Fréttablaðið - 15.12.2011, Blaðsíða 98
15. desember 2011 FIMMTUDAGUR82
NFL „Hver er þessi Tim Tebow?“ Það er
spurning sem ansi margir hafa verið að
spyrja sig undanfarnar vikur. Tebow hefur
komið eins og stormsveipur inn í NFL-deild-
ina og þó svo að flestir sérfræðingar segi að
hann geti lítið og hafi ekkert að gera í NFL-
deildina er hann búinn að vinna sjö leiki af
þeim átta sem hann hefur spilað í deildinni.
Nú eru allt í einu farnar að heyrast raddir
um að velji eigi leikmanninn þann besta í
NFL-deildinni.
Lið Denver Broncos byrjaði leiktíðina
hörmulega og vann aðeins einn af fyrstu
fimm leikjum sínum. Tebow fékk tækifæri
í fimmta leiknum og eftir það hefur gengi
liðsins gjörbreyst þannig að Denver er búið
að vinna síðustu sex leiki sína.
Í mörgum þeirra hefur Tebow alls ekki
verið góður. Reyndar oft hreinlega mjög
lélegur. Hann hefur samt ítrekað stigið upp
í lokin og klárað leiki á lygilegan hátt. Einn
leik vann hann þó svo að hann hefði aðeins
klárað tvær sendingar í leiknum. Slíkt á
ekki að vera hægt.
Kallaður „Mile High Messiah”
Hjá Tebow virðist allt vera hægt. Engin
furða er að menn kalli hann kraftaverka-
mann og í Bandaríkjunum er nú talað um
„Mile High Messiah“, en Denver leikur sína
leiki á Mile High, ekki fjarri Klettafjöll-
unum.
Þrír af þessum leikjum hafa unnist í
framlengingu, en það er met í NFL-deild-
inni. Ekkert lið hefur áður unnið þrjá leiki í
framlengingu á einu tímabili. Tebow þurfti
ekki marga leiki til.
Leikir Denver með Tebow innanborðs eru
ávísun á spennu og dramatík. Það er beðið
eftir því að það fjari undan þessu ótrúlega
gengi en Tebow virðist vart geta tapað.
Það er reyndar engin nýlunda hjá leik-
manninum, sem á að baki farsælan feril í
háskólaboltanum. Saga þessa unga manns
er einnig einstök, en bakgrunnur hans er
ólíkur bakgrunni annarra leikmanna í deild-
inni.
Foreldrarnir trúboðar og Tebow var krafta-
verkabarn
Hinn 24 ára gamli Tebow er fæddur í borg-
inni Makati á Filippseyjum, þar sem for-
eldrar hans sinntu trúboði. Faðir hans er
prestur og móðir hans var alin upp við
heraga enda dóttir ofursta í bandaríska
hernum.
Hún veiktist afar illa er hún gekk með
Tim og féll meðal annars í dá. Ástand henn-
ar var svo slæmt að mælt var með því að
hún færi í fóstureyðingu. Hún átti á hættu
að deyja og búist var við því að barnið
myndi fæðast andvana. Hún neitaði því. Má
því segja að Tim sé kraftaverkabarn.
Hann er yngstur fimm systkina og ekkert
þeirra gekk í grunnskóla. Þau voru í heima-
skóla hjá móður sinni, þar sem trúin var
einnig í fyrirrúmi. Þarf því ekki að koma á
óvart að Tim sé mjög trúaður og fari reglu-
lega með bænir í leikjum ásamt því að biðja
fyrir og eftir leik.
Messías lentur í Klettafjöllunum
NFL-leikstjórnandinn Tim Tebow er mjög óvænt orðinn ein stærsta stjarnan í bandarísku íþróttalífi. Þessi
strangtrúaði drengur hefur þaggað niður í nær öllum sérfræðingum. Þeim finnst flestum að hann geti
ekki neitt. Þrátt fyrir það framkallar Tebow kraftaverk í nær hverjum leik og getur ekki hætt að vinna.
ÞAGGAR NIÐUR Í EFASEMDARMÖNNUM Tim Tebow hefur unnið leiki á ótrúlegan hátt og er talað um kraftaverk í
þeim efnum. Hann fær alvöru próf um næstu helgi er hann mætir Tom Brady. NORDICPHOTOS/GETTY IMAGES
„Tebow-reglan”
Á síðasta ári settu yfirmenn háskólaíþróttanna nýja
reglu í lagasafn sitt. Hún er aldrei kölluð annað en
„Tebow-reglan“ enda sett á út af Tim Tebow.
Hún gengur út á að leikmenn megi ekki setja
nein orð eða auglýsingar í andlitsmálninguna sína.
Flestir iðkendur amerísks fótbolta setja svartar línur
undir augun fyrir leiki að hermannasið.
Tebow gerði gott betur og skrifaði „John 3:16“ í
málninguna í einum leik. Í kjölfarið slógu 92 millj-
ónir manna þessa setningu inn á Google-leitar-
vefinn. Tebow hélt áfram að setja vísanir í Biblíuna
undir augun og alltaf tók Google stóran kipp.
Nokkuð er síðan yfirmenn NFL-deildarinnar settu
slíka reglu hjá sér þannig að Tebow þarf að leita
annarra leiða til þess að breiða út fagnaðarerindið.
Árið 1996 var reglum í Flórída breytt á
þann hátt að krakkar í heimaskóla máttu
stunda íþróttir með öðrum skólum. Þar
opnaðist gluggi fyrir Tim, sem fór að spila
amerískan fótbolta með framhaldsskólanum
í hverfinu, en hann bjó þá í Jacksonville.
Vakti snemma athygli
Í fyrsta skólanum þar sem hann spilaði
fékk hann ekki að vera leikstjórnandi og
því skipti hann um skóla. Reyndar þurfti
hann að flytja lögheimili sitt til þess að geta
spilað með skólanum. Þegar hann byrjaði
að fara á kostum þar risu deilur um hvort
krakkar í heimaskólum mættu spila þar sem
þeir vildu.
Strákurinn sýndi snemma hvað í honum
bjó, en hann var þeim kostum gæddur að
geta bæði kastað og hlaupið. Einnig vakti
keppnisharka hans athygli, en hann lék eitt
sinn heilan hálfleik fótbrotinn og spilaði vel.
Hann var valinn besti framhaldsskólaleik-
maður Flórída í tvígang og var í kjölfarið
eftirsóttur af mörgum háskólum.
ESPN sagði hann vera eitt mesta íþrótta-
efni í Bandaríkjunum og hann fékk líka
umfjöllun í Sports Illustrated-tímaritinu.
Hann ákvað á endanum að spila með Florida
Gators.
Hann var varaleikstjórnandi á fyrsta ári
sínu í skólanum en fékk samt talsvert að
spila og átti stóran þátt í því að Flórída varð
Bandaríkjameistari það ár.
Bestur í háskólaboltanum á öðru ári
Á öðru ári var hann orðinn byrjunarliðs-
maður. Þá var nokkuð talað um að hann
kynni ekki að kasta almennilega og um það
er reyndar enn rætt. Engu að síður kláraði
hann 217 af 317 sendingartilraunum sínum,
kastaði fyrir 29 snertimörkum og aðeins sex
sinnum kastaði hann boltanum til andstæð-
inga. Þess utan hljóp hann um 800 metra
með boltann og skoraði þannig 22 snerti-
mörk. Hann hljóp 160 metra í einum leik.
Tebow setti fjölda meta þetta tímabil og
vann að lokum Heisman-bikarinn, sem er
veittur besta háskólaleikmanninum í land-
inu. Eftirsótt og virðingarverð verðlaun.
Tebow var fyrsti maðurinn í sögunni sem
fékk þau strax á öðru ári sínu í háskóla.
Svipað var upp á teningnum á þriðja
árinu. Tebow sló hvert metið á fætur öðru
og aftur varð Flórída Bandaríkjameistari.
Tebow varð ekki nema þriðji í Heisman-
kjörinu að þessu sinni þó svo að hann fengi
flest atkvæði í fyrsta sætið.
Á meðal eftirminnilegra meta sem hann
sló þetta ár var met yfir flest snertimörk
hlaupara hjá skólanum. Það met átti Emmitt
Smith, einn besti hlaupari sögunnar, en leik-
stjórnandinn Tebow skákaði honum.
Hugsaði meira um boltann en stelpur
Margir vildu sjá hann í NFL-valinu eftir
þriðja árið en hann ákvað að klára fjórða
árið í skólanum. Með aukinni fjölmiðlaum-
fjöllun fóru fjölmiðlar að gerast ágengari.
Einn fjölmiðlamaður veiddi upp úr leik-
manninum að hann væri hreinn sveinn.
Fékk fjölmiðlamaðurinn miklar skammir
fyrir að dreifa slíkum persónuupplýsingum.
Leikmaðurinn var að hugsa um íþróttir
en ekki stelpur og það sást á spilamennsk-
unni. Í lokaleik sínum kastaði hann og hljóp
samtals fyrir um 520 metrum, sem er met í
úrslitaleik háskólaboltans.
Þrátt fyrir frábæran háskólaferil efuð-
ustu margir um að Tebow hefði það sem til
þyrfti í NFL-deildinni. Það sást vel á því
að hann var númer 25 í nýliðavalinu hjá
Denver.
Efasemdarmennirnir eru enn margir
en Tebow vinnur þá hægt og rólega á sitt
band þessa dagana. Hann er þegar búinn að
koma öllum á óvart með spilamennsku sinni
í vetur og verður áhugavert að sjá hvaða
kraftaverk trúboðinn framkallar í framtíð-
inni.
Stuðningsmenn Denver dýrka og dá hann
og trúa því að sjálfur Messías sé lentur í
Klettafjöllunum. henry@frettabladid.is
FÓTBOLTI Harry Redknapp, stjóri
Tottenham, vill sjá fótboltann
feta í fótspor handboltans og
prófa að vera með tvo aðaldóm-
ara á vellinum. Redknapp trúir
því að það muni fækka mistökum
dómara.
Redknapp segist gera sér grein
fyrir því að erfitt sé að gera svo
róttækar breytingar en hann
mælir með því að þetta fyrir-
komulag verði prófað.
„Það má vel vera að ég verði
óvinsælasti stjórinn í deildinni
fyrir að stinga upp á þessu en
ég tel að það sé góð hugmynd að
bæta við öðrum aðaldómara,“
sagði Redknapp í pistli sínum í
The Sun.
„Starf dómara er ekki auð-
velt og það vita allir. Ég vil ekki
gagnrýna þá og tel að það myndi
fækka mistökum að bæta við
dómara. Það er betra fyrir alla.
Dómarar eru mannlegir og gera
mistök eins og aðrir. Við eigum
því að hjálpa þeim að fækka mis-
tökunum.“ - hbg
Harry Redknapp:
Vill prófa tvo
aðaldómara
REDKNAPP Alltaf að stinga upp á ein-
hverju sniðugu. NORDICPHOTOS/GETTY IMAGES
FÓTBOLTI Daily Mail greindi frá
því í gær að Chelsea væri til í að
sætta sig við gríðarlegt tap út af
Fernando Torres og ætlaði að selja
hann á 20 milljónir punda í janúar.
Torres kom til Chelsea frá
Liverpool í janúar síðastliðnum á
50 milljónir punda og hefur aðeins
skorað þrjú mörk síðan.
Torres er dýrasti leikmaður-
inn í sögu enska boltans en hefur
sama og ekkert getað hjá Chelsea
og félagið er búið að missa þolin-
mæðina gagnvart Spánverjanum.
Ýmislegt hefur verið gert til
þess að hressa Torres við og
meðal annars vonuðust forráða-
menn Chelsea til þess að koma
landa hans, Juans Mata, myndi
hjálpa til við að koma honum í
gang en það hefur ekki gerst.
Torres er á háum launum og
Chelsea er sagt vilja losna við
baggann sem fylgir Torres og
telur fullreynt að hann muni ekki
gera nokkuð af viti fyrir félagið.
- hbg
Fernando Torres:
Sagður vera
falur á gjafverði
FÓTBOLTI Það lak út í gær hvað
Ashley Cole öskraði að leikmönn-
um Manchester City svo allt varð
vitlaust í göngunum eftir leik
Chelsea og Man. City.
Cole ku hafa öskrað: „Stöð 5,
vonandi skemmtið þið ykkur vel
þar á fimmtudögum“ og var með
því að gera grín að City fyrir að
hafa ekki komist áfram í Meist-
aradeildinni.
City er aftur á móti í Evrópu-
deildinni og sú keppni er sýnd á
hinni lítt vinsælu Stöð 5 í Eng-
landi. Stuðningsmenn Chelsea
sungu einmitt „Stöð 5“ grimmt
í leiknum til þess að stríða leik-
mönnum City. - hbg
Ashley Cole til Man. City:
Góða skemmt-
un á Stöð 5