Fréttablaðið - 15.12.2011, Page 2

15. desember 2011 FIMMTUDAGUR2
FANGELSISMÁL Átta fangar dvelja nú
á Áfangaheimili Verndar þar sem
þeir eru búnir undir það að ljúka
afplánun í svokölluðu rafrænu
eftir liti. Ríkisstjórnin hefur veitt
21 milljón til þeirrar framkvæmdar
sem felst í því að hver fangi fær að
afplána það sem eftir stendur af
refsingu hans heima hjá sér með
því skilyrði að hann stundi reglu-
lega vinnu eða nám utan heimilis á
hefðbundnum tímum.
Viðkomandi þarf að bera ökkla-
band allan sólarhringinn, sem tengt
er við móðurtölvu hjá öryggisfyr-
irtæki. Inn í tölvuna er stimplað á
hvaða tíma fanginn á að vera heima
og hvenær utan heimilis. Brjóti
hann þær reglur sendir ökklaband-
ið þegar merki til móðurtölvunnar
sem er áframsent til Fangelsis-
málastofnunar. Afleiðingin er ein-
föld: viðkomandi fer aftur í fang-
elsi og lýkur afplánun þar. Páll E.
Winkel, forstjóri Fangelsismála-
stofnunar, bar sjálfur ökklaband í
nokkra daga til reynslu.
Erlendur S. Baldursson, afbrota-
fræðingur hjá Fangelsismálastofn-
un, segir að undirbúningurinn á
Vernd sé samkvæmt lögum sá að
þar þurfi menn að hafa dvalið með
fullnægjandi hætti í að minnsta
kosti þrjá mánuði og sumir lengur,
sem fari eftir því hvað dómur sé
langur. Þá þurfi þeir að hafa sýnt
og sannað í fangelsinu að þeir séu
taldir hæfir til að dvelja á Vernd.
Hinir sem verði uppvísir að aga-
brotum ljúki afplánun innan veggja
fangelsisins.
„Það eru eingöngu þeir sem dval-
ið hafa á Vernd, öðru áfangaheim-
ili eða stofnun sem koma til greina
í þetta afplánunarúrræði,“ útskýr-
ir hann og bætir við að menn þurfi
jafnframt að hafa verið dæmdir í
að minnsta kosti eins árs fangelsi,
því þá geti þeir afplánað síðasta
mánuðinn undir rafrænu eftirliti.
Tími í rafrænu eftirliti lengist svo
um einn mánuð fyrir hvert dæmt ár
og getur mest orðið átta mánuðir.
Auk ökklabandsins þurfa menn
að vera því viðbúnir að tekin séu af
þeim sýni, hvort heldur er á vinnu-
stað eða heima, til að athuga hvort
þeir hafi neytt áfengis eða fíkni-
efna.
Fyrstu fangarnir sem koma til
með að bera ökklaband hér á landi fá
að fara með þau heim til sín í mars.
„Þetta ferli allt saman er hugs-
að þannig að fangelsismálayfirvöld
lina tökin smám saman, í stað þess
að senda menn beint út í lífið,“ segir
Erlendur og telur fyrrnefndu aðferð-
ina mun vænlegri. Gera má ráð fyrir
að um átta til tíu fangar geti í senn
afplánað síðasta hluta refsingar
sinnar undir rafrænu eftirliti.
jss@frettabladid.is
Það eru eingöngu
þeir sem dvalið hafa
á Vernd, öðru áfangaheimili
eða stofnun sem koma til
greina í þetta afplánunar-
úrræði.
ERLENDUR S. BALDURSSON
AFRBROTAFRÆÐINGUR
Gunnar, varstu farinn að tala
suður-pólsku?
„Nei, ég hafði bara pólskipti.“
Gunnar Egilsson jeppamaður kom
í fyrrinótt heim frá suðurpólnum úr
sinni þriðju ferð. Gunnar afþakkaði
boð um að taka þátt í hátíðar-
höldum Norðmanna sem minntust
þess í gær að ein öld er síðan Roald
Amundsen braust á pólinn fyrstur
manna. Gunnar er búinn að fá nóg
af suðurpólnum.
NOREGUR Fimm þúsund fleiri verða
atvinnulausir í Noregi á næsta ári
en á þessu ári. Þessu spáir norska
vinnumála- og velferðarstofnunin.
Gert er ráð fyrir að þetta komi
verst niður á geirum eins og
samgöngum, ferðamennsku og
framleiðslu. Mestu munar um
fjármálaerfiðleika innan Evrópu-
sambandsins.
Stofnunin spáir því hins vegar
jafnframt að fjöldi starfa muni
verða til á næsta ári og árið 2013.
Þá muni atvinnulausum fækka á
ný frá og með árinu 2013. - þeb
Spá því að störfum fjölgi:
Fleiri atvinnu-
lausir í Noregi
SKÓLAMÁL Skóla- og frístundaráð
Reykjavíkurborgar samþykkti á
fundi sínum í gær nöfn á sex nýja
sameinaða leikskóla og grunnskóla.
Sameinaður leikskóli Holta-
borgar og Sunnuborgar fær nafnið
Langholt. Nafn nýja skólans dreg-
ur nafn af bænum Syðra-Langholti
sem stóð þar nærri sem Langholts-
kirkja var reist, en leikskólinn er
einmitt þar í holtinu.
Sameinaður leikskóli Baróns-
borgar, Lindarborgar og Njálsborg-
ar fær nafnið Miðborg sem þykir
lýsandi fyrir staðsetninguna.
Sameinaður leikskóli, grunn-
skóli og frístundaheimili í
Ártúnsholti fær nafnið Ártúns-
skóli líkt og grunnskólinn hét
áður.
Sameinaður grunnskóli Álfta-
mýrarskóla og Hvassaleitisskóla
fær nafnið Háaleitisskóli.
Sameinaður grunnskóli Borga-
skóla og Engjaskóla fær nafnið
Vættaskóli, enda stendur hann
í næsta nágrenni við hinar
friðlýstu Vættaborgir í næsta
nágrenni skólanna. Starfsstöðv-
arnar tvær munu ganga undir
nöfnunum Borgir og Engi.
Sameinaður Korpu- og Víkur-
skóli fær nafnið Kelduskóli og
dregur nafn af örnefnum í næsta
nágrenni. Starfsstöðvarnar tvær
munu ganga undir nöfnunum Vík
og Korpa. - shá
Sex sameinaðir leik- og grunnskólar í Reykjavík fá ný nöfn:
Ný nöfn með boðskap og sögu
FRÁ „HVASSALEITISSKÓLA“ Hvassaleitis-
skóli og Álftamýrarskóli fá sameinaðir
nafnið Háaleitisskóli. FRÉTTABLAÐIÐ/GVA
FÓLK „Ágóðinn hefði nú kannski verið meiri ef ég
hefði ekki þurft að sigla til Þorlákshafnar og keyra
austur í Landeyjahöfn,“ segir Ingimar Heiðar
Georgsson, kaupmaður í Vöruvali í Vestmannaeyj-
um, sem selur nú pokaðan sand úr Landeyjahöfn.
„Hugmyndin kviknaði í kjölfar sífelldrar
umræðu hér í bænum um Landeyjahöfn. Þar hafa
auðvitað verið vandræði með sandinn og þess
vegna fannst mér þetta upplagt. Hér hefur verið
frost og mikil hálka og ekki til hálkusalt þannig að
þetta gæti orðið svakalegt sprotafyrirtæki,“ segir
Ingimar.
„Svo átti ég erindi upp á land í síðustu viku,
renndi austur eftir og setti nokkur hundruð kíló í
fólksbílinn minn. Í vikunni hef ég þurrkað sandinn
svo þetta sé nú frambærileg vara en ekki mígandi
blautt og leiðinlegt.“
Ingimar er búinn að pakka í rúmlega hundrað
eins til eins og hálfs kílóa poka og selur þá á 500
krónur kílóið. Pokarnir hafa rokið út og Ingimar
á enn nóg af sandi eftir sem hann getur útbúið til
sölu.
„Þetta er nú gert í gamni en öllu gamni fylgir
einhver alvara,“ segir Ingimar, sem hyggst láta
ágóðann renna til Siglingamálastofnunar. „Þeir
gætu þá kannski notað þær krónur til að gera
endurbætur á höfninni.“ - sh
Alvara fylgir gamni hjá hugvitssömum kaupmanni í Vestmannaeyjum:
Sandur úr Landeyjahöfn rýkur út
VINSÆLL SANDUR Ingimar í Vöruvali hefur nostrað við sandinn
í vikunni til að geta boðið frambærilega vöru.
FRÉTTABLAÐIÐ/ÓSKAR P. FRIÐRIKSSON
SAMFÉLAGSMÁL Gefinn hefur verið
út nýr diskur með öllum útgáfum
af laginu Hjálpum þeim. Auk þess
fylgir DVD-diskur með myndbönd-
um við lagið.
Liðin eru 26 ár frá því að lagið
kom fyrst út hér á landi, en það
hefur frá upphafi verið tengt fjár-
öflun til neyðaraðstoðar. Allur
ágóði af sölu disksins nú mun
renna til neyðaraðstoðar á hungur-
svæðum Austur-Afríku á vegum
Hjálparstarfs kirkjunnar.
Lagið var gefið út fyrst árið 1985
og svo aftur árið 2005. Í ár bættist
við útgáfa af laginu á ensku. - þeb
Allar útgáfur á einum diski:
Hjálpum þeim
kemur út á ný
Búa átta fanga undir
að bera ökklaband
Átta fangar sem dvelja nú á Vernd fá að afplána eftirstöðvar refsinga heima hjá
sér undir rafrænu eftirliti. Það felst í því að menn ganga með ökklaband allan
sólarhringinn. Forstjóri Fangelsismálastofnunar prófaði að ganga með bandið.
ÖKKLABANDIÐ Erlendur S. Baldursson, afbrotafræðingur hjá Fangelsismálastofnun,
sýnir ökklaband. Bandið sem notað verður hjá Fangelsismálastofnun verður örlítið
minna í sniðum en það sem sýnt er á myndinni. FRÉTTABLAÐIÐ/GVA
LÖGREGLUMÁL Hæstiréttur hefur
fallist á að maður á fertugsaldri,
sem grunaður er um gróf kyn-
ferðisbrot gegn ellefu ára dóttur
sinni, sæti gæsluvarðhaldi til 6.
janúar vegna almannahagsmuna.
Málið er til rannsóknar hjá lög-
reglunni á Akranesi. Brotin eru
talin hafa verið ítrekuð og alvar-
leg.
Segir í greinargerð lögreglu að
stúlkan hafi gefið ítarlega skýrslu
í Barnahúsi og lýst brotunum
„með óhugnanlega nákvæm-
um hætti“ og „með orðfæri sem
hæpið verður að telja að 11 ára
gamalt barn hafi á takteinum“. Þá
segir að rannsóknargögn bendi
til þess að maðurinn „hafi ekki
látið staðar numið gagnvart henni
og undirbúi að brjóta gegn henni
með enn alvarlegri hætti“. - sh
Áfram inni vegna barnaníðs:
Undirbjó enn
alvarlegri brot
í ísinn
500 ml rjómi
3 stk. eggjarauður
2 stk. egg
130 g sykur
Vanilludropar
Þeytið rjómann og setjið í kæli. Þeytið vel
saman eggjarauður, egg og sykur. Blandið
saman við rjómann og bragðbætið með
vanilludropum. Setjið í form og frystið.
Þú getur einnig bætt uppáhaldssælgætinu
þínu við blönduna.
SPURNING DAGSINS
UTANRÍKISMÁL Össur Skarphéðins-
son utanríkisráðherra fundaði
í gær með Riad Malki, palest-
ínskum starfsbróður sínum, og
ræddi meðal annars við hann
um samskipti landanna tveggja
og leiðir til að endurvekja
friðar ferlið fyrir botni Miðjarð-
arhafs.
Umsókn Palestínu um aðild að
Sameinuðu þjóðunum og stuðn-
ingur Íslands við hana kom
einnig til tals, en ráðherrarnir
tveir munu halda sameiginlegan
blaðamannafund um hana í dag.
Þar verður einnig tilkynnt um
upptöku stjórnmálasambands á
milli ríkjanna.
Heimsókn Malki til Íslands
hófst í gær og mun hann flytja
opinn fyrirlestur á vegum
Háskóla Íslands í Norræna hús-
inu klukkan 14.45 í dag. - sh
Utanríkisráðherrar funduðu:
Ræddu sam-
skipti ríkjanna
KÁTIR Vel fór á með þeim Össuri og
Malki á fundinum í utanríkisráðuneytinu
í gær. FRÉTTABLAÐIÐ/STEFÁN
Herjólfur í Landeyjahöfn
Herjólfur siglir aðeins tvær ferðir í
Landeyjahöfn í dag vegna þess að
unnið er að dýpkun í höfninni. Á
föstudag er vonast til þess að hægt
verði að sigla fjórar ferðir í Landeyja-
höfn.
SAMGÖNGURNíu buðu í Akranesstrætó
Tilboð í strætóleiðina Akranes-Mos-
fellsbær voru opnuð í gær. Níu tilboð
bárust til Strætó bs. og voru Hópbílar
í Hafnarfirði með langlægsta tilboðið,
45,8 milljónir króna. Kostnaðaráætlun
var 45,7 milljónir. Næstu tilboð voru
um 20 milljónum hærri.
SAMGÖNGUR