Fréttablaðið - 08.12.2011, Page 102

8. desember 2011 FIMMTUDAGUR86
LÖGIN VIÐ VINNUNA
„Ég er búin að vera að hlusta á
voðalega mikið af gömlum jóla-
lögum, bæði með Villa og Ellý
og líka með Hauki Morthens.
Annars hlusta ég líka mikið á
Valdimar.“
Ragnheiður Ösp Sigurðardóttir vöru-
hönnuður.
„Þeir fengu alveg skýr fyrirmæli eins og
aðrir fjölmiðlar um að ekki mætti sýna
þessa persónu,“ segir Snorri Þórisson,
eigandi Pegasus.
Í innslagi menningarþáttarins Djöfla-
eyjunnar um tökur Game of Thrones hér á
landi mátti sjá bregða fyrir persónu úr ann-
arri þáttaröðinni sem framleiðendur þátt-
anna höfðu lagt blátt bann við að yrði notuð
í umfjöllun íslenskra fjölmiðla.
Útlit hennar var mikið hernaðar-
leyndarmál og verður því ekki tíundað
hér en Snorri segist vera ósáttur við þessa
myndbirtingu.
„Það var ekkert skriflegt, þetta var
bara heiðursmannasamkomulag. Auðvi-
tað er þetta eitthvað sem við getum ekk-
ert gert í úr þessu en ég ætla að tala um
þetta við fólkið hjá RÚV, þetta var algjör-
lega bannað.“
Þórhallur Gunnarsson, ritstjóri þátt-
arins, segir þetta leið mistök, umrædd
persóna hafi sést í tveimur víðum skotum.
„Þátturinn var strax tekinn út af netinu þar
til við vorum búin að leiðrétta þetta. Okkur
sást bara yfir þessi skot og við erum voða-
lega leið yfir þessu. Ég er búinn að ræða
við Snorra og mér þykir þetta leiðinlegt því
ekki vil ég bregðast honum.“
Snorri segir allt annars hafa gengið
snurðulaust. Tökuliðið átti frídag á þriðju-
dag og þá kyngdi niður snjónum. „En nú er
búið að ryðja alla vegi og við erum hér í
Höfðabrekku í rjómablíðu,“ segir Snorri en
tökuliðið heldur af landi brott 11. desember.
- fgg
RÚV biðst afsökunar á Djöflaeyjunni
MISTÖK Í umfjöllun menningar-
þáttarins Djöflaeyjunnar um Game
of Thrones sást persóna sem
var algjört hernaðarleyndarmál.
Ritstjóri þáttarins, Þórhallur Gunn-
arsson, hefur beðist afsökunar á
innslaginu sem hefur verið klippt
til fyrir vefútgáfu. FRÉTTABLAÐIÐ/VILHELM
„Ég gæti ekki verið hamingjusam-
ari,“ segir rithöfundurinn Steinar
Bragi.
Nýjasta bók hans, Hálendið,
hefur fengið afbragðsgóða dóma
og prýðilegar viðtökur lesenda.
Samkvæmt upplýsingum Frétta-
blaðsins hafa sjö aðilar lýst yfir
áhuga á að kaupa kvikmyndarétt-
inn að bókinni. Meðal þeirra eru
ZikZak, Pegasus, Sigurjón Kjart-
ansson, Sæmundur Norðfjörð
og Sigurjón Sighvatsson. Nafn
Davids Lynch hefur einnig verið
nefnt á nafn, en Sigurjón og Lynch
eru miklir mátar. Hólmfríður
Matthíasdóttir hjá Réttindaskrif-
stofu Forlagsins vildi sem minnst
tjá sig um málið. „Ég get sagt að
það séu sjö aðilar sem sýna verk-
inu áhuga og hafa verið að keppa
um þessa bók. Þetta mál er bara
ennþá í vinnslu og ég get ekkert
sagt hvað það verða mörg tilboð.
Það er mjög mikill áhugi en þetta
er allt á mjög viðkvæmu stigi,“
segir Hólmfríður og bætir því við
að hún hafi ekki áður upplifað jafn
mikinn áhuga á sama tíma. „Þetta
er í meira lagi.“
Steinar Bragi sjálfur segir að
draumaleikstjórinn til að gera
kvikmynd eftir Hálendinu væri
áðurnefndur Lynch. Skáldið hefur
hins vegar báða fætur á jörðinni
enda ekki í fyrsta skipti sem kvik-
myndagerðarmenn sýna verki
hans áhuga. ZikZak keypti kvik-
myndaréttinn að verkinu Konur
á sínum tíma. „Þannig að ég hef
alveg lent í þessu áður,“ segir
Steinar en kvikmyndarétturinn
að þeirri bók hefur verið fram-
lengdur um tvö ár. Steinar segir
það jafnframt hafa komið sér
óvart hversu hægur og hljóðlátur
kvikmyndabransinn sé, allt virðist
þurfa að fara mjög hljótt fram.
„Það gerist allt miklu hægar en ég
átti von á, ég hélt að þessi bransi
væri keyrður áfram af miklu meiri
hraða,“ segir Steinar.
Bókin Hálendið er mikill
sálfræðitryllir af bestu gerð sem
segir frá hjónum á jeppaferðalagi
um hálendið. Þegar bíll þeirra
ekur óvænt á hús tekur saga þeirra
óvænta stefnu sem á eflaust eftir
að skjóta mörgum skelk í bringu.
freyrgigja@frettabladid.is
STEINAR BRAGI: DRAUMURINN AÐ DAVID LYNCH LEIKSTÝRI HÁLENDINU
Risar á kvikmyndamarkaði
slást um bók Steinars Braga
Hljómplötusala á Íslandi er þrjátíu prósentum meiri
í ár en á sama tíma í fyrra.
Nýjustu afurðir stórlaxanna Mugisons, Helga
Björns, Páls Óskars og Bubba hafa mikið þar að
segja. Sem dæmi seldu bæði Mugison og Páll Óskar
plötur sínar í yfir eitt þúsund eintökum í síðustu
viku og rjúka þær því út eins og heitar lummur
þessa dagana.
„Félag hljómplötuframleiðenda sendi frá sér
fréttatilkynningu í ágúst um mjög góða sölu það
sem af er ári og það er að aukast með hverri vik-
unni sem líður,“ segir Eiður Arnarsson hjá Senu.
Tölurnar miðast við seld eintök af þrjátíu efstu
plötunum á Tónlistanum sem tekur saman mest
seldu plötur landsins. „Hinn margumtalaði dauði
geisladisksins ætlar að láta bíða eftir sér. Hann er
oft talaður hressilega niður, blessaður,“ segir Eiður.
„Auðvitað á þetta sér skýringar í titlum. Núna er
það augljóslega Bubbi, GusGus, Jón Jónsson og
Helgi Björnsson frá því í sumar. Í haust hafa það
verið Mugison, Of Monsters and Men, Palli og Sinfó
og mun fleiri titlar sem seljast mjög vel. Þetta eru
fjölmargir mjög sterkir titlar.“
Sem dæmi má nefna að sálarplata Bubba, Ég trúi
á þig, hefur selst í um 5.500 eintökum. Það er mesta
plötusala Bubba með nýju efni í átta ár, eða síðan
Þúsund kossa nótt kom út árið 2003. Helgi Björns-
son hefur selt um 8.000 eintök af nýjustu hesta-
plötu sinni, en Mugison er langsöluhæstur með vel á
annan tug þúsunda seldra eintaka af Haglélinu sínu.
- fb
Plötusala eykst um 30 prósent
SELUR MEIRA EN ÁÐUR Bubbi hefur selt sálarplötu sína, Ég
trúi á þig, í um 5.500 eintökum, sem er hans besti árangur í
langan tíma. FRÉTTABLAÐIÐ/STEFÁN
EFTIRSÓTTUR Bók
Steinars Braga er ákaflega eftir-
sótt en samkvæmt heimildum
Fréttablaðsins hafa sjö kvik-
myndagerðarmenn sýnt henni
áhuga. Meðal þeirra eru Sigurjón
Sighvatsson, Snorri Þórisson hjá
Pegasus, Sigurjón Kjartansson
og ZikZak.