Fréttablaðið - 08.12.2011, Qupperneq 30

8. desember 2011 FIMMTUDAGUR30
FRÉTTASKÝRING: Svipmyndir frá brasilískri sólarströnd
BLÓMLEGT MANNLÍF Á ströndinni ægir saman fólki úr öllum lögum samfélagsins og ferðamennirnir njóta sín til hins ýtrasta.
Í VINNUNNI Strandgesti þarf ekki að skorta handklæði, baðföt
eða drykkjarílát á meðan þessa herramanns nýtur við.
HÖRKUSKALLI Fótblak, sambræðingur fótbolta og strandblaks, er afar vinsæl dægra-
dvöl sólarunnenda á Santos.
ALLTAF Í BOLTANUM Fótbolti er þjóðaríþrótt Brasílíumanna og er hún flestum í blóð borin. Þessir ungu menn sýndu góða takta á ströndinni, en goðsögnin Pele gerði einmitt garðinn frægan með Santos á sínum tíma.
Ungstirnið Neymar er nýjasti arftaki hans.
AFSLÖPPUN Þessi tvö höfðu það gott í blíðunni og með
nýjustu tækni er hægt að vera í sambandi við umheiminn.
Sælulíf á sólarströnd í Santos
Á meðan stelpurnar okkar standa í ströngu á heimsmeistaramóti kvenna í handknattleik sem fram fer í Brasilíu gengur lífið sinn
vanagang á ströndinni í Santos þar sem Ísland leikur í riðlakeppninni. Pjetur Sigurðsson ljósmyndari brá sér á ströndina.