Fréttablaðið - 15.12.2011, Blaðsíða 54
15. DESEMBER 2011 FIMMTUDAGUR
Fyrir alla
pakka
Undir 3.000,-
Undir 5.000,-
Undir 10.000,-
2.500,-
4.990,-
5.980,-
Í vefversluninni okkar, kokka.is, getur þú skoðað og
keypt gjafir fyrir alla – hvort sem þeir eru nýbyrjaðir
að búa eða eiga allt. Gjafirnar eru flokkaðar eftir
þema og verði og einnig er hægt að kaupa gjafabréf.
Ef þú átt góðan sófa er upplagt að nota hann til að
kaupa jólagjafirnar! www.kokka.is
● KALKÚN ER JÓLAMATUR BRETA Mikill meiri-
hluti breskra fjölskyldna, um 90 prósent, hefur steiktan
kalkún á jólaborðinu. Meðlætið er þó breytilegt eftir lands-
hlutum og þykir Írum, nágrönnum Breta, gott að hafa visk-
ísósu með hunangi og appelsínusafa með fuglinum.
Kalkúninn er tiltölulega nýr á jólaborðum Breta þótt
hann hafi verið borðaður sem veislufæði frá því snemma
á sextándu öld, þegar William Strickland hafði með sér sex
fugla heim frá Ameríku. Hann var lengi vel of dýr til þess að
hinn almenni borgari hefði efni á honum og það var ekki
fyrr en á sjötta áratug síðustu aldar sem útbreiðsla hans
varð almenn.
Fyrr á tímum var jólamaturinn yfirleitt steiktur svanur,
gæs eða akurhæna. Fína fólkið átti þó til að skella eld-
steiktu höfði af villisvíni á jólaborðið og það þótti til merkis
um góðan fjárhag húsráðenda.
1. Gljáðar gulrætur
1 kg gulrætur
1 msk. smjör
salt
pipar
Gulræturnar afhýddar og soðnar í um
það bil 5 mínútur áður en þær eru gljáð-
ar í smjörinu á pönnu. Salt og pipar eftir
smekk.
2. Brúnaðar kartöflur
1 kg soðnar kartöflur
60 g strásykur
30 g smjör
sletta af rjóma
Bræðið sykurinn á pönnu við vægan hita
og fylgist vel með að hann brenni ekki.
Bætið smjörinu út í þegar sykurinn er far-
inn að brúnast og hrærið. Þá má setja
smá gusu af rjóma út í og hræra vel en
má sleppa. Kartöflurnar settar úr í og
velt upp úr karamellunni.
3. Rauðvínssósa
1½ bolli rauðvín
1 skalottlaukur saxaður
salt og pipar
1 tsk. smjör
Hellið rauðvíninu á pönnuna sem kjöt-
ið var steikt á. Þegar suðan kemur upp
skaltu skrapa agnirnar á botninum á
pönnunni saman við vínið til að ná sem
mestu af kjötbragðinu. Bætið síðan ska-
lottlauknum út í og hrærið vel, bætið
svo salti og pipar við eftir smekk og látið
malla á lágum hita í fimm til tíu mín-
útur. Bætið smjörinu að lokum út í sós-
una rétt áður en hún er borin fram með
matnum.
4. Waldorf-salat
½ bolli valhnetur
½ bolli sellerí skorið í bita
½ bolli vínber skorin til helminga
1 epli kjarnhreinsað og skorið í bita
Einfaldar uppskriftir
að hátíðarmeðlæti
3 msk. majónes
1 tsk. sítrónusafi
salt
pipar
Hrærið saman majónes og sítrónu-
safa, bætið salti og pipar út í. Hrærið svo
eplin, selleríið, vínberin og valhneturn-
ar saman við.
5. Rauðkál
1 stór rauðkálshaus
1 stór laukur, afhýddur en ekki
skorinn niður
1 stórt epli skrælt og skorið í sneiðar
4 negulnaglar
2 msk. borðedik
vatn eftir smekk
salt og pipar
Skerið kálið niður. Stingið negulnöglum
í laukinn og setjið í stóran pott. Stráið
káli, eplum og salti og pipar lag fyrir lag í
pottinn, hellið ediki og vatni yfir og látið
malla í 90 mínútur. Hrærið öðru hverju í.
1 2
3 4 5