Fréttablaðið - 15.12.2011, Blaðsíða 32

15. desember 2011 FIMMTUDAGUR32
MYNDIR: Barnaþrælkun á Indlandi
INDLAND Ruslatínsla er eitt af því sem fátækt fólk á Ind-
landi notar til að afla sér tekna. Stór hluti ruslatínslu-
fólksins er á barnsaldri þrátt fyrir að stjórnvöld hafi
reynt að draga úr barnavinnu með því til dæmis að
leiða skólaskyldu í lög og samþykkja ýmsar áætlanir um
útrýmingu fátæktar.
Sjaldnast starfar ruslatínslufólkið upp á eigin spýtur,
heldur fer út að tína rusl á vegum framtakssamra manna,
sem kaupa af þeim ruslið og selja áfram í endurnýtingu
eða endurvinnslu.
Börnin fara á fætur eldsnemma á morgnana, á meðan
ruslið eftir daginn og kvöldið áður er enn að finna á
götum borganna. Þau eru oftast með strigapoka og prik,
stundum er segulstál á endanum, sem þau nota til að tína
upp hvaðeina sem nýtilegt virðist vera. Málmhlutir ýmis
konar, föt, skór, pappír og plastílát fara í pokann ásamt
öðru sem til fellur.
Áður en þau skila afrakstrinum inn þurfa þau að flokka
allt saman vandlega og jafnvel þrífa, því ekki taka milli-
liðirnir við skítugu drasli sem engin leið er að losna við.
Tekjurnar eru ekki miklar, en duga þó til að hjálpa
margri fjölskyldunni að draga fram lífið. - gb
Tína rusl
og flokka
Hvergi í heimi er barnavinna algengari en
á Indlandi. Í einu úthverfa borgarinnar
Jammú fara ruslatínslubörnin á stjá árla
morguns, löngu áður en flestir aðrir fara á
fætur. Með poka og prik í hendi leita þau
uppi allt nýtilegt og hirða.
VINNANDI BARN Barnavinna er algengari á Indlandi en annars staðar í
heiminum. NORDICPHOTOS/AFP
MEÐ POKA OG PRIK Eitt barnanna á leið til vinnu árla morguns í
borginni Jammú. NORDICPHOTOS/AFP KOMUST Í FEITT Nokkur börn fundu töluvert magn af nýtilegu dóti á svæði þar sem notaðir bílar eru seldir. NORDICPHOTOS/AFP
NESTISPÁSA Eitt ruslatínslubarnanna í Jammú brosir breitt til
ljós myndarans. NORDICPHOTOS/AFP
SAFNAST Í POKANN Honum hefur tekist að finna sitt af hverju, svo
pokinn stækkar að umfangi. NORDICPHOTOS/AFP
Í LEIT AÐ NÝTILEGUM HLUTUM Tveir drengir á göngu sinni um eitt úthverfa Jammúborgar í héraðinu Kasmír, nyrst á Indlandi. Með strigapoka og
prik með segulstáli á endanum vonast þeir til að finna nýtilega málmhluti eða annað sem hægt er að selja til endurnýtingar eða endurvinnslu.
NORDICPHOTOS/AFP