Davíð Páll Hermannsson sendingu. FRÉTTABLAÐIÐ/STEFÁN
HANDBOLTI Stjörnustúlkur unnu
36-34 sigur á HK í Garðabænum
í N1 deild kvenna í gærkvöldi
en þetta var fyrsti sigur
Garðabæjarliðsins í deildinni í
vetur. HK hafði unnið tvo fyrstu
leiki sína, þar á meðal óvæntan
sigur á bikarmeisturum Fram.
Stjörnustúlkur náðu góðu
forskoti í fyrri hálfleik og voru
23-17 yfir í hálfleik en HK komu
grimmar inn eftir hálfleik og náðu
að jafna leikinn um miðjan seinni
hálfleikinn. Stjarnan tók þá leikhlé
sem skilaði árangri og þær náðu
aftur forystunni.
„Ég er ánægð með karakterinn
hjá okkur,“ sagði Stjörnukonan
Jóna Margrét Ragnarsdóttir.
„Við vorum sífellt að reyna að
verja forskotið en hleypum þeim
aftur inn í leikinn. Gústaf tekur
þá leikhlé og vekur okkur, þá kom
aftur stemning og við náðum að
halda þetta út,“ sagði Jóna.
„Þetta var mjög leiðinlegt
tap, við vorum ekki mættar í
fyrri hálfleik,“ sagði Brynja
Magnúsdóttir, leikmaður HK, eftir
leikinn.
„Við getum gert mun betur en
það, við ætlum okkur að sýna það
í vetur og gerðum það í sigrinum
á Fram. Ég vona að þessi leikur
komi okkur niður á jörðina. Mér
fannst við þó sýna flottan karakter
í seinni hálfleik með að vinna upp
þetta forskot því það eru ekki
mörg lið sem gætu unnið upp níu
marka forystu gegn Stjörnunni,“
sagði Brynja. - kpt
Stjörnukonur unnu í gær fyrsta sigur sinn í N1-deild kvenna í handbolta í vetur:
Gústi vakti okkur í leikhléinu
JÓNA MARGRÉT RAGNARSDÓTTIR.
Skoraði 9 mörk í gær. FRÉTTABLAÐIÐ/STEFÁN